Daniel (hebreo) 1:7 - Qullan Arunaka DC

⁷ Reyin utapan luqtirinakan jilïripax jupanakarux yaqha suti uchäna: Danielarux, Beltsasar; Ananiasarux, Sadrac; Misaelarux Mesac; Azariasarusti, Abed-nego suti ucharakïna.

Aymar Bibliia 1986

⁷ Reyin palaciopan sirvirinacan jilïripajj jupanacarojj yakha sutimpiw sutichäna Danielarojj, Beltsasar sasa; Ananiasarusti, Sadrac sasa, Misaelarusti Mesac sasaraqui; Azariasarusti, Abed-nego sasaraquiw sutichäna.

Qullan Arunaca

⁷ Reyin palaciopan sirvirinacan jilïripajj jupanacarojj yakha sutimpiw sutichäna Danielarojj, Beltsasar sasa; Ananiasarusti, Sadrac sasa, Misaelarusti Mesac sasaraqui; Azariasarusti, Abed-nego sasaraquiw sutichäna.

Daniel (hebreo) 1:7 Jak'a apnaqawi uñst'ayäwi

Génesis 41:45

Faraonasti Josearux egipcio sutimpiw sutichxäna, Safenat-panéah sasa, ukatsti Potifera jaqin Asenat phuchhapampiw jaqichxäna, Potiferasti On markan sacerdotepänwa. Ukhamaw Joseax Egipto marka apnaqirit utt'ayat uñjasïna.

2 Reyes 23:34

Ukxarusti Necao faraonax Josías reyin Eliaquim sat yuqaparuw awkip lantix reyit utt'ayäna, sutipsa yaqha sutimpiw uchäna, Joacín sasa. Ukatsti Joacaz reyirux Egiptoruw irpxaruwayäna, ukanarak jiwxäna.

2 Reyes 24:17

Ukatsti Babiloniankir reyix Matanías chacharuw Joaquín sobrinop lantix, reyit utt'ayäna, sutipsa yaqha sutimpiw uchäna, Sedequías sasa.

Daniel (hebreo) 1:19

Reyisti taqpach waynanakampiw parläna, taqpachanit janiw maynirusa Daniel, Ananías, Misael, Azarías waynanakjam wali ch'ikhi jikxatkänti, ukhamïpan jupanakax reyir luqtañatak qhiparxapxäna.

Daniel (hebreo) 1:3

ukhamarusa, jach'a utapan luqtirinakan Aspenaz sata jilïriparux sänwa, reyin wila masipa taypinkir israelitanakata, ukatsti kawkïrinakatix aytat wila masinakat jilïrïki uka israelitanak taypit irpsuniñapataki,

Daniel (hebreo) 10:1

Persia markankir Ciro reyin kimsa mara marka apnaqäwipan, Danielax khititix Beltsasar satäkaraki ukax, mä chiqpach unañchäwi uñjäna, uka unañchäwisti janiw amuyt'añjamäkänti. Ukampis Danielax wali amuyumpiw ukanak uñjäna, ukatsti uka uñjäwin qhanañchäwip amuyt'arakïna.

Daniel (hebreo) 2:26

Ukat reyix Danielar säna, khitirutix Beltsasar sasa sutichkäna ukaru: —¿Jumasti nayan samkax yatiyitasmati? ¿Kuntix uka samkax sañ munki uk qhanañcharakitasmati? —sasa.

Daniel (hebreo) 2:49

Reyisti Danielan mayitaparjamax, Babilonia suyu apnaqäwin Sadrac, Mesac, Abed-nego jupanakapar jilïrit uchäna. Danielasti, reyin pachpa utapan qhiparxarakïna.

Daniel (hebreo) 4:5

5 (2) Ukampis mä arumaw ikiñankasin mä samka samkasta, ukasti walpun mulljitu, kunayman lup'ïwinakampi, unañchäwinakampix axsarañat khathatiyitu.

Daniel (hebreo) 4:8

8 (5) Uka qhipat Danielax uñstani, khititix nayan diosax layku Beltsasar sutichatäki uka, Danielan jakäwipasti qullan Diosan ajayupan irpatawa, nayasti jupar samkax yatiyarakta, akham sasa:

Daniel (hebreo) 5:12

Uka jaqix samkanaksa, jan amuyt'kañjamanaksa, imantatanak qhanañchañatakis ch'amaniwa. Jupax Daniel sutiniwa, Nabucodonosor reyiw Beltsasar sasa sutichäna. Jichhasti juma reyix Danielar jawsayanim, jupasti pirqan qillqatäki uka arunak qhanañcharakïtamwa —sasa.