Apocalipsis 16:10 - Qullan Arunaka DC

¹⁰ Phisqïr angelasti uka jach'a axsarkañ animalan reyi qunuñapxaruw qirup warxatäna, uka marka apnaqäwipasti ch'amakan chhaqtataw uñjasïna. Jaqinakasti t'aqhisiñat laxranakap t'urjasipxäna;

Aymar Bibliia 1986

¹⁰ Pheskëri angelasti copapjja uca jach'a ajjsarcañ animalan tronopjjaruw warjjatäna, uca reinopasti ch'amact'araquïnwa. Jakenacasti t'akhesiñatjja lajjranacapwa t'urjasipjjäna,

Qullan Arunaca

¹⁰ Pheskëri angelasti copapjja uca jach'a ajjsarcañ animalan tronopjjaruw warjjatäna, uca reinopasti ch'amact'araquïnwa. Jakenacasti t'akhesiñatjja lajjranacapwa t'urjasipjjäna,

Apocalipsis 16:10 Jak'a apnaqawi uñst'ayäwi

Salmos 78:49

Diosaw jach'a q'apisiñap jupanakatak apayanïna: q'apisiña, juchañchatäña, llakisiñ apayanïna, ukanakax t'unjir khithanakar uñtatäpxänwa.

Mateo 13:42

Jupanakarux nina aqkir hornoruw jaquntapxani, ukan wararipxani, laka ch'aksa t'urusipxani.

Mateo 13:50

jan wali jaqinakarusti nina aqkir hornoruw jaquntapxani. Ukapachaw wararipxani laka ch'aksa t'urusipxani.”

Mateo 22:13

Ukatsti reyix uywatanakaparuw säna: ‘Kayumpita, amparampit ñach'antas anqa ch'amakar jaqunukupxam, ukan wararini, laka ch'aksa t'urusirakini.’

Mateo 24:51

juparusti kunjämatix k'ari chuymaninakar mutuyaski, uka kipka mutuyarakini. Ukapachaw jachani, laka ch'aksa t'urusirakini.

Mateo 8:12

ukampis khitinakatix uka suma markankañapäki ukanakax, anqa ch'amakar jaqunukutäniwa. Ukan wararipxani, laka ch'aksa t'urusipxani —sasa.

Lucas 13:28

Ukan wararipxäta, laka ch'akhanakamsa t'urusipxäta, Abrahamampi, Isaacampi, Jacobumpi, taqi profetanakamp Diosan qhapaq markapankatap uñjasina, jumanakasti anqar jaqunukutäpxätawa.

1 Pedro 2:17

Taqinirus suman uñjapxam. Tatitun utapankirinakar munapxam, Diosar jach'añchapxam, reyirus ist'apxarakim.

Apocalipsis 11:10

Aka uraqin jakirinakasti wal kusisipxani jupanakan jiwarapxatapata. Kusisiñatsa jupanakkamaw churäwinaksa waxt'asipxani, uka pani profetanakan jaqinakar wali t'aqhisiyirïtap layku.

Apocalipsis 11:2

Ukampis uta anqäxäkis ukxa janiw tupt'kätati, ukasti jan judiöpkis uka jaqinakar katuyatäxiwa, uka jaqinakasti pusi tunka payan phaxsiw Jerusalén qullan marka apnaqapxani.

Apocalipsis 11:8

Amayanakapasti, kawkintix Tatitux ch'akkatatäkän uka jach'a markan thakhinakapan jaqtatäskaniwa. Uka markasti mä arunxa Sodoma, ukhamarak Egipto satarakiwa.

Apocalipsis 17:17

Diosaw uka tunka reyinakan chuymapar usku mayakïpxañapataki, ukatsti kuntix Diosax munki uk lurapxañapataki, uka jach'a axsarkañ animalar munañanïñ churasa, Diosax arski uk phuqhasiñapkama.

Apocalipsis 17:9

“Ak amuyt'añatakisti, yatiñ kankañaw wakisi: Uka paqallqu p'iqisti, warmix qunt'atäki uka paqallqu qullunakawa, paqallqu reyinakarakiwa.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!

Apocalipsis 18:21

Ukatsti mä wali ch'aman angelaw mä jach'a qala apti, ukasti molino qalar uñtat jach'änwa, ukatsti jach'a qutaruw jaqunti akham sasa: “Jach'a Babilonia marka, akham jaquntataw uñjasïta, janirakiw mayampsa uñjapkxätamti.

Apocalipsis 18:23

Janipuniw juman mä micha qhanas qhankxaniti, jaqichasïwinakan kusisiñ uxutanakapas janirakiw ist'askxaniti. Alakipa lurir jaqinakamax aka uraqpachan wali munañan jaqinakäpxänwa, jumasti layqasitanakamampiw taqpach markanakar sallqanttaxa.”

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.

Apocalipsis 9:2

Ukatsti uka ch'amak manqha jist'aräna, uka ch'amak manqhatxa jiwq'iw mistüna mä jach'a hornot mistunkaspa ukhama; uka jiwq'iw intiru, saman thayar q'al ch'amakt'ayäna.