Apocalipsis 14:2 - Qullan Arunaka DC

² Ukatsti alaxpachat mä aru ist'ta, ukasti uma phaxchanakas qhututkaspa, jan ukax, mä qhixu qhixus ist'askaspa ukhamänwa; walja jaqinakas arpanakap jat'intapkaspa ukhamarakïnwa.

Aymar Bibliia 1986

² Ucatsti alajjpachatjja mä jach'a sueniri ist'ta, ucasti walja jawiranacas suencaspa, jan ucajj mä jach'a khejjokhejjos suencaspa uqhama. Walja arpa toquiri jakenacas arpanacap toct'asipcaspas uqhamänwa.

Qullan Arunaca

² Ucatsti alajjpachatjja mä jach'a sueniri ist'ta, ucasti walja jawiranacas suencaspa, jan ucajj mä jach'a khejjokhejjos suencaspa uqhama. Walja arpa toquiri jakenacas arpanacap toct'asipcaspas uqhamänwa.

Apocalipsis 14:2 Jak'a apnaqawi uñst'ayäwi

2 Samuel 6:5

Ukchañkamasti Davidampi taqpach israelitanakampix, wali kusisitaw Diosan nayräxap sarapxarakïna, taqi ch'amapamp q'ucht'asisa, thuqt'asisa, arpanakampi, salterionakampi, panderonakampi, castañuelanakampi, platillonakampi kusist'asisa.

2 Crónicas 20:28

Jerusalén markar purisinsti, Tatitun utaparuw sarapxäna, salterionakampi, citaranakampi, trompetanakampi phust'asisa.

Salmos 147:7

Yuspagarañamp Tatitur q'uchupxam; Diosasatakix arpampi chik q'uchupxam.

Salmos 149:3

Thuqhuñanakampi sutiparux jach'añchapxam, arpanakampi, chhullu chhullunakampi q'uchupxam.

Salmos 33:2

Tatiturux q'uchunakampi yupaychapxam, arpa, salterio ukanakampi chik q'uchupxam,

Salmos 43:4

Diosay, nayax altaramaruw jak'achasï, arpampi chikaw yuspagaräma, Diosaxay, jumaw jakañaxarux kusisiytaxa.

Salmos 57:8

8 (9) Ajayuxay, p'arxtasimaya; arpa, salterio p'arxtasipxam; ¡nayasti machaq qhantatin yupaychä!

Salmos 92:3

3 (4) arpanakampi chika, salteriompi chika q'uchuñax kusisiñawa.

Salmos 93:4

Tatay, jumasti alaxpachanxa, ch'aman mathapinakat juk'amp ch'amanïtawa, lamar qutanakan uxinakapat jila ch'amanïtawa.

Salmos 98:5

Tatitutakix q'uchupxam, arpampi chik q'uchuntapxam.

Éxodo 19:16

Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.

Éxodo 20:18

Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Isaías 17:13

Ukampis Tatitux jupanakar tuqintki ukkhax jayaruw jaltxapxi, kunjämtix thayax wichhunakar apaskix ukhama, jan ukax kunjämtix tutuka thayax ch'aphinak apaskix ukhama.

Ezequiel 43:2

ukansti Israelan Diosapan qhanaparuw inti jalsu tuqit jutaskir uñjta. Mä jach'a uxuñaw ist'asïna, mä jach'a walja umani jawiran qhuxuqitapjama, uraqisti uka qhanampi phuqhantataw uñjasirakïna.

Zacarías 9:14

Tatituw markapxarux uñacht'ayasini; mich'inakap lliju llijunakjam antutt'ani. Dios Tatituw trompet phust'ani, aynach jach'a thayamp chikaw sarantarakini.

1 Corintios 13:1

Nayatix jaqinakana, angelanakan arunakap parlirista, ukat janitix munasiñax utjkitaspaxa, nayax mä latar uñtatakiw tuxuqirista, jan ukax mä platillor uñtatakiw chhulluqirista.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,

Apocalipsis 1:15

Kayunakapasti wali lliphipkirïnwa, hornon parintayata, mä suma llijsuyat broncer uñtata; arupasti wali ch'amanirakïnwa, uma phaxchanakan qhututitapjama.

Apocalipsis 11:12

Ukapachasti uka pani profetanakax alaxpachat mä aru ist'apxäna, jupanakar jach'at art'aniri, uka arusti sarakïnwa: “¡Akar makhatanipxam!” sasa. Jupanakasti mä qinayanjam alaxpachar makhatapxäna, taqpach uñisirinakapan uñjkata.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 15:2

Ukatsti uñjaraktwa qhispir uñtat mä jach'a quta, ninampi kituntatjama; uka quta thiyansti khitinakatix jach'a axsarkañ animalar atipjapkatayna ukhamaraki uka animalan sutipan jakhupampi chimpuntayasiñ jan munapkatayna, janirak uka animalar uñtasit lursutapar yupaychapkatayna ukanakaw sayt'atäsipkäna. Diosax jupanakar churkatayna uka arpanak apt'atkamaki.

Apocalipsis 18:22

Marka thakhinakamansti janipuniw arpan jayllitapasa, pinkillunakana, trompetanakan phust'asitapas ist'askxaniti, janirakiw kunayman irnaqirinakasa marka thakhinakaman utjkxaniti, molino qalan ñut'uchatapas janirakiw ist'askxaniti.

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.

Apocalipsis 6:1

Ukatsti uka paqallqu sellonakat mayïr sello Corderor ch'iyaqir uñjarakta, ukapachaw uka pusi jakaskirinakat maynïrir ist'arakta, qhixu qhixur uñtata, wali jach'at art'iri: “¡Jutam!” sasa.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.