Daniel (hebreo) 11:7 - Qullan Arunaka DC

⁷ Ukampis aynach tuqinkir reyin mayni wila masipaw, amsta tuqinkir reyin ejercitopar nuwantasin atipjarakini; ukatsti reyin jach'a utap katuntasini, ukatsti soldadonakapaw atipjasin taqi apnaqapxarakini.

Aymar Bibliia 1986

⁷ Ucampisa familiapatjja mayniw amstanquiri ejercitorojj nuwantani, ucatsti reyin utapwa catuntasini, soldadonacapaw atipjasin take apnakapjjaraquini.

Qullan Arunaca

⁷ Ucampisa familiapatjja mayniw amstanquiri ejercitorojj nuwantani, ucatsti reyin utapwa catuntasini, soldadonacapaw atipjasin take apnakapjjaraquini.

Daniel (hebreo) 11:7 Jak'a apnaqawi uñst'ayäwi

Job 14:7

Mä quqaru khuchhunuktan ukapachax, ch'ichtaniñapaw suyt'atäski, ch'ich'iqiripan utjañapax suyt'atäskapuniwa.

Salmos 109:8

Jakañ urunakapax juk'akïpan, yänakapsti yaqha jaqi katuntaspan.

Salmos 55:23

23 (24) Diosaxay, k'arinakampi, jaqi jiwayirinakampix janiw jakañapat chikatsa jakapkaniti; jumaw jupanakarux mik'ay manqhar jaquntäta, ukampis nayax jumarukiw katuyassma.

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 9:14

14 (13) Ukat Tatitux mä urunak Israel markan jilïrinakaparux jiwarayi, kunjämtix mä laq'ur jiwayañatakix wich'inkhapsa, p'iqipsa khuchhurapki ukhama, kunjämtix maynix palmeranaksa, suqusanaksa khuchhurkix ukhama.

Jeremías 12:2

Jumaw jupanakarux ayrunttaxa, jupanakasti saphintapxiwa, jilatatasinsti, achunak churapxi. Jupanakax lakampikiw juma jak'ankasipki, chuymanakapanxa jumat wali jayankapxiwa.

Ezequiel 17:18

jupax juramento luratapat phiskasïnwa, janirakiw arust'äwirus phuqkänti; jupasti phuqhañatakiw arsutayna, ukampis janiw uka arsutaparux phuqkxiti, ukat jichhax jiwayatäni.

Daniel (hebreo) 11:40

“ ‘Tukuy pacha purinkani ukkhasti, aynach tuqinkir reyix amsta tuqinkir reyiruw nuwantani; ukampis amsta tuqinkir reyix jupamp nuwantasiñatakiw mistuni, ukatsti mä jach'a thayäkaspa ukhamaw aynach tuqitak sartani, nuwasiñ carronakampi, caballeriampi, walja soldadonakampi, walja barconakampi mantantasa.

Daniel (hebreo) 11:6

Mä qawqha maranakatsti, amsta tuqinkir reyimpi, aynach tuqinkir reyimpix mä arust'äwiruw mantapxani; aynach tuqinkir reyix phuchhap churani amsta tuqinkir reyin warmipäñapataki, ukhamat uka pä markanakan sumankañax wiñay utjañapataki. Ukampis uka amtäwix aynacht'aniwa, uka warmisa, wawapasa, chachapasa, uywatanakapasa jiwarayataw uñjasipxani.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Lucas 12:20

Diosasti juparux sänwa: ‘Pisi amuyt'an jaqi, jichha arumpachaw jiwxäta; kuntix imasiskta ukasti ¿khititakirakïnisti?’ sasa.