Apocalipsis 14:14 - Qullan Arunaka DC

¹⁴ Ukatsti uñtasin mä janq'u qinay uñjta, uka qinayxansti mayniw qunt'atäskäna, jupasti Jaqin Yuqapar uñtatänwa. P'iqiparux quri pillumpi asxatatänwa, amparaparusti yawiñ ayt'atarakïnwa, uka yawiñasti wali arïnwa.

Aymar Bibliia 1986

¹⁴ Ucatsti uñtasinjja mä jank'o kenaya uñjta, uca kenayjjansti mä jakew kont'atäscäna, jupasti Jaken Yokapar uñtatänwa. P'ekeparojj kori coronampi asjjatatänwa, amparaparusti mä yawiñ hoz ayt'ataraquïnwa, uca yawiñ hosisti wali arïnwa.

Qullan Arunaca

¹⁴ Ucatsti uñtasinjja mä jank'o kenaya uñjta, uca kenayjjansti mä jakew kont'atäscäna, jupasti Jaken Yokapar uñtatänwa. P'ekeparojj kori coronampi asjjatatänwa, amparaparusti mä yawiñ hoz ayt'ataraquïnwa, uca yawiñ hosisti wali arïnwa.

Apocalipsis 14:14 Jak'a apnaqawi uñst'ayäwi

Salmos 21:3

3 (4) Jach'a askinak churasaw jupar katuqtaxa, p'iqiparusti quri pillumpiw asxattaxa.

Salmos 97:2

Jupax ch'amak qinayanakamp muyuntatawa; chiqapar uñjañampi, aski kankañampiw reyi qunuñaparux ch'amañchi;

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Ezequiel 1:26

Uka patansti, mä k'ajkir suma qalat lurat qunuñäkaspas ukham uñjta, uka qunuña patansti jaqir uñtata mayniw qunt'atäskäna.

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Mateo 13:30

Paypach aliskpan sama, kunapachatix yawthapiñ pachax purinkan ukkhaw uka quranak nayraqat apthapir khithä, ukatsti marqa marqa wakicht'asin ninar phichhantayä, trigorusti pirwaruw sum imayarakï’ ” sasa.

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Marcos 4:29

Kunapachatix achux suma puquratäxi ukkhasti, yapunix yawthapiriw mistu achunak apthapiñ pacha purinxatap layku”.

Lucas 21:27

Ukapachaw Jaqin Yuqapar uñjapxani, qinay patan jach'a ch'amampi, qhapaq kankañamp jutaskiri.

Hebreos 2:9

Ukampis Jesusarux uñjtanwa, juparusti Diosax angelanakat sipansa mä juk'a pachatak jisk'aruw uskt'i, jiwañampi t'aqhisitap laykusti qhapaq kankañampi, jach'a kankañampi pilluntatawa. Diosax munasiñapan taqinin askipatakiw jiwañap munäna.

Apocalipsis 1:13

uka paqallqu candeleronak taypinsti mä jaqjam uñjta, niyas Jaqin Yuqapar uñtata, isipasti kayukamänwa, jaraphipäki ukkharusti quri wak'ampi wak'antata.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.

Apocalipsis 10:1

Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.

Apocalipsis 11:17

akham sasa: “Taqi ch'aman Dios Tatay, yuspagarapxsmawa, jumax jakasktawa, utjaskapunïyätawa, utjaskaktawa, jichhas utjaskakipunïtawa. Jichhax jach'a ch'amam katxartaxa, aka uraqi apnaqañ qalltaraktaxa.

Apocalipsis 19:12

Nayranakapax nina lawranakar uñtataw qhanäna, p'iqipasti walja pillunakampi asxatatarakïnwa, mä sutimpi qillqt'atarakïnwa, uka sutsti jupa sapakiw yatïna.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 6:2

Uñtasinsti, mä janq'u caballo uñjta, uka caballor lat'xatatäkän ukasti amparapar mich'inak antutt'añ apt'atänwa, juparusti mä pillu churapxäna. Jupax uñisirinakaparuw atipjatayna, jichhasti juk'ampi atipjañatakiw mistuwayäna.