Apocalipsis 16:13 - Qullan Arunaka DC

¹³ Ukatsti uñjaraktwa dragonan lakapatsa, uka jach'a axsarkañ animalan lakapatsa, uka k'ari profetan lakapatsa, kimsa ñanqha ajayunak mistusinkiri k'ayranakar uñtata.

Aymar Bibliia 1986

¹³ Ucatsti uñjaractwa dragonan lacapatsa, uca jach'a ajjsarcañ animalan lacapatsa, uqhamarac c'ari profetan lacapatsa, quimsa ñankha ajayunaca mistusinquiri, ucanacasti jamp'atur uñtataraquïnwa.

Qullan Arunaca

¹³ Ucatsti uñjaractwa dragonan lacapatsa, uca jach'a ajjsarcañ animalan lacapatsa, uqhamarac c'ari profetan lacapatsa, quimsa ñankha ajayunaca mistusinquiri, ucanacasti jamp'atur uñtataraquïnwa.

Apocalipsis 16:13 Jak'a apnaqawi uñst'ayäwi

Salmos 105:30

uraqipax jamp'atunakamp phuqhantatänwa, jamp'atux reyin ikiñ utapamppachan aywtäna.

Salmos 78:45

Mich'isir chhichhillankhanakampi, jamp'atunakampi apayanïna, ukanakasti taqi kun manq'antapxäna, tukjapxarakïna;

Mateo 7:15

“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 20:10

Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki.