Apocalipsis 19:4 - Qullan Arunaka DC

⁴ Uka pä tunka pusin jilïrinakaxa, ukhamaraki uka pusi jakaskirinakasa, uraqir alt'asin, qhapaq qunuñan qunt'at Diosar yupaychapxäna, akham sasa: “¡Ukhamäpan! ¡Aleluya!” sasa.

Aymar Bibliia 1986

⁴ Ucatsti uca pä tunca pusini jilïrinacajja, uqhamarac uca pusi jacasquirinacasa oraker alt'asinwa tronon kont'atäcäns uca Diosaru yupaychapjjäna, aqham sasa: “¡Uqhamäpan! ¡Aleluya!”

Qullan Arunaca

⁴ Ucatsti uca pä tunca pusini jilïrinacajja, uqhamarac uca pusi jacasquirinacasa oraker alt'asinwa tronon kont'atäcäns uca Diosaru yupaychapjjäna, aqham sasa: “¡Uqhamäpan! ¡Aleluya!”

Apocalipsis 19:4 Jak'a apnaqawi uñst'ayäwi

1 Crónicas 16:36

¡Israelan Tatit Diosapax qullanäpan wiñayan wiñayapataki!” Ukatsti taqi markpachaw säna: “Ukhamäpan” sasa, ukatsti Tatituruw yupaychäna.

Nehemías 5:13

Ukhamarakiw isixsa thalarasta akham sasa: “Ukhamwa Tatitux uka juramento jan phuqhirinakarux utapatsa, uraqipatsa anqäxar thalanukuni, ukhamarak taqi kunapatix utjki ukanaksa aparani” sasa. Jaqinakasti taqiniw arsupxäna: “Ukhamäpan” sasa. Ukatsti Tatituruw yupaychapxäna. Jaqinakasti lurañatak arsupkäna ukxa taqiniw phuqhapxäna.

Nehemías 8:6

Esdrasasti taqi ch'aman Tatit Diosaruw yupaychäna, ukatsti taqiniw amparanakap alayar luqtasin arsupxäna: “¡Ukhamäpan! ¡Ukhamäpan!” sasa. P'iqinakapsti uraqir puriyañkamaw alt'apxäna, ukatsti Tatituruw yupaychapxarakïna.

Salmos 104:35

¡Jucharar jaqinakax aka uraqin tukusipxpan! ¡Ñanqha lurir jaqinakax jiwarapxpan! ¡Taqpach chuymaxampiw Tatitur jach'añchä! ¡Tatitux jach'añchatäpan!

Salmos 106:48

Israelan Tatit Diosapax wiñayan wiñayapatak jach'añchatäpan. Taqpach markax sispan: “¡Ukhamäpan!” sasa. ¡Tatitux jach'añchatäpan!

Salmos 41:13

13 (14) ¡Israelan Tatit Diosapax jach'añchatäpan, jichhasa, wiñayan wiñayapansa! ¡Ukhamäpan!

Salmos 72:19

qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!

Salmos 89:52

52 (53) Tatitux wiñayatak jach'añchatäpan: ¡Ukhamäpan!

Jeremías 28:6

—¡Jïsa, añchakit Tatitux ukham luraspa! ¡Añchakit Tatitux, kuna arunaktix siskta ukanak phuqhaspa, taqi kunanakatix Tatitun utapat apatäki uka yänaksa aka chiqar kuttayanitäxarakispa, taqi khitinakatix Babiloniar katuntat apatäpki jupanakas kuttanxapxarakispa!

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

1 Corintios 14:16

Jumatix ajayumampik Diosar yupaychstaxa, ukat mä aliq jaqitix ist'ätamxa, janiw juman yuspagaratamampix chikachaskaniti, janirakiw juman parlatamsa amuyt'kaniti.

Apocalipsis 15:7

Ukatsti uka pusi jakaskirinakat mayniw, sapa mayni angelaru qurit lurat mä qiru churäna, ukanakasti wiñayan wiñayapatak jakki uka Diosan jach'a axsarkañ q'apisiñapampi phuqhantata.

Apocalipsis 19:1

Uka qhipatsti, walja jaqinakan arunakap ist'ta, alaxpachan akham art'asiri: “¡Aleluya! Qhispiyasiñasa, jach'a kankañasa, munañanïñas Diosasankiwa,

Apocalipsis 19:3

Ukatsti wasitat art'apxarakïna: “¡Aleluya! Aka jach'a q'añusirin jiwq'ipax wiñayan wiñayapatakiw makhatani” sasa.

Apocalipsis 19:6

Ukatsti walja jaqis arnaqaskaspa ukham ist'arakta. Ukasti uma phaxchanakan qhututitapjamänwa, jach'a qhixu qhixunakar uñtata, sapxarakïnwa: “¡Aleluya! Taqi munañan Dios Tatitusaw aka uraqir apnaqañ qallti.

Apocalipsis 5:14

Uka pusi jakaskirinakasti ukxaruw sapxäna: “Ukhamäpan” sasa. Uka pä tunka pusin jilïrinakasti killt'asisin yupaychapxarakïna.