Apocalipsis 21:11 - Qullan Arunaka DC

¹¹ Uka markasti Diosan qhanapampiw k'ajäna, k'ajatapasti suma qalan k'ajatapjama, qhispir uñtat diamante qalan k'ajatapjamänwa.

Aymar Bibliia 1986

¹¹ Uca marcasti Diosan khanapampiwa khanäna, mä suma kalan khanapjama, jaspe kalar uñtata, cristalar uñtataraqui.

Qullan Arunaca

¹¹ Uca marcasti Diosan khanapampiwa khanäna, mä suma kalan khanapjama, jaspe kalar uñtata, cristalar uñtataraqui.

Apocalipsis 21:11 Jak'a apnaqawi uñst'ayäwi

Job 28:17

Cristalat sipana, qurit sipan juk'ampi jila alaniwa; janiw suma quri yänakampis lantitäkaspati.

Isaías 4:5

Ukat Sión qullun tantacht'at markaxarux imasï, urux mä qinayaw jupanakxarux imxattani, arumasti mä nina aqtatarakiw jupanakar imani. Taqi ukanakxarusti Tatitun qhanapakiw imxattani, ukhamat urunxa lupi qhanan jan qhathintatäpxañapataki, jallutsa, jach'a thayanakatsa jark'aqatäpxañapataki.

Ezequiel 1:22

P'iqinakap patansti mä k'ajkir alay pirqäkaspas ukhamaw uñstäna, ukasti wal k'ajarakïna.

Ezequiel 1:26

Uka patansti, mä k'ajkir suma qalat lurat qunuñäkaspas ukham uñjta, uka qunuña patansti jaqir uñtata mayniw qunt'atäskäna.

Ezequiel 28:16

Walja jach'a alakip luratamampisti, juchanakampi, ch'axwañanakampiw phuqhantastaxa. Ukapachaw nayraqataxat jaqunuksma; qullan qulluxatsa jaqunukuraksma, jumar uñjiri angelasti warawaranak taypit jaqsuniraktam.

Ezequiel 43:2

ukansti Israelan Diosapan qhanaparuw inti jalsu tuqit jutaskir uñjta. Mä jach'a uxuñaw ist'asïna, mä jach'a walja umani jawiran qhuxuqitapjama, uraqisti uka qhanampi phuqhantataw uñjasirakïna.

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Apocalipsis 15:8

Qullan utjäwisti jiwq'impi phuqhantatänwa, uka jiwq'isti Diosan jach'a kankañapata, ch'amapat jutäna, janirakiw khitis ukarux mantañatak ch'amanïkänti, kuntix paqallqu angelanakax paqallqu t'aqhisïwinak apapkän ukanakan phuqhasiñapkama.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:5

Ukanxa janiw arumax utjkxaniti, ukan jakirinakasti janiw micha qhansa, intin qhanapsa munkxaniti, Dios Tatitukiw qhanani, jupanakasti wiñayatakiw ukan jakapxani.

Apocalipsis 4:3

Qhapaq qunuñan qunt'atäkän ukasti diamante, rubí qalanakar uñtataw k'ajäna, qhapaq qunuñarusti mä kürmiw muyuntäna, ukasti esmeralda qalar uñtatarakiw k'ajäna.

Apocalipsis 4:6

Uka qhapaq qunuña nayraqatansti suma ch'uwa umani qutar uñtataw utjarakïna, mä qhispir uñtatjama. Taypinsti, uka qhapaq qunuñar muyuntki ukawjansti, pusi jakaskirinakaw utjarakïna, ukanakasti nayräxarusa qhipäxarusa walja nayranakanïnwa.