Apocalipsis 11:15 - Qullan Arunaka DC

¹⁵ Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Aymar Bibliia 1986

¹⁵ Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Qullan Arunaca

¹⁵ Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 11:15 Jak'a apnaqawi uñst'ayäwi

Salmos 110:4

Tatitux mayak arsu, arsutapatsti janiw yaqha amtkiti: “Jumaw wiñay sacerdotëtaxa, Melquisedec sacerdotjama” sasa.

Salmos 146:10

Tatitux wiñayapuniw apnaqani; Sión marka, Diosamax wiñayan wiñayapaw apnaqani. ¡Tatitux jach'ar aptatäpan!

Salmos 2:2

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit reyipampir qallkatañataki.

Salmos 72:11

¡Taqpach reyinakax jupa nayraqatar killt'asipxpan! ¡Taqpach markanakarak juparux luqtapxpan!

Salmos 82:8

¡Diosay, aka uraqi apnaqañatakix sartasikimaya, jumankiw taqpach markanakaxa!

Salmos 86:9

Tatay, jumaw taqpach markanak utjaytaxa, jupanakasti jumar yupaychiri, sutim jach'añchiriw jutapxani.

Éxodo 15:18

¡Tatitux wiñayapuniw markar apnaqani!”

Isaías 27:13

Uka urunsti mä jach'a trompetaw phust'asini, khitinakatix Asiria markan katuntatäpkän ukanakaxa, Egiptor apayatäpkäna ukanakasa, Tatitur yupaychiriw Jerusalén qullana markar jutapxani.

Isaías 44:23

¡Alaxpacha, kuntix Tatitux lurki ukat kusisiñat arnaqasim! ¡Uraq manqhanaka, kusisiñat arnaqasipxam! ¡Qullunaka, ch'uminakan utji uka quqanaka, kusisiñat arnaqasipxam! Tatitux jach'a kankañap uñacht'ayi, Israelaru, Jacobun markaparus qhispiyarakiwa.

Isaías 55:5

Jan uñt'at markanakaruw jumax jawsäta; kawkïri markanakatix jan uñt'apkäyätam ukanakaw juman ukarux jalanipxani, naya, juman Tatituma, Israelan Qullana Diosapaw jumarux jach'añchsma.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Ezequiel 37:25

Jacob luqtirixar churata uraqin jakapxani, kawkintix nayra awkinakapax jakapkäna uka uraqina. Jupanakasa, wawanakapasa, wawanakapan wawanakapas ukan jakapxani, David luqtirixarakiw jupanakan jilïripäni.

Ezequiel 47:5

Yaqha phisqa patak metronakampi tupt'askakiwa, uka jalir umasti mä jach'a jan makhatkay jawiraw tukxäna, umanakapan waljätapatsti, tawumpi makhatañjamakïnwa.

Daniel (hebreo) 7:14

Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Daniel (hebreo) 7:18

Ukampis uka qhipat akapach apnaqäwix alaxpachankir Tatitun markapar katuyatäxaniwa, wiñayatakiw jupankxani” sasa.

Daniel (hebreo) 7:22

ukapachaw uka chuymani Jilïr jaqix purinïna, ukatsti Diosan markaparux chiqaparuw uñjäna, pachax phuqhasxataynawa Tatitun markapan apnaqäwi katuntasxañapataki.

Daniel (hebreo) 7:27

Ukatsti marka apnaqäwisa, munañan kankañasa, qhapaq kankañasa, taqi akapachankir apnaqäwinakasa, alaxpachankir Tatitun markapar katuyatäxaniwa. Marka apnaqäwipasti wiñayatakipunïniwa, juparuw taqi akapachankir markanakax luqtapxani, jaysapxarakini.’

Oseas 2:23

23 (25) Markaxarusti nayatakikipuniw uraqir uskusï, Lo-ruhamatsti khuyapt'ayasïwa, Lo-amirusti ‘Markaxätawa’ sarakïwa, jupasti: ‘¡Diosaxätawa!’ sarakitaniwa.”

Abdías 1:21

Jupanakasti taqiniw Sión qullur makhatapxani, atipjir markjama; jach'a jach'a tukuri Edom markarux jupanakaw apnaqani, ¡nayasti, reyipäyäwa!

Zacarías 14:9

Uka uruw Tatitux taqi akapach apnaqani. Jupa sapakiw Tatitünixa, sutipasti mä sapakirakïniwa.

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Lucas 1:33

Israel markar wiñay apnaqañapataki. Jupan uka markar apnaqañapax janipuniw tukuskaniti —sasa.

Lucas 15:10

Nayasti sapxsmawa: Diosan angelanakap taypin ukhamarakiw kusisiñax utjani, mä juchararan kutikipstanitapata.”

Lucas 15:6

utar purinisinsti uñt'at masinakaparu, uta jak'a masinakaparuw jawsayi, ukat saraki: ‘nayamp chik kusisipxam, chhaqhatäkän uka oveja jikxatanxta’ sasa.

Hechos 4:26

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit Cristompir qallkatañataki” sasa.

Hebreos 1:8

Ukampis Yuqapat siwa: “Juman qhapaq qunuñamax Dios Tata, wiñayatakiwa, Reyi kankañamas chiqapar uñjañawa.

Apocalipsis 10:7

paqallqür angelax trompetap phust'añ qalltkani ukkhaxa, Diosan imantat amtatanakapax phuqhasxaniwa, kunjämtix jupax profetanakap tuqi yatiykän ukhamarjama” sasa.

Apocalipsis 12:10

Ukatsti mä jach'a aru alaxpachan ist'ta, uka arusti sänwa: “Tatitusan qhispiyasiñapampi, munañanïñ kankañapampi, marka apnaqañapampix purinxiwa; Jesucriston munañanïñ kankañapax purinxiwa. Jilanakasar k'arintas juchañchirix jaqunukutäxiwa, uruy aruma, jilanakasar Dios nayraqatan juchañchirix jaqunukutäxiwa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 16:17

Paqallqür angelasti saman thayarurakiw qirupankir waranuküna, ukatsti mä jach'a aruw ist'asini, qullan utjäwinkir qhapaq qunuñatpacha, uka arusti sarakïnwa: “¡Jichhax luratäxiwa!” sasa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 19:1

Uka qhipatsti, walja jaqinakan arunakap ist'ta, alaxpachan akham art'asiri: “¡Aleluya! Qhispiyasiñasa, jach'a kankañasa, munañanïñas Diosasankiwa,

Apocalipsis 19:6

Ukatsti walja jaqis arnaqaskaspa ukham ist'arakta. Ukasti uma phaxchanakan qhututitapjamänwa, jach'a qhixu qhixunakar uñtata, sapxarakïnwa: “¡Aleluya! Taqi munañan Dios Tatitusaw aka uraqir apnaqañ qallti.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.

Apocalipsis 9:1

Ukxarux phisqïr angelaw trompetap phust'äna, ukatsti mä warawar uñjta, alaxpachat uraqiruw jalaqtanitayna; uka warawarasti uraqi manqha pachan jist'arañanakap katuqäna.

Apocalipsis 9:13

Suxtïr angelax trompetap phust'arakïna. Ukatsti akatjamat mä aru ist'ta, uka arusti Diosan nayräxapankkis uka quri altaran pusi waxrap taypit mistunïna.