Apocalipsis 13:13 - Qullan Arunaka DC

¹³ Jupax wali jach'a muspharkañanak lurarakïna, uraqirus alaxpachat nina jalluyanïna, taqi jaqin uñjkata.

Aymar Bibliia 1986

¹³ Wali jach'a milagronac luränjja, alajjpachat orakerus nina jalluyaniñcama take jaken uñjcata.

Qullan Arunaca

¹³ Wali jach'a milagronac luränjja, alajjpachat orakerus nina jalluyaniñcama take jaken uñjcata.

Apocalipsis 13:13 Jak'a apnaqawi uñst'ayäwi

1 Reyes 18:38

Ukapachaw Tatitun ninapax saraqanïna, ukatsti wilañcha luqtarux q'al nakhantäna, ukhamaraki lawanakamppacha, qalanakamppacha, laq'amppacha, q'awankkän uka umsa q'al wañsuyäna.

Éxodo 7:22

Egiptonkir yatir jaqinakasti yatiñanakapampix kipkarak lurapxäna, ukatsti kunjämtix Tatitux siskatayna ukhampun faraonax chuymap qalarayasïna, janiw Moisesampiru, Aaronampir ist'añ munkänti.

Éxodo 8:7

7 (3) Yatiri jaqinakasti yatiñanakapampix kipkakirak lurapxäna, jupanakasti Egipto uraqir k'ayra jamp'atunak jutayapxarakïna.

Éxodo 9:11

Egiptonkir yatirinakasti janiw Moisesar saykatirjamäpkänti, jupanakamppachaw mayni egipcio jaqinakjamarak qarachi usuni uñjasipxäna.

Números 16:35

Ukxarusti, Tatitux mä nina apayanïna, uka ninasti incienso luqtapkatayna uka pä patak phisqa tunkan levita jaqinakaruw nakhantas jiwarayäna.

Mateo 16:1

Fariseonakampi saduceonakampix Jesusaruw jak'achasipxäna, jupar yant'añatakisti, Diosan jupar khithanitapan chiqätap qhanañchañapatakiw mä muspharkañ unañcha mayipxäna.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Marcos 13:22

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

2 Timoteo 3:8

Kunjämatix Janes, Jambrés uka jan wali jaqinakax Moisesar saykatapkatayna, uka pachparakiw uka jaqinakax Tatitun chiqa arunakapar saykatapxi. Uka jaqinakasti ñanqha lurañar jichuntat jan wali amtanïpxiwa, iyawsäwin aynacht'at jaqinakäpxarakiwa.

Apocalipsis 11:5

Khititix uka paninir kuna jan walsa lurañ munanixa, jupanakax lakapat nina axsupxi, uka ninasti uñisirinakaparux q'al nakhanti; ukham nakhantataw jiwani, khititix kuna jan walsa jupanakar lurkani ukanakaxa.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 20:9

Jupanakax uraqpach muytapxani, ukatsti Diosan wawanakapan utjasïwiparu, Diosan munat markaparuw muyuntapxani. Ukampis alaxpachat ninaw saraqanini, ukaw jupanakar q'al nakhantani.