Daniel (hebreo) 2:11 - Qullan Arunaka DC

¹¹ Sinti ch'amapuniw juma reyin mayitamaxa, janiw khitis uka mayitamarux qhanañchkaspati, inas diosanakax qhanañchapxchispan; ¡ukampis uka diosanakax janiw jaqinak taypin jakapkiti! —sasa.

Aymar Bibliia 1986

¹¹ Sinti ch'amapuniwa juma reyin mayitamajja, janiw qhitis uca mayitamarojj khanañchcaspati, inasa diosanacajj khanañcharacchispan, ucampisa uca diosanacajj janiw jakenac taypin jacapquiti —sasa.

Qullan Arunaca

¹¹ Sinti ch'amapuniwa juma reyin mayitamajja, janiw qhitis uca mayitamarojj khanañchcaspati, inasa diosanacajj khanañcharacchispan, ucampisa uca diosanacajj janiw jakenac taypin jacapquiti —sasa.

Daniel (hebreo) 2:11 Jak'a apnaqawi uñst'ayäwi

Génesis 41:39

Josearusti sarakïnwa: —Janiw jumjam ch'ikhi, yatiñani jaqix utjkiti, Diosarakiw jumarux taqi akanak yatiytam.

Génesis 41:8

Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

1 Reyes 8:27

“Ukampisa Diosaxay, ¿chiqpachapunit jumasti aka uraqin jakasmasti? Alaxpachatix jach'a kankañapampi jumar jan katxäsirjamäkstamxa, ¡janiw jumatak utacharapksma ukax katxäskiristamti!

2 Crónicas 6:18

“Ukampisa, ¿chiqapuniti Diosasti aka uraqin jaqinakamp chik jakaspasti? Alaxpachasa wali jach'äsin janiw katxäskiristamti, ¡ukatsa juk'ampiwa aka uta jumataki luraykta ukax jumar jan katxäskiristamti!

Salmos 132:14

“Akaw wiñayatak nayan utjäwixaxa; akawjan jakä, nayar kusisiyatap layku.

Salmos 68:18

18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.

Éxodo 29:45

Nayax israelitanak taypin jakä, jupanakan Diosapäyäwa.

Éxodo 8:19

19 (15) Ukat yatir jaqinakax faraonar sapxäna: —¡Diosaw taqi akanak luraski! —sasa. Ukampis faraonax chuymap qalarayasisax janiw ist'añ munkänti, kunjämtix Tatitux siskatayna ukarjama.

Isaías 47:12

Uka layqasiñanakam luraskakim, jumax tawaqutpach ukanak lurtaxa, inach uka layqasitanakamax kunatakis walïskani, inach uka luratanakamampix jaqix axsarätam.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 8:18

Nayampi, Tatitux churkitu uka wawanakaxampix, Israel markatak mä muspharkañ chimpüpxtwa, taqi ch'amani Tatitun uskt'atäpxtwa, Sión qullun jakir Tatituna.

Daniel (hebreo) 4:4

4 (1) “Naya, Nabucodonosor reyix, jach'a utaxan k'uchikiw jakasiskäyäta, wali qamirirakïyätwa.

Daniel (hebreo) 5:11

aka Babilonia markan mä ch'ikhi, yatiñan jaqiw utji. Juparux qullan Diosan ajayupaw irpaski. Kunapachatix juma reyin awkimax reyïkäna ukapachaw uka jaqix qhana amuyunïtapa ch'ikhïtapa, yatiñanïtap uñacht'ayäna, diosanakjam yatiñanïkaspas ukhama. Ukatpï Nabucodonosor reyix, juma reyin awkimax uka jaqir taqi yatirinakana, layqanakana, yatiñan jaqinakana, warawaranak uñch'ukis yatir jaqinakan jilïripat utt'ayänxa.

Números 35:34

“Jakapkät uka uraqir janiw ñanqhachapxätati, nayax uka uraqin jakarakï, naya, Tatitux israelitanak taypin jakasta.”

Mateo 19:26

Jesusasti jupanakar uñtasin säna: —Jaqinakatakix taqi kunas wali ch'amawa, ukampis Diosatakix janiw ch'amäkiti —sasa.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.