Apocalipsis 12:7 - Qullan Arunaka DC

⁷ Ukatsti mä jach'a nuwasiñaw alaxpachan utjäna: Arcángel Miguelasti angelanakapampi sayt'asisin uka dragonampiw nuwasïna. Dragonampi angelanakapampisti sayt'asipxarakïnwa,

Aymar Bibliia 1986

⁷ Ucatsti mä jach'a nuwasiñaw alajjpachanjja utjäna. Arcángel Miguelasti angelanacapampi sayt'asisinjja uca dragonampiw nuwasïna. Dragonampi angelanacapampisti sayt'asipjjaraquïnwa,

Qullan Arunaca

⁷ Ucatsti mä jach'a nuwasiñaw alajjpachanjja utjäna. Arcángel Miguelasti angelanacapampi sayt'asisinjja uca dragonampiw nuwasïna. Dragonampi angelanacapampisti sayt'asipjjaraquïnwa,

Apocalipsis 12:7 Jak'a apnaqawi uñst'ayäwi

Salmos 78:49

Diosaw jach'a q'apisiñap jupanakatak apayanïna: q'apisiña, juchañchatäña, llakisiñ apayanïna, ukanakax t'unjir khithanakar uñtatäpxänwa.

Isaías 34:5

Jïsa, Tatitun espadapax alaxpachan uñsti, Edom markxaruw purini, uka markasti jiwañar katuyatawa.

Isaías 55:4

Nayaw juparux markanakat arsuri uskta, markanakatak mä jilïr yatichirirak uskta.

Daniel (hebreo) 10:13

Nayraw nayax jutiriskäyäta, ukampis Persia markan angelapax pä tunk mayan uruw nayar jark'xäsitu; sapakiw Persiankir reyinakamp chik qhiparxarakta, ukampis Miguel sat jilïr angelaw nayar yanapt'irix jutitu.

Daniel (hebreo) 10:21

Jichhasti sarakïmawa kunatix chiqa qillqatan qillqantatäki ukanakxata: uka angelanakampi nuwasiñaxanxa, Israel markar arxatiri Miguel angelakiw nayar yanapt'itu.’

Daniel (hebreo) 12:1

“ ‘Ukapachaw Israel markan arxatiripa Miguel jilïr angelax uñstanini. “ ‘Ukasti llakisiñ urunakäniwa, uka urunakjamasti janipuniw kunapachas utjkänti, markanakan utjatapat aksaru. Uka urux purinkani ukapachasti, markamankirinakat qillqatan qillqantatäpki ukanakax, taqiniw qhispipxani.

Mateo 13:41

Jaqin Yuqapasti angelanakaparuw khithanini, Diosan markapat mayninakar juchar tinkuyirinakaru, jan wal lurir jaqinakar apthapiri.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 26:53

¿Janit yatkta nayatix munirista ukax, Awkixat yanap mayirista, jupasti waranqa angelanakap nayar arxatir khithanitaspa uksti?

2 Corintios 12:7

ukhamarak jan khitinsa uka muspharkañ qhanañchäwinakat nayar taripaskañapataki. Ukat nayan jan jach'achasiñaxatakix mä t'aqhisiñ katuqta, janchir mä ch'aphimpi jununtatäkaspas ukhama, ukasti Supayan mä khithapjamaw nayar t'aqhisiyitu.

Efesios 6:12

Janiw jaqinakan ch'amanakapampi nuwasipktanti, jan ukasti alaxankir ñanqha ajayunakan ch'amapampiw nuwasipxtan, jupanakasti jilïrïñampi, munañanïñampiw aka ch'amak uraqin axsarayistu.

2 Tesalonicenses 1:7

ukat jumanak t'aqhisirinakar samarañ churañapataki, kunjämtix nanakar churapkitu ukhama. Ukasti kunürutix Tatit Jesusax ch'aman angelanakapampi uñstankan ukkhaw phuqhasini, alaxpachat nina lawranak taypinjam jutkan ukapacha.

Hebreos 2:10

Taqi kunaw Diosanki, jupan luratarakiwa, taqi wawanakapan qhapaq markapankañap muni. Ukat Diosax t'aqhisiñ tuqi Jesucristorux askir tukuyäna, jupanakan qhispiyiriparuraki.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

Judas 1:9

Kunapachatix Miguel arcangelax Moisesan janchipat supayamp nuwaskäna ukkhaxa, janiw kuna jisk'achañ arumpis juchañchkänti, jan ukasti jupax sakïnwa: “¡Tatituw jumarux juchañchasktam!” sasa.

Apocalipsis 12:8

ukampis janiw atipjapkänti, janirakiw alaxpachan jupanakatak mä chiqax utjkxänti.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:7

Ukatsti Diosan wawanakapampi nuwasiñatakis munañanïñ kankañax churatarakïnwa jupanakar atipjañkama; ukhamarus kunayman jaqinakaru, markanakaru, kunayman parlani jaqinakar apnaqañataki.

Apocalipsis 20:2

Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.