Daniel (hebreo) 1:4 - Qullan Arunaka DC

⁴ wali suma uñnaqt'ani waynanaka, jan kunansa kamacht'ata, ch'ikhinaka, suma yatichatanaka, taqi kunsa yatirinaka, reyin jach'a utapan luqtañatakis wakicht'atanaka. Jupanakar caldeonakan arupampi, qillqatanakapamp yatichayañataki.

Aymar Bibliia 1986

⁴ wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Qullan Arunaca

⁴ wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Daniel (hebreo) 1:4 Jak'a apnaqawi uñst'ayäwi

Génesis 41:46

Joseasti kimsa tunka maranïnwa, kunapachatix Egiptonkir faraón reyin nayraqataparu irpapkän ukkhaxa. Joseasti faraonan ukat mistuwayxasaxa, taqi Egipto uraqpach sarañ qalltäna.

2 Samuel 14:25

Taqpach Israel markan janiw Absalonjam wali suma uñnaqt'ani chachax utjkänti; ukham wali suma waynätapatsti wali jach'añchatarakïnwa; kayut p'iqikamax janiw kuna jan walis jupan utjkänti.

Proverbios 22:29

Lurañap sum lurir jaqix, reyinakan luqtiripäniwa, janiw jan yäqat jaqinakan luqtiripäkaniti.

Eclesiastés 7:19

Mä markan tunka jilïrinakat sipansa, yatiñ kankañaw yatiñan jaqirux juk'amp ch'am churi.

Isaías 36:11

Eliaquim, Sebná, Joah ukanakax asirio oficialarux sapxarakïnwa: —Achikt'asipxsmawa, arameo arut parlt'apxita, nanakax uka arxa yatipxtwa. Hebreo arut jan parlxayapxistati, taqi khitinakatix pirqa patankapki ukanakax parlatas ist'apxiwa —sasa.

Jeremías 5:15

Tatitux siwa: “Israelitanaka, jayat jutir marka jumanakatak apayanï, wali ch'aman marka, nayratpach utjir marka. Jumanakax parlap janiw yatipktati, kuntix sapki uksa janiw amuyt'apkaraktati.

Daniel (hebreo) 2:10

Yatiñani jaqinakasti ukxarux sapxarakïnwa: —Janiw khitis aka uraqin utjkiti reyin mayitaparjam qhanañchirixa. Janipuniw khiti reyisa, qawqha jach'a munañanïskpasa ukham maykänti, khiti yatirirusa, layqa jaqirusa, yatiñani jaqirusa.

Daniel (hebreo) 2:2

Ukat jupax yatirinakaru, layqanakaru, taqi yatiñani jaqinakar jawsayanïna uka samkanak tuqit juparu qhanañchapxañapataki. Uka jaqinakasti reyin nayraqataparuw uñstapxäna,

Daniel (hebreo) 3:8

Ukampis mayni caldeo jaqinakax, Nabucodonosor reyi nayraqatan judionakar aynacht'ayañatakiw amtapxäna,

Daniel (hebreo) 4:7

7 (4) Ukatsti, Babilonia markan utjiri yatir jaqinaka, yatirinaka, yatiñaninaka, warawaranak uñch'ukis yatirinakaw jutapxäna, ukat nayax jupanakar samkax yatiyasta, ukampis jupanakax janiw uk qhanañchirjamäpkänti.

Daniel (hebreo) 5:11

aka Babilonia markan mä ch'ikhi, yatiñan jaqiw utji. Juparux qullan Diosan ajayupaw irpaski. Kunapachatix juma reyin awkimax reyïkäna ukapachaw uka jaqix qhana amuyunïtapa ch'ikhïtapa, yatiñanïtap uñacht'ayäna, diosanakjam yatiñanïkaspas ukhama. Ukatpï Nabucodonosor reyix, juma reyin awkimax uka jaqir taqi yatirinakana, layqanakana, yatiñan jaqinakana, warawaranak uñch'ukis yatir jaqinakan jilïripat utt'ayänxa.

Daniel (hebreo) 5:7

Ukatsti wararisaw Babilonian utjir taqi yatirinakaru, yatiñan jaqinakaru, warawaranak uñch'ukis yatir jaqinakar jawsäna, ukat jupanakar sarakïna: —Khititix aka pirqan qillqatäki uk ullarkani, ukatsti kuntix ukax sañ munki uksa qhanañchkarakitani, ukax suma isinakamp isthapiyatäniwa, kunkaparusti mä quri wallqamp ajuntayatarakïniwa, markaxan apnaqäwipansti kimsïri jilïri apnaqirit utt'ayatarakïniwa —sasa.

Daniel (hebreo) 9:1

“Darío reyix Asuero chachan yuqapänwa, medo markankir jaqinakat saraqirïnwa, jupax caldeonakan markap apnaqäna.

Zacarías 2:4

4 (8) juparusti sarakiwa: “T'ijum, tupuñ wiska iqt'atäkis uka waynar yatiyiri: ‘Jerusalén markax machaqat jaqinakanïxani, waljapunïniw jaqinakapasa, uywanakapasa, janiw uyunakanïñapas wakiskxaniti.

Hechos 7:20

Uka urunakan Moisesax yurïna, uka wawax Diosan nayraqatapan wali suma wawänwa. Awkipampi, taykapampix kimsa phaxsiw utapan imantat juparux uywapxäna.

Hechos 7:22

Moisesasti egipcionakan suma yatiñanakap katuqäna, jupasti arsüwip tuqi, luräwip tuqix wali aytat jaqiruw tukuwayäna.

Efesios 5:27

ukhamat q'umachat iglesia irpkatañataki, jan q'añucht'ata, jan kuna sip'uni, jan kunan kamacht'ata, ukat sipansti suma qullanaptata, jan kamskayaraki.

Jueces 8:18

Ukxarusti Zébah, Salmuná reyinakaruw jiskt'äna: —¿Kunjämarakïna Tabor markan jiwarayapkta uka jaqinakasti? —sasa. Jupanakax sapxänwa: —Jumas kipkakïnwa, jupanakat sapa maynix reyir uñtatäpxänwa —sasa.