Daniel (hebreo) 11:10 - Qullan Arunaka DC

¹⁰ “ ‘Ukat amsta tuqinkir reyin yuqanakapax nuwasiñatak wakichasipxani, mä jach'a ch'amani ejército sartayapxarakini. Uka yuqanakapat maynïrix aynach tuqinkir markar katuntañatakiw sarantani, kunjämatix jawiran umax wal mantantki ukhamaw soldadonakapax mantantani, taqi kun t'unjasa; ukatsti wasitat nuwantani, aynach tuqinkir reyin uyuchrantat markapkam purisa.

Aymar Bibliia 1986

¹⁰ “Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Qullan Arunaca

¹⁰ “Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Daniel (hebreo) 11:10 Jak'a apnaqawi uñst'ayäwi

Isaías 25:12

Tatitusti uka jach'a alay thuru pirqanakap liwisiyaniwa; uraqir tinkurayat apanukuwayani.

Jeremías 51:42

Jach'a qutasti Babiloniarux q'al chhaqtayi, jach'a mathapinakapampiw chhaqtayi.

Daniel (hebreo) 11:22

Khitinakatix jupatak sayt'apkani ukanakarusti q'al t'unjani, arust'äwiru mantatäkän ukan jilïriparus jiwayarakiniwa.

Daniel (hebreo) 11:26

Jupax manq'añatak utapar jawsirïkän uka pachpa masinakapaw jupan aynacht'añapatak wakichapxani, ejercitopax atipjataw uñjasini, soldadonakapat waljaniw jiwarapxani.

Daniel (hebreo) 11:7

Ukampis aynach tuqinkir reyin mayni wila masipaw, amsta tuqinkir reyin ejercitopar nuwantasin atipjarakini; ukatsti reyin jach'a utap katuntasini, ukatsti soldadonakapaw atipjasin taqi apnaqapxarakini.

Daniel (hebreo) 11:9

amsta tuqinkir reyisti aynach tuqinkir markaruw mantantañ yant'ani, ukampis kuttawayxakiniwa.

Daniel (hebreo) 9:26

Suxta tunka payani semanatsti, Tatitur katuyat uka jach'a jilïriruw jiwayapxani. Jerusalén markampi Tatitun utapampisti t'unjataw uñjasini, kawkïri reyitix jutkani ukan jaqinakapaw t'unjarakini. Tukuy urux uma jithir uñtataw akatjamat purinini, nuwasiñanakasa, t'unjañanakasa tukuykamäniwa, ukanakasti ukhamäñapatak yatiyatarakïnwa.