Apocalipsis 17:17 - Qullan Arunaka DC

¹⁷ Diosaw uka tunka reyinakan chuymapar usku mayakïpxañapataki, ukatsti kuntix Diosax munki uk lurapxañapataki, uka jach'a axsarkañ animalar munañanïñ churasa, Diosax arski uk phuqhasiñapkama.

Aymar Bibliia 1986

¹⁷ Diosaraquiw jupanacan chuymaparojj uscu mayaquïpjjañapataqui, ucatsti cuntï Diosajj munqui uc lurapjjañapataqui, uca jach'a ajjsarcañ animalarus munañanïña churasa, cuntï Diosajj arsqui uca phokhasiñapcama.

Qullan Arunaca

¹⁷ Diosaraquiw jupanacan chuymaparojj uscu mayaquïpjjañapataqui, ucatsti cuntï Diosajj munqui uc lurapjjañapataqui, uca jach'a ajjsarcañ animalarus munañanïña churasa, cuntï Diosajj arsqui uca phokhasiñapcama.

Apocalipsis 17:17 Jak'a apnaqawi uñst'ayäwi

Esdras 7:27

Uka qillqat ullarasinsti Esdrasax akham sänwa: “Awkinakasan Tatit Diosapax yupaychatäpan, reyir ch'amañchatapata, Jerusalenan Tatitun utapar jach'añchatapata,

Salmos 105:25

Egipto uraqinkirinakarusti chuymanakap mayjt'ayäna Diosan markapar uñisipxañapataki, uywatanakapar jan walinak lurapxañapataki.

Proverbios 19:21

Jaqin amuyupan walja amtäwinakaw utji, ukampis Tatitun amuyt'äwipakiw phuqhasi.

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Daniel (hebreo) 12:7

Lino isimp isthapit chachasti, alaxpachar amparap luqtasaw, jakkir Diosan sutipxar juramentompi arsüna akham sasa: ‘Kimsa mara chikatanita, kunapachatix Diosan markapax jan juk'amp t'aqhisiyat uñjaskxani ukapachaw taqi akanakax tukusxani’ sasa.

Lucas 22:22

Jaqin Yuqapax kunjämtix Diosax siski ukhamaruw phuqhaskani, ukampis ¡kunakïkan aljantir jaqitakixa! —sasa.

Lucas 22:3

Ukapachaw supayax Judas Iscarioten chuymapar mantäna, jupasti tunka payan yatiqirinakat maynïrïnwa.

Lucas 22:37

Nayasti sapxsmawa, kunatix Qillqatanakax nayat siski: ‘Ñanqha luririnakamp jakhutawa’ sasa ukax phuqhasiñapawa. Taqi kunatix nayat qillqatäki ukanakax phuqhasiñapawa —sasa.

Juan 10:35

Kuntix Qillqatan siski uk sum yattanxa, uk janiw ina ch'usar tukuyksnati; Diosasti, khitinakatix arunakap katuqki ukanakarux “diosanaka” sasaw sutichäna.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Juan 13:2

Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa, Awkin taqi munañanïñ kankañ churatapsa yatirakïnwa; manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna.

Juan 19:24

soldadonakasti jupanak puraw sasipxäna: —Jan ch'iyjkañäniti, jan ukasti suerte jaqtañäni, ukhamat yatiñäni khitirus wakt'ani uka —sasa. Ukasti Qillqatan phuqhasiñapatakiw ukham lurasiskäna: “Isixsti jupanakkamaw lakjasipxäna, patar uchasiñ isixsa suertet jaqtapxarakïna” sasa. Soldadonakax ukham lurapxäna.

Juan 19:28

Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: —Umat pharjitu —sasa.

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

Apocalipsis 10:7

paqallqür angelax trompetap phust'añ qalltkani ukkhaxa, Diosan imantat amtatanakapax phuqhasxaniwa, kunjämtix jupax profetanakap tuqi yatiykän ukhamarjama” sasa.

Apocalipsis 15:1

Ukatsti alaxpachan yaqha jach'a chimpurak uñjta, ukasti wali muspharkañänwa. Paqallqu angelanakaw paqallqu mutuyäwimpi uñstanïna, ukanakasti qhip qhipa mutuyäwinakawa, ukanakampiw Diosan q'apisiñapax tukusxäna.

Apocalipsis 17:13

Uka tunka reyinakasti mä arust'akïpxiwa, uka jach'a axsarkañ animalarux munañanïñ kankañap churapxani.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Apocalipsis 6:11

Ukatsti Diosax sapa mayniruw janq'u isinak churäna, jupanakarusti sarakïnwa: mä juk'a pacha suyt'apxakim sasa, Cristonkirinakan janïr jupanakjam taqpachani jiwarayat uñjasipxatap layku.