Apocalipsis 18:23 - Qullan Arunaka DC

²³ Janipuniw juman mä micha qhanas qhankxaniti, jaqichasïwinakan kusisiñ uxutanakapas janirakiw ist'askxaniti. Alakipa lurir jaqinakamax aka uraqpachan wali munañan jaqinakäpxänwa, jumasti layqasitanakamampiw taqpach markanakar sallqanttaxa.”

Aymar Bibliia 1986

²³ janiraquiw jumanjja ni cuna casta lampar khanas khancjjaniti, janiraquiw ist'ascjjaniti casarasirinacan fiestapan ojjotanacapasa. Jumampi alaquipa lurir jakenacajj nayrapachajj wali munañaninacäpjjänwa acapachanjja, take marcanacarusti laykasitanacamampiraquiw sallkjäyätajja.”

Qullan Arunaca

²³ janiraquiw jumanjja ni cuna casta lampar khanas khancjjaniti, janiraquiw ist'ascjjaniti casarasirinacan fiestapan ojjotanacapasa. Jumampi alaquipa lurir jakenacajj nayrapachajj wali munañaninacäpjjänwa acapachanjja, take marcanacarusti laykasitanacamampiraquiw sallkjäyätajja. ”

Apocalipsis 18:23 Jak'a apnaqawi uñst'ayäwi

2 Reyes 9:22

Joram reyisti Jehú capitanar uñjasinxa, sänwa: —Jehú, ¿jumax sumankañ amtampit jutta? —sasa. Jehú chachax ukxaruw säna: —¿Kuna sumankañarak jumamp utjaspa, Jezabel taykaman idolonakar yupaychkipana, layqasiñanakapamp sarnaqaskakipansti? —sasa.

Job 21:17

¿Kunapacharak ñanqha lurir jaqinakast janïräkasin jiwapxisti? ¿Kunapacharak jupanakasti chijinakar puripxisti? ¿Kunapacharak Tatitusti jupanakatak q'apisisin t'aqhisiyisti?

Proverbios 24:20

ñanqha lurir jaqix janiw suma tukuyäwi jikxatkaniti; ¡ñanqha lurir jaqix micha qhanar uñtataw jiwt'awayxani!

Isaías 23:8

Alakip luririnakapax wali aytat jaqinakäpxänwa; taqi chiqansa wali sum katuqatäpxänwa. Jichhasti, ¿khitirak uka marka t'unjañ amtisti?

Isaías 47:9

Inas akatjamat jumxarux uka jan walt'añanakax jutchini, inamayäskaniw layqasitanakamasa, ijma warmi, jan wawanakaniw uñjasïta.

Jeremías 16:9

Naya, Israelan taqi ch'aman Dios Tatitupasti sistwa: Nayaw aka markan phunchhäwinaka, kusisiñanaka, jaqichasiñ q'uchunaksa q'al chhaqtayä. Taqi ukanaksti jumanak pachpaw uñjapxarakïta.

Jeremías 25:10

Jupanak taypin phunchhäwi q'uchunaksa, kusiskañ q'uchunaksa chhaqtayäwa, jaqichasïwi q'uchunaka, qhunan ruxuqitapsa chhaqtayarakïwa, janiw mayampis lamparanakan qhanatapax utanakan uñjaskxaniti.

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Nahúm 3:4

Asiria marka, taqi ukanakasti yaqha markanakar sallqjatamat lurasiski, uka markanakasti juman diosanakamaru, layqasiñanakamaruw munapayapxäna, ukat jan walinak lurañatak jumampix sumar mantapxäna.

Hechos 8:11

Jaqinakax juparuw jaysapxäna, layqasiñapampiw jupanakarux walja maranak sallqjatayna.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 17:2

Akapach reyinakax jupampiw chikachasipxi k'ari diosanakar yupaychañataki, uraqin utjirinakasti pachparak lurapxi” sasa.

Apocalipsis 17:5

paraparusti jan uñt'at sutiw qillqata utjäna, uka sutisti akhamänwa: “Jach'a Babilonia, q'añusirinakan taykapa, akapachan utjir taqi ñanqhanakampina, uñisiñäki ukanakampin taykapa” sasa.

Apocalipsis 18:22

Marka thakhinakamansti janipuniw arpan jayllitapasa, pinkillunakana, trompetanakan phust'asitapas ist'askxaniti, janirakiw kunayman irnaqirinakasa marka thakhinakaman utjkxaniti, molino qalan ñut'uchatapas janirakiw ist'askxaniti.

Apocalipsis 18:3

Wachuqa jucha lurat vinopampiw taqi markanakax macharapxi; akapach reyinakasti uka Babiloniampiw wachuqa juchan sarnaqapxi, alakipa lurir jaqinakasti, jupan jan wali sarnaqatapampiw qamiriptapxi” sasa.

Apocalipsis 18:9

Akapachankir reyinakasti, nina jiwq'i uñjasax uka warmit wal jachapxani, jakhusipxarakini, jupampi q'añusipxatap layku, k'achachasiñanakar katuyasipxatap layku.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.

Apocalipsis 22:5

Ukanxa janiw arumax utjkxaniti, ukan jakirinakasti janiw micha qhansa, intin qhanapsa munkxaniti, Dios Tatitukiw qhanani, jupanakasti wiñayatakiw ukan jakapxani.

Apocalipsis 6:15

Akapach reyinakasa, munañan jaqinakasa, qamirinakasa, jilïr militaranakas qarqa p'iyanakaruw imantasxapxäna, uywat jaqinakampi, antutat sarnaqasir jaqinakamp chika.

Apocalipsis 9:21

Uka jaqinakax janiw jaqi jiwayatanakapat kutikipstapkänti, layqasitanakapatsa, wachuqa juchan sarnaqatanakapatsa, lunthatasipxatapatsa janirakiw kutikipstapkänti.