Daniel (hebreo) 10:16 - Qullan Arunaka DC

¹⁶ Ukatsti akatjamat jaqin yuqapar uñtatax nayar lakaxat llamkt'itu. Ukat khititix nayraqataxankkäna ukaruw sarakta: ‘Tata, aka unañchäwi uñjataxax wal llakisiyitu, jan ch'aman tukuyarakitu.

Aymar Bibliia 1986

¹⁶ Acatjamatwa, mä jakejj nayaru lacajjat llamct'itu, jupasti jaken yokapjamänwa. Ucat nayajj saracta qhititejj nayan nayrakatajjan sayt'atäcän ucaru, aqham sasa: —Tata, aca unañchäwi uñjatajjajj wali llaquisiyitu, jan ch'amani tucuyaraquitu.

Qullan Arunaca

¹⁶ Acatjamatwa, mä jakejj nayaru lacajjat llamct'itu, jupasti jaken yokapjamänwa. Ucat nayajj saracta qhititejj nayan nayrakatajjan sayt'atäcän ucaru, aqham sasa: ‘Tata, aca unañchäwi uñjatajjajj wali llaquisiyitu, jan ch'amani tucuyaraquitu.

Daniel (hebreo) 10:16 Jak'a apnaqawi uñst'ayäwi

Éxodo 4:10

Moisesasti Tatiturux sänwa: —¡Tatay! Nayax janiw sum parlirïkti. Nayax parlkta ukkhax khakt'irïtwa, janiw arunaksa suma arsurïkti, ukat nayarux jan khitis yäqkituti, wawatpach ukhamätxa —sasa.

Éxodo 4:13

Moisesasti sarakïnwa: —¡Ay Tata!, achikt'assmawa, yaqharuk khithaskam —sasa.

Eclesiastés 1:18

Chiqpachansa juk'amp yatiñansti juk'amp jan walt'añaw utji; juk'amp yatxatirix juk'amp llakisi.

Isaías 6:7

uka nina sank'ampi lakaxar apxatasasti akham sarakitu: “Aka nina sank'aw laka ispillumar puri. Ukampisti, Tatitux ñanqha luratanakam jichhax apaqxtam, jucha luratanakamas pampachatäxiwa” sasa.

Jeremías 1:9

Ukatsti Tatitux amparap luqtanisin lakaxat llamkt'itu, sarakituwa:

Ezequiel 1:26

Uka patansti, mä k'ajkir suma qalat lurat qunuñäkaspas ukham uñjta, uka qunuña patansti jaqir uñtata mayniw qunt'atäskäna.

Ezequiel 3:27

Ukampis nayatix jumaru mä kunsa sañ munäma ukkhaxa, wasitat parlayxäma, ukat akham sarakïta: ‘Tatitux akham siwa.’ Ist'añ muniristi ist'aniwa, jan ist'añ muniristi janiw ist'kaniti, nayatak sayt'asir jaqinakäpxatap layku.

Ezequiel 33:22

Uka jaltanir jaqina janïr purinkipan nayräx arumasti, Tatituw nayxar amparap luqxatasin amutu tukuyitu; qhipärmanthi willjtasti, kunapachatix uka jaqix purinkän ukkhasti, Tatitux wasitat parlayxitu.

Daniel (hebreo) 12:8

“Nayasti kuntix siskäna uk ist'ayätwa, ukampis janiw kuns amuyt'käyätti. Ukat jiskt'asta: ‘Tata, ¿taqi ukanak qhipatsti kunarak utjanisti?’ sasa.

Daniel (hebreo) 4:19

19 (16) “ ‘Danielasti, khitirutix Beltsasar sas sutichapkarakïna ukax musphataw uñjasïna, kuna lup'ïwinakatix p'iqipar jutkäna ukampi wali mayjt'ataw uñjasirakïna. Ukampis naya, reyix jupar saraktwa: ‘Beltsasar, jan jumax samkaxat llakisimti, janirak qhanañchäwipatsa llakisimti’ sasa. Beltsasarasti ukxarux sarakituwa: ‘¡Munañan rey, kuntix uka samkax sañ munki ukanakax uñisirinakamxar wakt'pan!

Daniel (hebreo) 7:15

“Naya, Danielasti, axsarayasïyätwa; taqi kunanaktix uñjkäyäta ukanakat llakt'asisa,

Daniel (hebreo) 7:28

“Ukaw uka unañchäwin tukuyäwipaxa. Naya, Danielasti, wali mayjt'atapuniw jikxatasïyäta, ajanuxas q'illuw tukuwayarakïna; ukampis janiw khitirus ukxat arskti.”

Daniel (hebreo) 8:15

Naya, Danielasti uka unañchäwi uñch'ukiskäyäta, qhanañchäwipsa yatiñ munaskarakïyäta, ukatsti akatjamat naya nayraqataxan mä jaqir uñtatax uñstarakïna,

Daniel (hebreo) 8:17

“Ukat Gabriel angelax nayar jak'achasinitu. Nayasti wal axsarthapta, ajanuxsa uraqkamaw alt'asirakta, jupax akham situ: ‘Jaqin yuqapa, wal ist'am, uka unañchäwix akapachan tukusiñap yatiyaski’ sasa.

Daniel (hebreo) 8:18

“Ukhamaw jupax nayar parlxayaskitäna, nayasti jan ch'amaniw uraqir liwnuqtta; ukampis jupax nayar yanapt'asin sayt'ayitu,

Daniel (hebreo) 8:27

“Naya, Danielasti, ch'ama thayjtataw uñjasïyäta, walja urunakaw usuntat jikxatasirakïyäta. Uka qhipatsti wasitat marka apnaqäwin lurañanakap luraskakïyäta. Ukampis kuna unañchäwtix uñjkäyäta ukanakan jan amuyt'añjamätapatxa, wali llakitapuniw jikxatasïyäta.

Daniel (hebreo) 9:21

Mayisiskäyäta ukapachaw, unañchäwin uñstkitäna uka Gabriel sat angelax jak'axar jutäna. Ukapachasti, Tatitur jayp'u chiqa wilañcha luqtañ pachäxänwa.

Lucas 1:64

Ukspachaw Zacarías profetax wasitat parlxäna, ukatsti Diosaruw yupaychäna.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Juan 20:28

Ukatsti Tomasix sänwa: —¡Tatituxay, Diosaxay! —sasa.

Josué 5:14

Uka chachasti sänwa: —Janiw kawkirïktsa. Nayax Tatitun ejercitopan jilïripätwa, ukat jutta —sasa. Ukat Josué chachax p'iqip uraqir puriyañkam alt'äna, juparusti jiskt'arakïnwa: —¿Kamsis Tatituxax naya luqtiripatakixa? —sasa.

Apocalipsis 1:13

uka paqallqu candeleronak taypinsti mä jaqjam uñjta, niyas Jaqin Yuqapar uñtata, isipasti kayukamänwa, jaraphipäki ukkharusti quri wak'ampi wak'antata.

Jueces 13:8

Manoa chachasti, Tatituruw mayisïna akham sasa: “Tatay achikt'asïma, khithanipkista uka chacharux wasitatay nanakan ukar jutpan, yurkani uka wawa uñjañatak kuntix lurapxañaxäki uk yatiñataki” sasa.

Jueces 6:13

Gedeón chachasti sänwa: —Tatay, Diosatix nanakampïskchi ukasti, ¿kunatarak taqi akanakasti nanakatak utjisti? ¿Kawkinkarak awkinakaxax yatiyapkitu uka muspharkañ luräwinaka Egipto markat irpsunkistu ukapacha luratanakapasti? Tatitux armasipxituwa, madianitanakan amparaparuw katuyapxitu —sasa.

Jueces 6:15

Gedeonasti saskakïnwa: —Tatay, ¿kunjämarak Israel markar qhispiyästi? Nayan wila masi tamaxax, Manasés ayllunkirinak taypin jan yäqañ tamakiwa, nayasti wila masi tamax taypin jan yäqatakïtwa —sasa.