Apocalipsis 14:20 - Qullan Arunaka DC

²⁰ Uka uvanakasti marka anqäxan ch'irwsutänwa, uva uchañatsti wilax waljapuniw mistunïna, kimsa metro chikatankam makhatasa, kimsa patak kilómetro ukch'ar llumitatasa.

Aymar Bibliia 1986

²⁰ Uca uvanacasti marca ankäjjan ch'irwsutänwa, cawqhantï imatäcän ucqhatsti wilaw mistuni. Uca wilasti mä kotaw tucuwayi caballonacan lacapar puriñcama, ucatsti wali jach'aruw saratati, quimsa pataca kilometrjama.

Qullan Arunaca

²⁰ Uca uvanacasti marca ankäjjan ch'irwsutänwa, cawqhantï imatäcän ucqhatsti wilaw mistuni. Uca wilasti mä kotaw tucuwayi caballonacan lacapar puriñcama, ucatsti wali jach'aruw saratati, quimsa pataca kilometrjama.

Apocalipsis 14:20 Jak'a apnaqawi uñst'ayäwi

Génesis 49:11

Khititix asnopa uva yapunakan chint'aski, isipsa vinompi t'axsuskaraki, ¡uvat ch'iwrsut umapampi!

Isaías 66:24

“Kunapachatix markaxax misttankan ukkhasti, khitinakatix nayatak sayt'asipkäna uka jaqinakan jiwat janchinakap uñjapxani. Ukanak manq'ir laq'unakasti janiw jiwapkaniti, jupanakar nakhantir ninasti janipuniw jiwt'kaniti. ¡Taqi jaqinakatakisti wali axtaskañäniwa!”

Lamentaciones 1:15

Tatitux khitinakatix ch'amampi nayar arxatapkitäna ukanakarux jayaruw apanuku. Nayar nuwantañatakisti mä ejército khithanukuni, ukhamat ch'aman jaqinakaxar tukjañataki. ¡Tatitux ukhampach nayarux takxatitu, uvar uñtataw ch'irwsurakitu!

Ezequiel 32:6

Uraqis wilamampi ch'ach'jatäniwa, ukasti qullunakkamaw makhatani, jawiranakas uka wilampiw phuqhantasini.

Joel 3:13

13 (13) Jupanakasti wali qhurunakäpxiwa, q'illurat trigor uñtat yawthapipxam, yapu apthapiñ pachax purinxiwa; uvax vino lurañatak puqt'atäxiwa, uka uvarjam ch'irwsupxam.

Deuteronomio 32:14

uywanakamatsti lechempi mantequillampi utjayarapipxtam, suma lik'i ovejanak manq'apxaraktaxa, Basán uraqinkir urqu ovejanakampi, urqu cabritonakampi. Suma trigo achunak manq'apxtaxa, suma uvanakat vinsa umapxaraktaxa.

Apocalipsis 11:8

Amayanakapasti, kawkintix Tatitux ch'akkatatäkän uka jach'a markan thakhinakapan jaqtatäskaniwa. Uka markasti mä arunxa Sodoma, ukhamarak Egipto satarakiwa.