Apocalipsis 19:12 - Qullan Arunaka DC

¹² Nayranakapax nina lawranakar uñtataw qhanäna, p'iqipasti walja pillunakampi asxatatarakïnwa, mä sutimpi qillqt'atarakïnwa, uka sutsti jupa sapakiw yatïna.

Aymar Bibliia 1986

¹² Nayranacapajj ninar uñtataw khanäna, p'ekeparusti walja coronanacampi asjjatataraquïnwa, ucatsti mä sutimpi kellkt'ataraquïnwa, uca sutsti jupa sapaquiraquiw yatïna.

Qullan Arunaca

¹² Nayranacapajj ninar uñtataw khanäna, p'ekeparusti walja coronanacampi asjjatataraquïnwa, ucatsti mä sutimpi kellkt'ataraquïnwa, uca sutsti jupa sapaquiraquiw yatïna.

Apocalipsis 19:12 Jak'a apnaqawi uñst'ayäwi

Génesis 32:29

29 (30) Jacobusti jiskt'arakïnwa: —Jichhax jumarak sita, ¿kunas sutimaxa? —sasa. Ukampis uka jaqix sänwa: —¿Kunatakis sutix yatiñ muntasti? —sasa. Ukatsti uka jaqix ukawjanpach Jacoburux aski waxt'äwip churäna.

Salmos 8:5

5 (6) Jaqirux niyas mä diosarjamaw lurtaxa, jaqjam aytat kankañampiw juparux pillunttaxa;

Éxodo 23:21

Janiw jupat saraqätati, juparuw jaysäta, janiw jupatak sayt'asïtati, janiw jumanakan juchanakam pampachkaniti, jupax nayan sutixaruw taqi kuns luri.

Proverbios 30:4

¿Khitirak alaxpachar makhatasin saraqanisti? ¿Khitirak thayar amparapar q'apxäsispasti? ¿Khitirak lamar qutar isipampi llawuntaspasti? ¿Khitirak uraqin qurpanakap utt'ayisti? ¿Jumax sutip yattati, wawapan sutipsa yatiraktati?

Cantar de los cantares 3:11

Jerusalenankir warminaka, ¡Salomón reyir uñjir mistunipxam! Pillumpi ucht'atawa, taykapax jaqichasiñ urupataki lurkatayna, taqi jakäwipan kusiskañ urupataki lurkatayna uka pillumpi ucht'atawa.

Isaías 62:3

Tatitu Diosaman amparapansti, reyin mä suma pillupjamäyätawa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Daniel (hebreo) 10:6

Janchipasti q'illu qhispillutäkaspas ukhamänwa, ajanupas lliju llijur uñtataw qhantäna. Nayranakapax nina lawranakjamarakïnwa, amparanakapampi, kayunakapampisti broncer uñtataw k'ajäna, jach'a arupax walja jaqinakan parlasipxatanakapjamaw ist'asïna.

Zacarías 9:16

Khä urunwa, Tatitu Diosapax markaparu qhispiyani, mä oveja tamarjama, jupankirinakasti kipka markapan k'ajapxani, pillun uchat suma qalanakapar uñtata.

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Mateo 21:5

“Jerusalén markarux sapxam: ‘Uñtapxam, juman Reyimaw mä asnxat jutaski, llamp'u chuymani, mä jisk'a asno qallxata, khumuñ uywan qallupxaru.’ ”

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 17:11

“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Juan 17:12

Kunapachatix akapachan nayax jupanakampïkäyätxa, churkista uka ch'amani sutimampiw jupanakarux imäyätxa. Janiw jupanakat maynis chhaqkänti, jan ukasti chhaqhañapäkän ukakiw chhaqxäna, kunjämtix Qillqatan siski ukarjam phuqhasiñapataki.

Efesios 1:21

taqi munañaninakxar utt'ayasa, jilïrinakxaru, marka apnaqirinakxaru, taqi kunatix jichhürunakansa, qhipa urunakansa utjkani ukanakxaru.

Hebreos 2:9

Ukampis Jesusarux uñjtanwa, juparusti Diosax angelanakat sipansa mä juk'a pachatak jisk'aruw uskt'i, jiwañampi t'aqhisitap laykusti qhapaq kankañampi, jach'a kankañampi pilluntatawa. Diosax munasiñapan taqinin askipatakiw jiwañap munäna.

Apocalipsis 1:14

Ñik'utapasti t'awrjama, jan ukax, khunjama janq'ünwa, nayranakapasti aqaskir ninjamarakïnwa.

Apocalipsis 12:3

Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.

Apocalipsis 13:1

Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.

Apocalipsis 19:16

Isipansa, charapansa mä suti qillqt'atarakïnwa: “reyinakansa Reyipa, munañaninakansa Munañanipa” sasa.

Apocalipsis 3:12

Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.

Apocalipsis 6:2

Uñtasinsti, mä janq'u caballo uñjta, uka caballor lat'xatatäkän ukasti amparapar mich'inak antutt'añ apt'atänwa, juparusti mä pillu churapxäna. Jupax uñisirinakaparuw atipjatayna, jichhasti juk'ampi atipjañatakiw mistuwayäna.

Jueces 13:18

Ukat angelax säna: —¿Kunatakirak sutix yatiñ muntasti? Sutixax jan arskay muspharkayawa —sasa.