Apocalipsis 4:7 - Qullan Arunaka DC

⁷ Uka pusi jakaskirinakat mayïrix mä leonar uñtatänwa, ukxankiristi mä urqu vacar uñtatänwa, kimsïristi mä jaqir uñtatänwa, pusïristi tuyunaqaskir jach'a pakar uñtatarakïnwa.

Aymar Bibliia 1986

⁷ Aca pusi jacasquirinacasti, maynïrejj mä leonar uñtatänwa, maynïristi mä orko vacar uñtataraqui, maynïristi jake ajanut ajanuni, maynïristi jalanakasquiri mä jach'a pacar uñtataraquïnwa.

Qullan Arunaca

⁷ Aca pusi jacasquirinacasti, maynïrejj mä leonar uñtatänwa, maynïristi mä orko vacar uñtataraqui, maynïristi jake ajanut ajanuni, maynïristi jalanakasquiri mä jach'a pacar uñtataraquïnwa.

Apocalipsis 4:7 Jak'a apnaqawi uñst'ayäwi

Génesis 49:9

¡Jumasti Judá, wawaxa! Mä león qallur uñtatätawa; katuntatapar manq'antasaxa, uraqir alintasaw liwnuqtaraki, mä jach'a leonäkaspas ukhama. ¿Khitirak sartayaspasti?

2 Samuel 1:23

“¡Saúl, Jonatán! Munat jaqinaka! Jakañansa, jiwañansa, janiw jaljtapxirïkiti. ¡Jach'a pakanakat sipan juk'amp jaltirïpxänwa! ¡Leonanakat sipan juk'amp ch'amanïpxänwa!

Proverbios 28:2

Markax jan wal sarnaqki ukapachaxa, walja apnaqirinakaw sarti, suma yatiñamp apnaqiristi, markarux sum irpxaruñ yati.

Isaías 40:31

ukampisa khitinakatix Tatitur katuyasipki ukanakax machaq ch'amanïpxaniwa; pakalinakar uñtataw alayan tuyupxani, jan qarjasisaw jalanaqapxani, sarnaqasas janirakiw ch'amtayapkaniti.

Ezequiel 1:10

Uka pusinin ajanupasti akhamarakïnwa: Nayräx ajanusti jaqi ajanünwa, kupi tuqi ajanusti mä leonan ajanupjama, ch'iqa tuqi ajanusti, mä urqu vacan ajanupjama, qhipäx ajanusti mä jach'a pakan ajanupjamarakïnwa.

Ezequiel 1:8

Uka pusi ajanupata, pusi chhiqhapat sipansa, uka pusinisti, pusi chhiqhanakap k'uchunxa, jaqi amparat amparanakanïpxänwa. Chhiqhanakapasti jupanakkamaw jikthaptapxäna. Sarasasti janiw qhiparu uñtanipkänti, jan ukasti nayraqataruw sarapxäna.

Ezequiel 10:14

Uka chhiqhaninakasti sapa maynix pusi ajanunkamänwa: Nayrïr ajanux mä urqu vacan ajanupjamänwa; payïr ajanusti mä jaqin ajanupjamänwa; kimsïr ajanusti mä leonan ajanupjamänwa; pusïr ajanusti mä jach'a pakan ajanupjamarakïnwa.

Ezequiel 10:21

Sapa maynis pusi chhiqhani, pusi ajanuni ukhamäpxänwa, uka chhiqhanakap manqhansti jaqi amparäkaspas ukhamaw uñstarakïna.

Daniel (hebreo) 7:4

Nayrïr jach'a laq'ux mä leonar uñtatänwa, chiqhapasti jach'a pakan chhiqhapjamänwa. Nayax ukhamaw uka jach'a laq'ur uñch'ukiskäyäta, ukhamaruw chhiqhanakap jik'iqapxäna, uraqit waytasin qhipäx kayunakapxaruw sayt'asiyapxäna, mä jaqïkaspas ukhama, chuymapasti mä jaqin chuymapäkaspas ukhamaw tukuwayxarakïna.

Abdías 1:4

Ukampis mä pakar uñtatasay alayar makhataskam, warawaranak taypirusay tapachasiskam, ukatpach jumarux jaquqanïma.” Tatitux siwa:

Números 23:24

Aka markax axsarkañ leonar uñtataw sartasi, katjatapar manq'antañkamax janiw samarkaniti, uñisirinakapar atipjat uñjañkamax janiw samarkaniti” sasa.

Números 24:9

Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

Deuteronomio 28:49

Diosasti wali jayankir uraqit jumar uñisir marka sartayani, juman jan uñt'at markat jutani, janiw jupanakan parlapsa yatktati. Uka jaqinakax jank'akiw nuwantasiñ yati, jaltir pakalir uñtata;

Apocalipsis 4:6

Uka qhapaq qunuña nayraqatansti suma ch'uwa umani qutar uñtataw utjarakïna, mä qhispir uñtatjama. Taypinsti, uka qhapaq qunuñar muyuntki ukawjansti, pusi jakaskirinakaw utjarakïna, ukanakasti nayräxarusa qhipäxarusa walja nayranakanïnwa.

Apocalipsis 6:3

Corderox payïr sello ch'iyaqkän ukkhasti, payïr jakaskiriruw arsur ist'ta: “¡Jutam!” sasa.

Apocalipsis 6:5

Corderox kimsïr sello ch'iyaqkän ukkhasti, kimsïr jakaskiriruw arsur ist'ta: “¡Jutam!” sasa. Uñtasinsti, mä ch'iyär caballo uñjarakta. Uka caballor lat'xatatäkän ukasti mä balanza apt'atänwa.

Apocalipsis 6:7

Corderox pusïr sello ch'iyaqkän ukkhasti, uka jakaskirinakat pusïriruw arsur ist'ta: “¡Jutam!” sasa.