Apocalipsis 22:6 - Qullan Arunaka DC

⁶ Angelasti sarakituwa: “Aka arunakax aski chiqap arunakawa, profetanakar unañchir pachpa Tatit Diosaw angelapar khithani, jank'ak phuqhaskani ukanak luqtirinakapar uñacht'ayiri” sasa.

Aymar Bibliia 1986

⁶ Angelasti saraquituwa: “Aca arunacajj chekawa, catuyascañaraquiwa. Tatit Diosajj profetanacapar amuyt'ayqui ucajja mä angelwa qhiti, sirvirinacaparu uñacht'ayañataqui cunatejj mäqui lurascani ucanacata.”

Qullan Arunaca

⁶ Angelasti saraquituwa: “Aca arunacajj chekawa, catuyascañaraquiwa. Tatit Diosajj profetanacapar amuyt'ayqui ucajja mä angelwa qhiti, sirvirinacaparu uñacht'ayañataqui cunatejj mäqui lurascani ucanacata.”

Apocalipsis 22:6 Jak'a apnaqawi uñst'ayäwi

Génesis 41:32

Juma, reyix pä kutiw uka pachpa samka samkastaxa, Tatitux ukham lurañ amtatapuniwa, uksti jank'akirakiw lurani.

Daniel (hebreo) 3:28

Ukapachaw Nabucodonosor reyix jach'at arsüna: “¡Sadrac, Mesac, Abed-nego waynanakan Diosapax jach'añchatäpan, jupaw angelap khithani arkirinakapar qhispiyiri, jupanakax janiw nayan arsutaxsa phuqhañ munapkänti, yaqha diosanak nayraqatan killt'asiñat sipansa, jiwañatakis jank'akïpxänwa, Tatituparukiw yupaychapxäna!

Daniel (hebreo) 6:22

22 (23) Diosaxax, leonanakan lakap jist'antiriw angelap khithani, ukhamat nayar jan kuns kamachapxañapataki, Diosax nayan jan juchanïtax yatiwa, ukhamaraki juma rey tuqis jan kuna juch lurataxsa yatirakiwa —sasa.

Mateo 13:41

Jaqin Yuqapasti angelanakaparuw khithanini, Diosan markapat mayninakar juchar tinkuyirinakaru, jan wal lurir jaqinakar apthapiri.

Lucas 1:70

Kunjämtix nayratpach qullan profetanakap tuqi arskän ukhamarjama:

Lucas 16:16

“Bautisir Juanan urunakapkamaw Moisesan kamachipampi, profetanakan yatichäwinakapampix yatiyasiskäna. Ukat aksaruw Diosan qhapaq markapat suma yatiyäwinakax yatiyasxi, ukatsti taqiniw ukar mantañatak ch'amacht'asipxi.

Hechos 12:11

Ukapachaw Pedrox amuyt'asïna, ukat sarakïna: “Akax chiqawa. Tatitux angelap khithanitu, Herodesan amparapat qhispiyiri, judionakax jan wali lurañ amtapkitu ukat qhispiñaxataki!” sasa.

Hechos 3:18

Ukampis Diosax ukhamat phuqhawayi kuntix profetanakap tuqi arskatayna, Criston t'aqhisiñap wakisitapa.

Romanos 1:2

Diosax profetanakap tuqiw qullan Qillqatanakapan niyaw arsuwayatayna.

1 Corintios 14:32

Profecía arunakat yatiyañax profetan sarayatäñapawa;

1 Corintios 7:29

Jilatanaka, nayax akham sañ munta: Juk'a pachakiw utjxistu. Ukalayku, warmin chachanaka, chachan warminaka, janis jaqichasitäpkasma ukhamaw jakapxañama;

2 Tesalonicenses 1:7

ukat jumanak t'aqhisirinakar samarañ churañapataki, kunjämtix nanakar churapkitu ukhama. Ukasti kunürutix Tatit Jesusax ch'aman angelanakapampi uñstankan ukkhaw phuqhasini, alaxpachat nina lawranak taypinjam jutkan ukapacha.

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?

2 Pedro 1:21

profetanakax janipuniw kunsa jaqin amuyuparjam parlapkänti, jan ukasti, jupanakax Dios tuqit parlapxäna, Qullan Ajayun amuyt'ayata.

2 Pedro 3:2

Amtasipxam, kuna yatiyäwi arunaktix nayra pachanakan Diosan profetanakapax churkistu ukanakata. Jan armasipxamti, Tatitu Qhispiyir Jesucristosax churkistu uka kamachi arunakata, uka arunaksti apostolunakaw jumanakarux yatichapxtam.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.

Apocalipsis 18:20

“¡Alaxpacha, jichhax uka markan tukusitap layku kusisim. Qullananaka, apostolunaka, profetanaka, kusisipxam; Tatituw uka luratapampix chiqapar uñjapxtam” sasa.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Apocalipsis 21:5

Ukatsti qhapaq qunuñan qunt'atäkän ukax sänwa: “Nayax taqi kun machaqat lurta” sasa. Sarakïnwa: “Qillqam, aka arunakax chiqapawa, iyawskañarakiwa” sasa.

Apocalipsis 21:9

Ukatsti mä angelaw juti, uka angelasti qhipïr paqallqu t'aqhisïwinakan phuqt'ata paqallqu qirunak ast'atakän uka angelanakat maynirïnwa, uka angelasti situwa: “Jutam, khititix Corderon esposapäkani ukaruw uñacht'ayäma” sasa.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 4:1

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.