Daniel (hebreo) 12:1 - Qullan Arunaka DC

¹ “ ‘Ukapachaw Israel markan arxatiripa Miguel jilïr angelax uñstanini. “ ‘Ukasti llakisiñ urunakäniwa, uka urunakjamasti janipuniw kunapachas utjkänti, markanakan utjatapat aksaru. Uka urux purinkani ukapachasti, markamankirinakat qillqatan qillqantatäpki ukanakax, taqiniw qhispipxani.

Aymar Bibliia 1986

¹ “Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Qullan Arunaca

¹ “Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Daniel (hebreo) 12:1 Jak'a apnaqawi uñst'ayäwi

Salmos 56:8

8 (9) Diosaxay, jaltatanakaxax juman jakhutawa; jumaw jachatanakaxsa yattaxa. ¿Janit ukanakast qillqataman qhanäkisti?

Salmos 69:28

28 (29) ¡Jakañ qillqat taypit sutip apsum! ¡Janipun aski jaqinakampi chik qillqantamti!

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Ezequiel 13:9

K'ari unañchäwinak uñjiri profetanakaru, k'ari profecía arunak parliri profetanakarus mutuyäwa. Israel markaxan tantachasïwinakapansti janiw kuna parlañanakapas utjkaniti; sutinakapasti janiw israelitanak taypin qillqatäkaniti, janirakiw israelitanakan uraqinakaparus mantapkaniti. Ukapachaw jumanakax nayan Tatitütax yatipxäta.’

Ezequiel 34:24

Naya, Tatitux jupanakan Diosapäyäwa, David luqtirixasti jupanakan jilïriparakïniwa. Naya, Tatituw uk arsta.

Ezequiel 5:9

kuntix nayax jumampi lurkä uksti janipuniw kunapachas lurirïkti, janirakiw mayampsa ukham lurkxäti. Luratanakamax sinti axtaskañapuniwa.

Daniel (hebreo) 10:13

Nayraw nayax jutiriskäyäta, ukampis Persia markan angelapax pä tunk mayan uruw nayar jark'xäsitu; sapakiw Persiankir reyinakamp chik qhiparxarakta, ukampis Miguel sat jilïr angelaw nayar yanapt'irix jutitu.

Daniel (hebreo) 10:21

Jichhasti sarakïmawa kunatix chiqa qillqatan qillqantatäki ukanakxata: uka angelanakampi nuwasiñaxanxa, Israel markar arxatiri Miguel angelakiw nayar yanapt'itu.’

Daniel (hebreo) 11:45

Ukatsti utjäwipxa, jach'a qutampi, Suma uraqin qullan qullupäki uka taypiruw utt'ayasini. Ukampis ukawjan jiwañapax purinini, janiw khitis jupar yanapt'irix utjkaniti.

Daniel (hebreo) 7:10

Jupa nayraqatasti mä nina jawirjamaw misturakïna. Waranqanakaw juparux yupaychapxäna, waranqa waranqanakaw jupa nayräxan sayt'atäpxäna. Taripäwi qalltasinsti, qillqatanakax jist'arataw uñjasïna.

Daniel (hebreo) 9:12

Jumax, nanakxar aka jach'a jan walt'äwi apayanisaxa, kuna axsarañanaktix nanakampiru, marka apnaqirinakampir yatiyapkista uk phuqtawa; aka uraqinsti janipuniw kuna mutuyäwtix Jerusalén markxar apayankta uka kipka mutuyäwix utjirïkiti.

Joel 2:2

ch'amaka laxa uruwa, qinaya ch'iwi ururakiwa. Wali ch'amani walja soldadonakan ejercitow qullunakan aywtani, willjta qhanar uñtataw uraqxar purintani. Janipuniw kunapachas ukax uñjasirïkänti, kunatix jichhax uñstki ukaxa, jutir urunakansa janirakiw uñjaskaniti.

Malaquías 3:16

(Tatitur axsartas sarnaqirinakasti jupanakkamaw parlasipxäna, Tatitusti jupanakar ist'änwa. Ukatsti, jupan nayraqatapan qillqasïna, Tatitur axsartañampi yäqirinakataki, sutip waqaychirinakataki).

Mateo 24:21

ukürunakanxa jach'a t'aqhisiñanakaw utjani, uka t'aqhisiñanakasti janiw akapach luraski ukat aksar uñjaskänti, janirakiw uka qhipatsa uka t'aqhisiñax uñjaskaniti.

Marcos 13:19

ukürunakax sinti t'aqhisiñ urunakäniwa, Diosax akapach lurkäna ukkhat jichhürkamax ukham t'aqhisiñax janiw utjkänti, janirakiw uka qhipatsa ukham t'aqhisiñax utjkaniti.

Lucas 10:20

Ukampis jan kusisipxamti ñanqha ajayunakan jumanakar jaysapxatam laykuxa, jan ukasti sutinakamax alaxpachan qillqantatäxatapat kusisipxam —sasa.

Romanos 11:15

Judionakan jaqunukut uñjasitapatix, yaqha markankirinakax Diosamp katuqat uñjasipxchixa, ¿kunjämarakïspa jupanakax wasitat katuqatäpkani ukkhasti? ¡Jichhax jiwatanakjam jakasipki ukanakax, wiñay jakañanïpxaniwa!

Romanos 11:26

Ukanak luraskani ukkhasti, taqi israelitanakaw qhispiyasini. Qillqatax siwa: “Qhispiyirix Jerusalén markat jutani, Jacobun juchapsa apaqaniwa.

Efesios 1:21

taqi munañaninakxar utt'ayasa, jilïrinakxaru, marka apnaqirinakxaru, taqi kunatix jichhürunakansa, qhipa urunakansa utjkani ukanakxaru.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Judas 1:9

Kunapachatix Miguel arcangelax Moisesan janchipat supayamp nuwaskäna ukkhaxa, janiw kuna jisk'achañ arumpis juchañchkänti, jan ukasti jupax sakïnwa: “¡Tatituw jumarux juchañchasktam!” sasa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 12:7

Ukatsti mä jach'a nuwasiñaw alaxpachan utjäna: Arcángel Miguelasti angelanakapampi sayt'asisin uka dragonampiw nuwasïna. Dragonampi angelanakapampisti sayt'asipxarakïnwa,

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 20:12

Ukatsti taqpach jiwirinakaruw uñjta, jisk'arusa, jach'arusa qhapaq qunuñan nayraqatapan sayt'atäskiri. Ukatsti qillqatanakaw jist'arasïna, ukhamarak yaqha qillqatasa, uka qillqatasti wiñay jakañ qillqata, satawa. Jiwirinakasti qillqatanakan qillqatäki uka lurataparjam taripataw uñjasipxäna.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.