Daniel (hebreo) 11:8 - Qullan Arunaka DC

⁸ Ukhamarusa, metalat lurat diosanakaparux Egipto markaruw apasxani, qurita, qullqita, wali jila alani yaqha yänakamp chika. Uka pä markax mä qawqha maranakaw jan nuwasisa sarnaqani,

Aymar Bibliia 1986

⁸ Uqhamarusa, diosanacaparojj Egiptoruw apasjjani, metalat lurat diosanacapa, cunanacatejj korita, kollketa, wali jila alani yänacapas utjqui ucanacampi chica.

Qullan Arunaca

⁸ Uqhamarusa, diosanacaparojj Egiptoruw apasjjani, metalat lurat diosanacapa, cunanacatejj korita, kollketa, wali jila alani yänacapas utjqui ucanacampi chica.

Daniel (hebreo) 11:8 Jak'a apnaqawi uñst'ayäwi

Génesis 31:30

Jumatix awkiman utapar kuttañpun munchïyäta, jichhax niyarak sarxta ukasti, ¿kunatarak diosanakax lunthatanistasti? —sasa.

2 Samuel 5:21

Filisteo jaqinakasti jaltxasax idolonakap pachparuw apanukusiwayapxatayna, Davidampi jaqinakapampisti ukanak apthapipxäna.

Éxodo 12:12

Uka arumasti nayax taqpach Egipto uraqi chiqaw sarakipawayä, ukatsti egipcionakan taqi jilïr tayna yuqall wawanakap jiwaräwayä, ukhamarak uywanakan nayrïr qallunakaparu, ukhamat Egipton diosanakaparux mutuyä. Naya, Tatituw uk arsta.

Isaías 2:16

taqi khitinakatix Tarsis markan utjkis uka jach'a barconakjam amuyasipki ukanaka.

Isaías 37:19

diosanakapsa ninampiw nakhantayapxi, ukanakax janiw chiqpach diosäpkänti, jan ukasti lawata, qalata jaqin lurat diosanakakïnwa. Ukat t'unjapxixa.

Jeremías 46:25

Israelan taqi ch'amani Tatitupasti sarakiwa: “Tebas chiqankir Amón sat diosaparux mutuyarakïwa, Egiptorusa, diosanakaparusa, reyinakaparusa, faraonarusa, khitinakatix jupar alkatasipki taqi ukanakarus mutuyarakïwa.

Daniel (hebreo) 10:3

Uka urunakansti janiw nayax suma manq'anak manq'käyätti, aychsa, vinsa mallt'karakïyätti, janirakiw kuna suma q'apkir qullanakampis uchaskäyätti.

Daniel (hebreo) 11:9

amsta tuqinkir reyisti aynach tuqinkir markaruw mantantañ yant'ani, ukampis kuttawayxakiniwa.

Oseas 13:15

Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.

Números 33:4

Uka pachpa uruw, egipcionakax tayna yuqall wawanakapan amayap p'amp'asipkäna, Tatituw jupanakarux jakañap apaqatayna, Egipto uraqin diosanakapar mutuyañataki.

Deuteronomio 12:3

Altaranakap t'unthapipxäta, qalanakapsa jisk'a jisk'a tukjapxarakïta; kawkïr lawanakarutix yupaychapki ukanaksa phichhantapxätawa, uka kunayman uñtan diosanakapsa, jan mayampitakiw t'unjapxarakïta.

Jueces 18:24

Micaías chachasti sänwa: —Jumanakax nayan lurata diosanakax apasipxtaxa, sacerdotexarus irpasxapxaraktawa, nayarux jan kunan jaytaniwayapxista, ukham lurkasasa nayar jiskhisipkakistawa “¿kunas kamachtam?” —sasa.