Apocalipsis 11:5 - Qullan Arunaka DC

⁵ Khititix uka paninir kuna jan walsa lurañ munanixa, jupanakax lakapat nina axsupxi, uka ninasti uñisirinakaparux q'al nakhanti; ukham nakhantataw jiwani, khititix kuna jan walsa jupanakar lurkani ukanakaxa.

Aymar Bibliia 1986

⁵ Qhititejj aca pani testigonacar cuna jan walsa lurañ munanejja, jupanacajj lacanacapat nina ajjsupjje. Uca ninasti uñisirinacaparojj k'al naqhanti, uqhama naqhantataw jiwani qhititejj cuna jan walsa aca pani testigor lurapcani ucanacajja.

Qullan Arunaca

⁵ Qhititejj aca pani testigonacar cuna jan walsa lurañ munanejja, jupanacajj lacanacapat nina ajjsupjje. Uca ninasti uñisirinacaparojj k'al naqhanti, uqhama naqhantataw jiwani qhititejj cuna jan walsa aca pani testigor lurapcani ucanacajja.

Apocalipsis 11:5 Jak'a apnaqawi uñst'ayäwi

Salmos 18:8

8 (9) nasapat jiwq'iw mistüna, lakapatsti nakhantir ninaw lawrsüna, ¡lakapat k'illim sank'anak jutayäna.

Isaías 11:4

Aynacht'atanakarux chiqa luräwimpiw uñjani, t'aqhin jakirinakarux arxatarakiniwa. Qhuru jaqinakarux mutuyaniwa, jan wali jaqinakarux jiwarayaniwa. Arunakapax mä kamachïkaspas ukhamäniwa.

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Ezequiel 43:3

Uka unañchäwisti, Tatitux Jerusalén marka t'unjiri jutkän ukapacha uñjkäyäta ukhamänwa, Quebar sat jawira jak'an uñjkäyät uka kipkarakïnwa. Ukat nayax uraqir puriñkamaw p'iqix alt'asta,

Oseas 6:5

Ukat nayax profetanak tuqi t'unjapxsmaxa, arunakax tuqiraki jiwayapxsmaxa. Nayan chiqa kankañaxasti mä qhanjamaw qhant'ani.

Zacarías 1:6

Jupanakarusti nayax juchanakapat mutuyta, kunjämtix profetanakaxax jupanakar yatiykatayna ukhamarjama. Jupanakasti wasitat amuyt'asisin nayar jaysxapxitu, naya taqi ch'amani Tatitun jupanakan sarnaqäwiparjama, luräwiparjama uñjañaxax wakisitap uñt'asa.’ ”

Zacarías 2:8

8-9 (12-13) Taqi ch'amani Tatituw khithanitu, kawkïri markanakatix yänakam aparapktam uka markanakar juchañchañataki. Tatitux akham siwa: “Kawkïri markanakatix markaxar jan walinak lurapki ukanakarux mutuyäwa. Khititix markaxaru ñanqhachki ukaxa, nayarus ñanqhachkitaspa ukhamawa. Ukatpï, naya kipkaw uka markanakamp nuwasï, kipka uywatanakapampiw yänakapsa lunthatsuyarakï” Ukhamat taqi ch'amani Tatitux jach'a kankañap uñacht'ayani, ukat jumanakas Tatitun nayaru khithanitapxa amuyapxarakïta.

Apocalipsis 13:13

Jupax wali jach'a muspharkañanak lurarakïna, uraqirus alaxpachat nina jalluyanïna, taqi jaqin uñjkata.

Apocalipsis 9:17

Ukham uka unañchäwin caballonak uñjta, uka caballonakar lat'xatat soldadonakasti, metalat lurat jark'aqasiñan uchatäpxänwa, ukasti ninar uñtat wila, zafiro qalar uñtat sajuna, azufrer uñtat q'illurakïnwa. Uka caballonakan p'iqinakapasti león p'iqinakar uñtatänwa, lakanakapatsti ninampi, jiwq'impi, azufrempiw mistüna.