Apocalipsis 21:19 - Qullan Arunaka DC

¹⁹ Pirqan utt'at jach'a qalanakasti kunayman k'ajkir qalanakampi k'achachatänwa: Nayrïrix, diamante qalampi; payïristi, zafiro qalampi; kimsïristi, ágata qalampi; pusïristi, esmeralda qalampi;

Aymar Bibliia 1986

¹⁹ Uca tunca payani cimiento jach'a kalanacasti cunayman casta yakha kalanacampi c'achachatänwa. Nayrïrejja jaspempi, payïristi zafirompi, quimsïristi agatampi, pusïristi esmeraldampi.

Qullan Arunaca

¹⁹ Uca tunca payani cimiento jach'a kalanacasti cunayman casta yakha kalanacampi c'achachatänwa. Nayrïrejja jaspempi, payïristi zafirompi, quimsïristi agatampi, pusïristi esmeraldampi.

Apocalipsis 21:19 Jak'a apnaqawi uñst'ayäwi

Proverbios 3:15

Yatiñ kankañax suma k'ajkir qalanakat sipansa juk'amp jila alaniwa; ¡janiw wali jila alan yänakampis chikachayatäkaspati!

Ezequiel 28:13

Tatitun Edén panqar yapupan utjasïyätaxa, kunayman suma qalanakampi k'achachata: Rubí, crisólito, jade, topacio, cornalina, jaspe, zafiro, granate, esmeralda qalanakampi, aretenakamasa, yaqha yänakamasa qurit luratkamakïnwa, yurïwim urutpach wakichatarakïnwa.

Apocalipsis 21:11

Uka markasti Diosan qhanapampiw k'ajäna, k'ajatapasti suma qalan k'ajatapjama, qhispir uñtat diamante qalan k'ajatapjamänwa.

Apocalipsis 4:3

Qhapaq qunuñan qunt'atäkän ukasti diamante, rubí qalanakar uñtataw k'ajäna, qhapaq qunuñarusti mä kürmiw muyuntäna, ukasti esmeralda qalar uñtatarakiw k'ajäna.