Apocalipsis 18:19 - Qullan Arunaka DC

¹⁹ Ukatsti laq'ampiw p'iqinakapat willxatasipxäna, jachapxäna, wararipxarakïna: “¡Ay, kunarurak purt'asta! ¡Llakkañätaw ch'aman jach'a marka! Qamir yänakamampiw qutan barcompi irnaqirinakax qamiriptapxi. ¡Jichhasti jank'akirakis uka qamir yänakamax tukusiwayxixä!”

Aymar Bibliia 1986

¹⁹ Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!

Qullan Arunaca

¹⁹ Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!

Apocalipsis 18:19 Jak'a apnaqawi uñst'ayäwi

2 Samuel 13:19

jaqunukut uñjasisasti, qhillampiw p'iqipxar willxatasïna, uka suma isip ch'iyanuqasirakïna, amparanakapampi p'iqip katt'asisaw jacht'asis thakhinjam sarxäna.

Nehemías 9:1

Uka pachpa phaxsina, pä tunka pusini uru saraqataruw israelit jaqinakax ayuno lurañatak tantachasipxäna; jupanakasti chhankha isinakampiw uchasipxäna, p'iqinakapxarus laq'ampiw willxatasipxäna,

Job 2:12

Job chachan ukar purisinsti, jan uñt'kaya jupar jikxatapxäna; ukham jan wali uñjasinsti jach'at jachañ qalltapxarakïna, isinakapsa llakisiñan phuqt'ataw ch'iyanuqasipxäna, p'iqinakaparus laq'ampiw willxatasipxäna.

Isaías 13:19

Jichhax Babilonia marka, sum ist'ita: yaqha markanakatakix mä k'ajkir qaljamätawa, caldeonakatakisti mä jach'a kankañan markjamarakïtawa, ukampis naya ch'aman Tatituw q'al tukjäma kunjämtix Sodoma, Gomorra markanakar t'unjtxa ukhama.

Lamentaciones 2:10

Jerusalén markankir jilïr jaqinakas amukiw uraqin qunurxapxi, p'iqinakapxarus laq'ampiw jach'xatasipxi, chhankha isinakampiw uchasipxi. Jerusalén markankir tawaqunakasti p'iqinakapsa uraqkamaw alt'apxaraki.

Ezequiel 27:30

Wal arnaqasipxani, jumatjamasti walpun jachapxani, p'iqinakaparus laq'anakampiw jach'xatasipxani, qhillaruw qurumsupxani.

Josué 7:6

Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.

Apocalipsis 17:16

Uñjktas uka tunka waxranakampi, uka jach'a axsarkañ animalampisti, uka q'añusir warmirux uñisipxaniwa, utjirinakap taqpach apaqapxani; q'alalpacharak irpanukupxani, janchip manq'apxani, ukatsti ninaruw nakhantayapxani.

Apocalipsis 18:10

Ninan mutuyäwipar axsarasasti, jayatak uñch'ukipxani, sapxarakiniwa: “¡Ay! ¡Babilonia jach'a marka, ch'aman marka, kunarus purt'asta! ¡Akatjamatakirakis mutuyäwimax purinixä!” sasa.

Apocalipsis 18:3

Wachuqa jucha lurat vinopampiw taqi markanakax macharapxi; akapach reyinakasti uka Babiloniampiw wachuqa juchan sarnaqapxi, alakipa lurir jaqinakasti, jupan jan wali sarnaqatapampiw qamiriptapxi” sasa.

Apocalipsis 18:8

Uka arsutap laykuw jupatak t'aqhisiñax mä urunak purinini: jiwañampi, t'aqhisiñampi, manq'at awtjayasiñampi, ninar nakhantayataw uñjasirakini; taqi ch'aman Tatitu Diosaw jupar mutuyañ amti” sasa.

1 Samuel 4:12

Ukampisa, Benjamín ayllunkir mä soldadow nuwasïwit jaltxäna, t'ijukamakiw Siló chiqarux purïna, isinakapas ch'iyanuqata, p'iqipas laq'akamakiraki.