Apocalipsis 2:26 - Qullan Arunaka DC

²⁶ Khitinakatix jan walt'añanakar atipjkani, ukatsti kuntix nayax munkta ukhamarjam tukuykam lurarakini ukarux, nayaw markanak apnaqañapatak ch'aman kankañ churä,

Aymar Bibliia 1986

²⁶ Qhitinacatejj atipjcani uqhamarac cuntejj nayajj munctjja uc luririnacarojj marcanacjjaru munañanïñwa churäjja,

Qullan Arunaca

²⁶ Qhitinacatejj atipjcani uqhamarac cuntejj nayajj munctjja uc luririnacarojj marcanacjjaru munañanïñwa churäjja,

Apocalipsis 2:26 Jak'a apnaqawi uñst'ayäwi

Salmos 2:8

Jumax nayat mayiskakita: katuqäwimjam markanak katuyxäma, uraq tukuskam apnaqañamatakiw churxarakïma.

Salmos 2:9

Hierro thujrumpiw jupanakarux apnaqäta, ¡ñiq'i phukhunakarjamaw t'unjarakïta!” sasa.

Salmos 49:14

14 (15) Uka jaqinakatakix jiwaw awatiripaxa, ovejanakarjamaw amay imäwirux anakiski. Willjtankan ukapachasti, aski jaqinakaw jupanakarux atipjani; ch'amapax aynacht'aniwa, utapasti manqhapacharakïniwa.

Daniel (hebreo) 7:18

Ukampis uka qhipat akapach apnaqäwix alaxpachankir Tatitun markapar katuyatäxaniwa, wiñayatakiw jupankxani” sasa.

Daniel (hebreo) 7:22

ukapachaw uka chuymani Jilïr jaqix purinïna, ukatsti Diosan markaparux chiqaparuw uñjäna, pachax phuqhasxataynawa Tatitun markapan apnaqäwi katuntasxañapataki.

Daniel (hebreo) 7:27

Ukatsti marka apnaqäwisa, munañan kankañasa, qhapaq kankañasa, taqi akapachankir apnaqäwinakasa, alaxpachankir Tatitun markapar katuyatäxaniwa. Marka apnaqäwipasti wiñayatakipunïniwa, juparuw taqi akapachankir markanakax luqtapxani, jaysapxarakini.’

Mateo 10:22

Taqi jaqinakaw nayar arkapxatam laykux jumanakar uñisipxätam; ukampis khititix tukuykam sayt'kani ukakiw qhispiyasini.

Mateo 19:28

Jesusasti jupanakarux sänwa: —Qhanak sapxsma, kunapachatix taqi kunas machaqaptkani, jaqin Yuqapas qhapaq qunuñapxar qunt'askani ukkhaxa, jumanakan nayar arkatam laykux, tunka payan qunuñarurakiw qunt'asipxäta Israelan tunka payan ayllupar taripañataki.

Mateo 24:13

Ukampis khititix tukuykam sayt'kani ukakiw qhispiyatäni.

Juan 6:29

Jesusasti jupanakarux sarakïnwa: —Diosax jupan khithanitapar iyawsapxañam muni, ukaw luräwipaxa —sasa.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

Romanos 8:37

Taqi akanakansti atipjirinakat sipansa juk'amp atipjirinakätanwa, khititix jiwasar munkistu jupa tuqi.

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.

Hebreos 3:6

Ukampis Cristox Yuqjamax Diosan utapan phuqhäna, uka utasti jiwasanakätanwa, tukuykamatix jupar iyawsañäni, kusisiñampi katuqañatak suyt'añän ukapacha.

Santiago 2:20

Pisi amuyt'an jaqi, ¿yatiñ muntati?, jan luräwin iyawsäwix inamayakiwa.

1 Juan 2:19

Jupanakax jiwasanak taypit mistuwayapxi; ukampis janiw jiwasampïkänti; jiwasampïsäpan ukasti, jiwasampi chikäskasapänwa. Ukampis ukhamaw lurasiwayi, ukhamat taqpachan jan jiwasankirïtap qhanar mistuñapataki.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

1 Juan 5:5

Khititix Jesusarux Diosan Wawapätap iyawski ukax akapacharuw atipji.

Apocalipsis 2:11

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjiristi, janiw payïri jiwäkis ukan, kuna t'aqhisiñsa katuqkaniti’ sasa.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.

Apocalipsis 22:5

Ukanxa janiw arumax utjkxaniti, ukan jakirinakasti janiw micha qhansa, intin qhanapsa munkxaniti, Dios Tatitukiw qhanani, jupanakasti wiñayatakiw ukan jakapxani.

Apocalipsis 3:12

Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.