Apocalipsis 6:17 - Qullan Arunaka DC

¹⁷ Jach'a t'aqhisiñ urux purinxiwa, ¿khitirak mutuyäwitak sayt'asispasti?” sasa.

Aymar Bibliia 1986

¹⁷ Jach'a t'akhesiñ urojj purinjjewa, ¿qhitirac jichhasti sayt'asispa?”

Qullan Arunaca

¹⁷ Jach'a t'akhesiñ urojj purinjjewa, ¿qhitirac jichhasti sayt'asispa?”

Apocalipsis 6:17 Jak'a apnaqawi uñst'ayäwi

Salmos 110:5

Tatitux kupïxamankaskiwa; q'apisiñap urunxa, reyinakaruw t'unjani;

Salmos 76:7

7 (8) ¡Jumax axsarkayapunïtawa! ¿Khitirak nayraqataman sayt'aspasti, q'apisiñaman ninjam aqtatap laykusti?

Isaías 63:4

Kutsuyasiñ uru wakichkta uka urux niya wakt'ayatäxiwa; markaxar qhispiyañ urus purinxarakiwa.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Joel 1:15

¡Ay kunakïkani, Tatitun urupaw jak'achasisinki! ¡Axsarkañ uruw jutaski, taqi ch'aman Tatitusti t'unjañanak apaniraki!

Joel 2:1

Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Joel 2:31

31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Malaquías 3:2

Ukampis, ¿khitirak jutañap urumpi q'iwtasispasti? ¿Khitirak jupa nayraqatan sayt'asispasti? Ninar uñtataw jupax purinini, jiwasar q'umachañataki, jabonar uñtataw q'añunak jiwasan chuymasat apaqani.

Lucas 21:36

Jumanakax wakicht'atäpxam, Diosat mayisipxapunim, ukhamat taqi ukanak luraskani ukat jaltapxañamataki, ukatsti Jaqin Yuqap nayraqatan uñstapxañamataki.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Judas 1:6

Ukatsti kawkïr angelanakatix lurañanakap jan sum imapkäna, suma utjäwinakapsa jaytanukupkäna ukanakarusti, Tatitux wiñayatak cadenanakamp ñach'antat katxäsiski, ch'amak manqhanakar jist'antata, jach'a taripäwi uru puriniñapkama.

Apocalipsis 11:18

Jumar jan iyawsir markanakax q'apisitäpxiwa; ukampis q'apisiñam urux puriniwa, jiwatanakar taripkäta uka uruxa. Jumar luqtir profetanakarusti mä waxt'äwi churäta, qullan markamarusa, sutim waqaychirinakarus waxt'äwi churarakïta, jisk'arusa, jach'arusa; aka uraqi t'unjirinakarusti, jumax t'unjarakïtawa” sasa.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

1 Samuel 6:20

Ukatsti Bet-semes chiqan utjasirinakax sapxarakïnwa: “¿Khitirak Qullan Dios Tatitu nayraqatar uñstaspasti? Jichhasti, ¿kawkirurak Tatitun arcap apayañänisti?” sasa.