Daniel (hebreo) 12:4 - Qullan Arunaka DC

⁴ “ ‘Jumasti Daniel, taqi akanakatxa, jan khitirus arsumti; uka qillqat jan jist'aramti, tukuy uru puriniñapkama. Walja jaqinakaw juk'amp yatxatañ munasax uksa aksa sarnaqapxani’ sasa.

Aymar Bibliia 1986

⁴ “Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa” sasa.

Qullan Arunaca

⁴ “Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Daniel (hebreo) 12:4 Jak'a apnaqawi uñst'ayäwi

Isaías 11:9

Nayan qullan qulluxansti janiw khitis ñanqha luririx utjkaniti, kunjämatix umax q'al phuqhantixa, ukhamarakiw Tatitun yatiñapax taqi markpachar phuqhantani.

Isaías 29:11

Kuna unañchäwinaktix Tatitut katuqapkta ukanakxa, janiw amuyt'irjamäpktati; mä jist'thapit qillqatan kunatix qillqatäki uksa ullarañ munapkasma ukhamawa. Maynitix ullañ yatirir churaspaxa, ukatsti sarakispa: “Aka qillqat ullart'am” sasa, jupasti sarakiniwa: “Janiw ullart'kiristti, uka qillqatax jist'antatawa” sasa.

Isaías 30:26

Uka urunxa, Tatituw markapan chhuxrinakap qullart'ani. Ukapachaw phaxsix intjam qhantani, intisti qhanapat sipansa juk'amp qhant'ani, paqallqu intin qhanapäkaspas ukhama.

Isaías 32:3

Nayranakapampisti walpun uñatatasipxani, taqi kunsa suma amuyumpiw ist'apxani;

Isaías 8:16

Aka arunaksti sum imapxam; aka yatichäwinakaxa, iwxanakaxsa, jan khitinsa uñjkañar imasipxam.

Jeremías 5:1

Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa.

Daniel (hebreo) 10:1

Persia markankir Ciro reyin kimsa mara marka apnaqäwipan, Danielax khititix Beltsasar satäkaraki ukax, mä chiqpach unañchäwi uñjäna, uka unañchäwisti janiw amuyt'añjamäkänti. Ukampis Danielax wali amuyumpiw ukanak uñjäna, ukatsti uka uñjäwin qhanañchäwip amuyt'arakïna.

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 10:21

Jichhasti sarakïmawa kunatix chiqa qillqatan qillqantatäki ukanakxata: uka angelanakampi nuwasiñaxanxa, Israel markar arxatiri Miguel angelakiw nayar yanapt'itu.’

Daniel (hebreo) 11:33

Markankir jach'a yatiñan jaqinakasti walja jaqinakaruw yatichapxani, ukampis jank'akiw jupanakarux jiwarayapxani, ninaruw nakhantayapxani, utjir yänakapsa lunthatjapxarakiniwa, jupanakat waljaniruw jaya markanakar uywat jaqir tukuyañatak apapxani. Ukasti mä qawqha urunakakïniwa.

Daniel (hebreo) 11:40

“ ‘Tukuy pacha purinkani ukkhasti, aynach tuqinkir reyix amsta tuqinkir reyiruw nuwantani; ukampis amsta tuqinkir reyix jupamp nuwantasiñatakiw mistuni, ukatsti mä jach'a thayäkaspa ukhamaw aynach tuqitak sartani, nuwasiñ carronakampi, caballeriampi, walja soldadonakampi, walja barconakampi mantantasa.

Daniel (hebreo) 12:13

Jumasti Daniel, jan kuna llakin jakasim jiwañam urukama. Tukuy pachax purinkani ukkhaxa, jiwatanak taypit sartxäta, churäwim katuqasiñataki’ ” sasa.

Daniel (hebreo) 12:5

“Naya, Danielax, pani yaqha jaqinakaruw uñjarakta, ukanakat maynix jawir akkatana, maynisti jawir khurkatan sayaskiri.

Daniel (hebreo) 12:9

Jupasti sarakituwa: ‘Daniel, jumax sarnaqañ sarnaqaskam, janiw khitis taqi akanakat yatiñapäkiti, tukuya pachan puriniñapkama.

Daniel (hebreo) 8:17

“Ukat Gabriel angelax nayar jak'achasinitu. Nayasti wal axsarthapta, ajanuxsa uraqkamaw alt'asirakta, jupax akham situ: ‘Jaqin yuqapa, wal ist'am, uka unañchäwix akapachan tukusiñap yatiyaski’ sasa.

Daniel (hebreo) 8:19

sarakituwa: “ ‘Jichhasti kunatix Tatitun q'apisiñap tukuy urun luraskani uk qhanañchäma, uka unañchäwix tukuya pachanakat yatiyi.

Daniel (hebreo) 8:26

“ ‘Jayp'unakampita, qhantatinakampit unañchäwi tuqitxa qhanañchxsmawa, ukasti chiqawa; jumax chuymaman ukanak imam, ukanakax walja urunak mäkipkani ukapachaw phuqhasiskani’ sasa.

Mateo 24:14

Diosan qhapaq markapat suma yatiyäwix taqi uraqpachan yatiyasini, taqpach jaqinakan uk yatiñapataki; ukapachaw tukuyax purinini.

Romanos 10:18

Ukampis nayax jiskt'araktwa: “¿Janit yatiyäwi arunak ist'apkpachasti?” sasa. ¡Kamisarak jan ist'apxanisti! Qillqatasti siwa: “Jupanakan arsutapax uraqpachan ist'asi, arunakapasti uraq tukuskamaw yatisi” sasa.

Apocalipsis 10:4

Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.

Apocalipsis 22:10

Sarakituwa: “Akan qillqatäki uka profecía arunakxa, jan imxäsimti, phuqhasiñap urusti jak'achasinxiwa.

Apocalipsis 5:1

Ukatsti qhapaq qunuñan qunt'atäkän ukan kupi amparapan mä qillqat uñjta, patatsa manqhatsa qillqsuta, paqallqu sellonakampi uchantata.