Apocalipsis 11:17 - Qullan Arunaka DC

¹⁷ akham sasa: “Taqi ch'aman Dios Tatay, yuspagarapxsmawa, jumax jakasktawa, utjaskapunïyätawa, utjaskaktawa, jichhas utjaskakipunïtawa. Jichhax jach'a ch'amam katxartaxa, aka uraqi apnaqañ qalltaraktaxa.

Aymar Bibliia 1986

¹⁷ aqham sasa: “Yuspagarapjjsmawa, Tata, jumajj jach'a ch'amani Diosätawa, utjascapunïyätawa, utjascactawa, jichhas utjascaquipunïtawa. Jichhajj jach'a ch'amamwa uñacht'aytajja, aca orake apnakañsti kalltaractawa.

Qullan Arunaca

¹⁷ aqham sasa: “Yuspagarapjjsmawa, Tata, jumajj jach'a ch'amani Diosätawa, utjascapunïyätawa, utjascactawa, jichhas utjascaquipunïtawa. Jichhajj jach'a ch'amamwa uñacht'aytajja, aca orake apnakañsti kalltaractawa.

Apocalipsis 11:17 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Salmos 21:13

13 (14) ¡Tatay, ch'amamampiy sayt'asim! ¡Nanakasti q'uchunakampiw atipjäwimat kusisipxä!

Salmos 57:11

11 (12) Diosaxay, jumax alaxpachat sipan jilanktawa, ¡Qhapaq kankañamax taqpach uraqiruw phuqhanti!

Isaías 52:10

Tatitux taqi markanakan uñjkataw jach'a ch'amap uñacht'ayi. Jiwasan Diosasax qhispiykistu ukxa, taqi aka uraqpacharakiw yatini.

Daniel (hebreo) 2:23

Nayra awkinakaxan Diosapay, jumaruw nayax yuspagarsma, yupaycharaksma, jumaw yatiñ kankañ churista, ch'am churarakista; jichhasti jumaw mayipksma uk yatiyista: reyir llakisiykän uksa qhanañchapxarakista” sasa.

Daniel (hebreo) 6:10

10 (11) Danielasti uka arsüwin reyin sutipamp qillqantatäxatap yatisinxa, utaparuw sarxäna, ukatsti uta ventananak jist'arasïna, uka ventananakasti Jerusalén marka tuqir uñtanitänwa, killt'asisin Diosat mayisïna, yupaycharakïna. Uksti Danielax kimsa kutiw urun luräna, kunjämatix lurirïkäna ukhamaru.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Lucas 10:21

Ukapachaw Jesusax Qullan Ajayu tuqi kusisiñampi phuqt'ata, akham säna: “Yupaychsmaw Awkixay, alaxpachansa, akapachansa Tatitupa, jumax akanak wali yatiñaninakata, amuyt'aninakat imantasaw juk'a yatiñan jaqinakarux uñacht'aytaxa. Jïsa, Awkixay, jumax ukham muntaxa.

Juan 11:41

Ukat qala atiqapxäna. Jesusasti alaxpach uñtasin arsüna: —Awkixay, nayar ist'atamat yuspagarsma.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 9:15

¡Diosax yuspagaratäpan, uka jan tukuskir churäwipata, ukasti jan amuyt'kayawa!

1 Timoteo 1:12

Tatit Jesucristosaruw yuspagarta, jupaw ch'am churitu, askit uñt'asin qullan arunakap arsuñatakiw ajllisitu.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 16:5

Ukatsti umanakar apnaqir angelar akham arsur ist'arakta: “Jumax chiqapapunïtawa, akham taripatamata Qullan Dios Tatay. Jumax utjasktawa, utjaskapunïyätawa, jichhas utjskapuntawa.

Apocalipsis 16:7

Ukatsti maynirakiw altarat art'asinïna akham sasa: “Jïsa, taqi ch'aman Dios Tatay, juman taripatamax chiqapapuniwa, askirakiwa” sasa.

Apocalipsis 18:8

Uka arsutap laykuw jupatak t'aqhisiñax mä urunak purinini: jiwañampi, t'aqhisiñampi, manq'at awtjayasiñampi, ninar nakhantayataw uñjasirakini; taqi ch'aman Tatitu Diosaw jupar mutuyañ amti” sasa.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 19:6

Ukatsti walja jaqis arnaqaskaspa ukham ist'arakta. Ukasti uma phaxchanakan qhututitapjamänwa, jach'a qhixu qhixunakar uñtata, sapxarakïnwa: “¡Aleluya! Taqi munañan Dios Tatitusaw aka uraqir apnaqañ qallti.