Daniel (hebreo) 1:12 - Qullan Arunaka DC

¹² —Nayax achikt'assmawa, aka luqtirinakamar tunka uru yant'añama: Uka urunakasti ch'uxña alinakaki manq'añatak nanakar churapxitpan, umt'añatakisti umak churapxitpan.

Aymar Bibliia 1986

¹² —Nayajj achict'assmawa aca sirvirinacamampejja yant'am: Aca tunca urunacanjja ch'ojjñanacaqui mank'añataqui churapjjeta, uqhamaraqui umaqui umt'asipjjaraquï.

Qullan Arunaca

¹² —Nayajj achict'assmawa aca sirvirinacamampejja yant'am: Aca tunca urunacanjja ch'ojjñanacaqui mank'añataqui churapjjeta, uqhamaraqui umaqui umt'asipjjaraquï.

Daniel (hebreo) 1:12 Jak'a apnaqawi uñst'ayäwi

Daniel (hebreo) 1:11

Ukhamasti, Danielax reyi uta apnaqirimpiw parläna, juparuw jilïr jaqix Daniel, Ananías, Misael, Azarías uka waynanakar uñjañapatak katuyatayna, juparusti sarakïnwa:

Daniel (hebreo) 1:13

Tunka uru qhipatsti, kawkïri waynanakatix reyin manq'apa, reyin vinopsa umapki ukanakamp irpthapisin ajanunakax uñkatapxitäta. Ukatsti jumaw nanakarux kunjämarus uñjasipkitäta —sasa.

Daniel (hebreo) 1:16

Ukhamawa reyi uta apnaqirix, uka pusi waynanakan manq'apxañapäkäna, umapxañapäkäna uk apasiskäna, jupanakarux ch'uxña alinakampi, umampik manq'añatakix churarakïna.

Romanos 14:2

Amuyt'añäni, mayninakax taqi kunas manq'añakïkaspas ukham amuyapxi, mayninakasti iyawsäwipan t'ukhätap laykux ch'uxña achunakak manq'apxi.

Deuteronomio 8:3

Diosax t'aqhisiyapkchïyätam, manq'atsa awtjayapkchïyätam ukasa, jupax maná sat manq'añ manq'ayapxtam, uka manq'añsti janiw jumanakasa, nayra awkinakamas uñt'apkataynati, ukhamat jumanakan yatipxañamataki: jaqix janiw t'ant'a sapampiki jakkiti, jan ukasti Tatitun lakapat mistki uka arunakampiw jakaraki.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.