Daniel (hebreo) 11:3 - Qullan Arunaka DC

³ Uka qhipatsti yaqha reyirakiw apnaqani, jupasti wali nuwasirïniwa, jupax mä jach'a marka apnaqani, ukatsti kuntix munkani uk lurarakini.

Aymar Bibliia 1986

³ Uca khepatsti yakha reyiraquiw apnakani, jupasti wali nuwasiriraquïniwa, jupan reinopasti jach'aru tucutaraquïniwa, cuntejj muncani ucwa luraraquini.

Qullan Arunaca

³ Uca khepatsti yakha reyiraquiw apnakani, jupasti wali nuwasiriraquïniwa, jupan reinopasti jach'aru tucutaraquïniwa, cuntejj muncani ucwa luraraquini.

Daniel (hebreo) 11:3 Jak'a apnaqawi uñst'ayäwi

Daniel (hebreo) 11:16

Atipir reyisti, atipjayasirinakampix kuntix munkani uk lurani, janiw khitis jupar saykatirix utjkaniti, kunanaktix thakhin jikxatkani taqi ukanaksa t'unjaskakiniwa, ukatsti Suma Uraqi satäki ukan qhiparxani.

Daniel (hebreo) 11:36

“ ‘Amsta tuqinkir reyisti kuntix jupax munkani uk lurani. Jach'a jach'a tukutapatxa, jupax taqi diosanakatsa juk'amp ch'amanïtap amuyasini, chiqpach Diosatakisti kunayman ñanqha arunak arsuni; taqi kunas jupatakix wakiskiriw mistuni; Diosax jupatak mutuyäwipa apayankani ukapachkama, kuntix Diosax lurañapäki ukxa, luraniwa.

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Daniel (hebreo) 5:19

Jupar munañan kankañ churatap laykuw, taqi akapachankir markanakaxa, kunayman parlani jaqinakasa, awkimarux axsarapxänwa, jupa nayraqatan khathatipxarakïnwa. Jupax khitirutix jiwayañ munkäna ukarusti jiwayakïnwa, khitirutix jakayañ munkän ukarus jakayakïnwa, mayninakarux jach'aruw aptäna, yaqhipanakarusti jisk'achjarakïnwa.

Daniel (hebreo) 7:6

“Kimsïr jach'a laq'usti, leopardor uñtatänwa, ukampis jikhanipxarux pusi chhiqhanïnwa; pusi p'iqinirakïnwa, uka laq'urusti taqi munañanïñaw churatarakïna.

Daniel (hebreo) 8:21

Chivosti Grecia markan reyiparuw uñtasiraki, nayranakap taypin utjir jach'a waxrapasti nayrïr reyiruw uñtasi.

Efesios 1:11

Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Hebreos 2:4

Ukhamarus Diosax unañchanakampi, muspharkañ luräwinakampiw uñacht'ayistu, ukatsti Qullan Ajay tuqiw kunayman lurañanak munañaparjam churistu.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.