Apocalipsis 17:9 - Qullan Arunaka DC

⁹ “Ak amuyt'añatakisti, yatiñ kankañaw wakisi: Uka paqallqu p'iqisti, warmix qunt'atäki uka paqallqu qullunakawa, paqallqu reyinakarakiwa.

Aymar Bibliia 1986

⁹ “Acanjja mayaw utji qhitinacatejj amuyt'apqui ucanacataqui: Uca pakallko p'ekejja pakallko kollunacaru uca warmejj kont'atäquis ucawa.

Qullan Arunaca

⁹ “Acanjja mayaw utji qhitinacatejj amuyt'apqui ucanacataqui: Uca pakallko p'ekejja pakallko kollunacaru uca warmejj kont'atäquis ucawa.

Apocalipsis 17:9 Jak'a apnaqawi uñst'ayäwi

Daniel (hebreo) 12:4

“ ‘Jumasti Daniel, taqi akanakatxa, jan khitirus arsumti; uka qillqat jan jist'aramti, tukuy uru puriniñapkama. Walja jaqinakaw juk'amp yatxatañ munasax uksa aksa sarnaqapxani’ sasa.

Oseas 14:9

9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.

Mateo 13:11

Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.

Mateo 24:15

“Daniel profetax kuna jan wali luräwitix Tatitun utapan luraskani uka tuqit qillqäna. Kunapachatix jumanakax Daniel profetan qillqataparjam Qullan Chiqana ñanqha luririn utjantasir uñjapkäta ukkhaxa, ullart'irix sum amuypan,

Apocalipsis 13:1

Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.

Apocalipsis 13:18

Yatiñ kankañax akankiwa: Khititix amuyt'ki ukax, uka axsarkañ animalan jakhüwip amuyt'pan, uka jakhüwisti jaqin jakhupawa, ukasti suxta patak suxta tunka suxtaniwa.

Apocalipsis 17:18

Uñjktas uka warmix, uka jach'a markawa, reyipasti aka uraqin utjir taqi reyinakaruw apnaqi” sasa.

Apocalipsis 17:3

Ukatsti, Ajayux uñacht'aykitu uka unañchäwi tuqiw angelax wasarar irpitu. Uka wasaransti mä warmi uñjta, mä axsarkañ jach'a wila animalxar qunxatata. Uka axsarkañ animalasti Diosar ñanqhachir sutinakampi qillqsutänwa, paqallqu p'iqinïnwa, tunka waxranirakïnwa.

Apocalipsis 17:7

Ukat angelax sarakitu: “¿Kunatarak muspharastasti? Nayaw kuntix aka unañchäwix sañ munki uk amuyt'ayäma. Khitïkitix uka warmisa, khitïkitix uka paqallqu p'iqini, tunka waxrani jach'a axsarkañ animalas uk sarakïma.