Daniel (hebreo) 11:4 - Qullan Arunaka DC

⁴ Ukampis kunapachatix jach'a markapax suma utjnuqatäxani ukapachasti, uka jach'a markapax t'unjata, pusir t'aqxtataw uñjasini. Uka reyin munañanïñapasti janiw wawanakapar churatäkaniti, janirakiw jach'a markapas nayrjam wali ch'amanïkxaniti, niyakixay t'aqanuqata uñjaschinixa, yaqhanakarakiw jupa lanti apnaqxapxani.

Aymar Bibliia 1986

⁴ Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Qullan Arunaca

⁴ Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Daniel (hebreo) 11:4 Jak'a apnaqawi uñst'ayäwi

Salmos 39:6

6 (7) ¡Jaqin jakañapax mä ch'iwjamakiwa! Inamayaw yänaksa arkuntaski, ukanak khitis katuntasini uksa janiw yatkiti.

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Jeremías 12:15

Ukham jik'inukutatsti, jupanakat khuyapayasirakïwa, pachpa uraqiparu, pachpa markaparuw kuttayanxä.

Jeremías 12:17

Ukampis kawkïr markatix jan nayar jayskitani ukarusti, saphitpach jik'inukü, ukatsti t'unjarakïwa. Naya Tatituw uk arsta.”

Jeremías 18:7

Nayax mayak amtiristxa, mä markaru, jan ukax mä marka apnaqäwir q'al t'unjañsa.

Jeremías 31:40

Kawkharutix jiwatanakax imatäki, qhillas wartatäkaraki, Cedrón jawira patanaka, inti jalsu tuqin Caballonakan punkupa satäki taqi ukanakax nayar katuyatkamakïniwa, taqi uka chiqanakasti janipuniw mayampis t'unjatäkxaniti” sasa.

Jeremías 45:4

Jichhasti Tatitux jumxat akham siwa, ukatsti jumar yatiyiriw khithanitu: ‘Nayax kuntix sayt'aykta ukxa t'unjtwa, kuntix ayruntkta uksa jik'inukuraktwa. Jichhax taqi akapachampix ukhamarak lurä.

Jeremías 49:36

Pusi tuqitpach Elam markatakix jach'a ejercitonak khithanï, mä jach'a thayampjamaw taqi tuqir ananukuyä; janiw mä markas jilt'kaniti kawkharutix elamitanakax jan imantasipkaspa ukaru.

Ezequiel 37:9

Ukatsti Tatitux sarakituwa: “Nayan sutixar jakañ samanar parlam, akham sasa: ‘Tatitux akham siwa: Jakañ samana, pusi tuqitpach sarthapinim, ukatsti aka jiwat ch'akhanakaru jakañ churam’ ” sasa.

Daniel (hebreo) 7:2

“Nayax samkaxan pusi tuqit thayax thayt'asinkiri, jach'a qutan umanakap wal unxtayaskir uñch'ukiskäyäta.

Daniel (hebreo) 7:6

“Kimsïr jach'a laq'usti, leopardor uñtatänwa, ukampis jikhanipxarux pusi chhiqhanïnwa; pusi p'iqinirakïnwa, uka laq'urusti taqi munañanïñaw churatarakïna.

Daniel (hebreo) 7:8

“Waxranak uñch'ukiñkamasti, uka waxranak taypit yaqha jisk'a waxraw jilsunïna, ukatsti kimsa waxranakxa jik'irapxänwa, ukanak lantisti qhipa mistunir jisk'a waxraw ukankxäna, uka waxrax jaqi nayrat nayranïnwa, lakapasti wali jach'a jach'a tukusaw arsüna.

Daniel (hebreo) 8:22

Kawkïri pusi waxranakatix nayrïri waxran p'akisitapat mistunipkäna ukanakaxa, aka markatxa pusi yaqha markanakaw uñstani, sañ munaraki, ukampis janiw nayrïr reyin ch'amapanïkaniti.

Daniel (hebreo) 8:8

Uka chivosti wali ch'amanipuniw tukxäna, ch'amapax juk'amp jilxatkxäna ukapachaw uka jach'a waxrapax p'akisxäna, uka p'akit waxra lantisti pusi waxraw jilsunïna, mayax amsta tuqir uñtata, mayasti aynach tuqir uñtata, mayasti inti jalanta tuqir uñtata, mayasti inti jalsu tuqir uñtataraki.

Zacarías 2:6

6-7 (10-11) Naya Tatituw arsta: “Nayaw jumanakan taqi tuqiru ananukut uñjasipxañam wakichta. Ukampis jichhax sapxsmawa: ¡Babilonia markat jank'ak mistxapxam, Jerusalén markar kutt'xapxarakim; ¡uka amsta tuqinkir markat jaltapxam! Israel markan Tatitupax nayätwa, ukham lurapxañamatakiw mayipxaraksma”.

Zacarías 6:5

Angelasti sarakituwa: “Aka carronakax pusi tuqinkir alaxpach thayanakawa, akapach apnaqir Tatitun nayraqatapat taqi akapach muytiriw mistunipxi.

Mateo 12:25

Jesusasti kuntix fariseonakax lup'ipkän uk yatisin, jupanakarux sänwa: “Mä markan jakirinakatix jupanakkam ch'axwapxaspaxa, markapax q'ala t'unjataw uñjasispa; mä markansa, jan ukax wila masinak taypinsa jupanakkam ch'axwañax utjaspaxa, jan walt'añarukipuniw puripxaspa.

Lucas 12:20

Diosasti juparux sänwa: ‘Pisi amuyt'an jaqi, jichha arumpachaw jiwxäta; kuntix imasiskta ukasti ¿khititakirakïnisti?’ sasa.

Apocalipsis 7:1

Uka qhipatsti, pusi angelanakaruw uñjarakta. Jupanakasti aka uraqin pusi tuqitpach sayt'atäsipkänwa, pusi tuqit jutir thayanak jark'asipkäna, kuna thayas aka uraqxar jan thayt'aniñapataki, janirak jach'a qutanakxarusa, kuna quqanakxarusa.