Apocalipsis 19:14 - Qullan Arunaka DC

¹⁴ Alaxpachankir ejercitonakaw qhipap arkapxäna, suma lino janq'u q'uma isimpi isthapitkama, taqinis janq'u caballor lat'xatatkamaraki.

Aymar Bibliia 1986

¹⁴ “Khepapsti take alajjpachanquirinacaraquiw arcapjjäna suma lino jank'o k'oma isimpi isthapitcama takenisa jank'o caballor lat'jjatatcamaraqui.

Qullan Arunaca

¹⁴ “Khepapsti take alajjpachanquirinacaraquiw arcapjjäna suma lino jank'o k'oma isimpi isthapitcama takenisa jank'o caballor lat'jjatatcamaraqui.

Apocalipsis 19:14 Jak'a apnaqawi uñst'ayäwi

Salmos 68:17

17 (18) Diosan nuwasiñ carronakapax waranqanakawa; Diosax Sinaí qullut ukanakxat utapar jutanti.

Proverbios 31:22

Jupa pachpaw ikiñanak sawst'asi, suma telat lurat isinakampiw isisiraki.

Zacarías 14:5

jumanakasti uka pä qullu taypin utjkani uka qhirwanjam jaltxapxäta, uka qhirwasti maysäxankir Asal uraqkamaw purini. Jumanakax jaltxapxätawa kunjämatix Ozías reyin Judá marka apnaqäwipan nayra awkinakamax, uraqi khathati sartipan jaltxapxänxa ukhama. Tatitu Diosaxasti taqpach aski jaqinakapampiw jutani.

Mateo 21:5

“Jerusalén markarux sapxam: ‘Uñtapxam, juman Reyimaw mä asnxat jutaski, llamp'u chuymani, mä jisk'a asno qallxata, khumuñ uywan qallupxaru.’ ”

Mateo 26:53

¿Janit yatkta nayatix munirista ukax, Awkixat yanap mayirista, jupasti waranqa angelanakap nayar arxatir khithanitaspa uksti?

Mateo 28:3

Angelasti lliju llijur uñtataw k'ajäna, isipax khunjam janq'urakïnwa.

2 Tesalonicenses 1:7

ukat jumanak t'aqhisirinakar samarañ churañapataki, kunjämtix nanakar churapkitu ukhama. Ukasti kunürutix Tatit Jesusax ch'aman angelanakapampi uñstankan ukkhaw phuqhasini, alaxpachat nina lawranak taypinjam jutkan ukapacha.

Judas 1:14

Adán qhipat utjir Henoc chachasti, Tatitun amuyt'ayataw uka jaqinakat akham säna: “Tatituruw jutaskir uñjta, waranqa waranqa angelanakamp chikt'ata

Apocalipsis 14:1

Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.

Apocalipsis 14:20

Uka uvanakasti marka anqäxan ch'irwsutänwa, uva uchañatsti wilax waljapuniw mistunïna, kimsa metro chikatankam makhatasa, kimsa patak kilómetro ukch'ar llumitatasa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 19:8

Juparuw suma lino lliphipkir q'uma isinakampi isthapisim sataxa, uka suma lino isisti, Diosar axsartasa sarnaqapki ukanakan chiqa jakataparuw uñtasi” sasa.

Apocalipsis 3:4

Ukampisa, Sardes iglesian mä qawqha jaqinakaw utjasktam, jupanakasti janiw ñanqha lurapkiti. Ukat jupanakax nayampi chika janq'ut isthapt'ata sarnaqapxani, askïpxatap layku.

Apocalipsis 4:4

Uka qhapaq qunuñasti pä tunka pusin qhapaq qunuñanakampi muyuntatänwa, uka qunuñanakansti pä tunka pusin jilïrinakaw qunt'atäsipkäna, jupanakasti janq'u isinakanïnwa, p'iqinakapasti quri pillunakan asxatatänwa.

Apocalipsis 7:9

Uka qhipatsti, walja jaqinak uñjta taqi markanakata, kunayman janchini, kunayman parlani; uka jaqinakasti waljanipunïnwa, janiw khitis jakt'irjamäkänti. Jupanakasti qhapaq qunuñ nayräxana, Cordero nayräxan sayt'atäsipkänwa, janq'u isin isthapitkamakïnwa, amparanakapar layminakas ayt'atkamakirakïnwa.