Apocalipsis 1:18 - Qullan Arunaka DC

¹⁸ jakaskaraktwa. Nayax jiwatäyätwa, jichhasti wiñayatakiw jakaskta. Nayaw jiwampina, manqha pachampin jist'arañanakap katuskta.

Aymar Bibliia 1986

¹⁸ Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Qullan Arunaca

¹⁸ Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Apocalipsis 1:18 Jak'a apnaqawi uñst'ayäwi

Job 19:25

Nayax Diosaxan jakaskatap yattwa, jupaw aka uraqin nayan arxatirixäni.

Job 38:17

¿Kawkhankis axsarkay jiwañan punkupaxa, uk yattati?

Salmos 18:46

46 (47) ¡Tatitux jallallatäpan! ¡Arxatirixax qullanäpan! ¡Qhispiyir Tatituxax jach'añchatäpan!

Salmos 68:20

20 (21) Diosasax qhispiyir Diosawa, jupaw jiwañat qhispiyistaspa.

Isaías 22:22

Tatituw Davidan jilïr kankañap jupar churxani. Kuntix Eliaquim chachax siskani uka arsutapaw phuqhasini, janipuniw khitis arsutaparux “janiw walïkiti” siskaniti.

Mateo 11:23

Jumasti Cafarnaúm marka, ¿alaxpachar makhatañti amuyastaxa? ¡Manqhapachar jaquntatäyätawa! Sodoma markantix muspharkañanakax lurasisapänxa, uka markax jichhürkamaw utjaskasapäna.

Mateo 16:19

Jumarusti Diosan qhapaq markapan munañanïñ churäma; kuna lurañanaktix jumax akapachan jark'käta ukasti, alaxpachan jark'atarakïniwa, ukampis kuna lurañanaktix jumax akapachan luraykäta ukasti, alaxpachan luratarakïniwa —sasa.

Lucas 24:5

Warminakasti axsarañat uraqiruw alintapxäna; uka chachanakasti sapxänwa: —¿Kunatarak jakaskir jaqir jiwatanak taypin thaqhasipktasti?

Juan 11:25

Ukat Jesusax sarakïna: —Nayätwa jiwatat jaktañasa, jakañasa. Nayar iyawsirix jiwkanisa, jakaskakiniwa;

Juan 14:19

Mä juk'ampjarux akapachankirinakax janiw juk'amp uñjkxapxitaniti; ukampis jumanakax uñjasipkitätawa, nayan jakaskatax laykux jumanakax jakasipkätawa.

Romanos 6:9

Jiwasax yattanwa, Cristox jiwatat jaktasin janiw mayampsa jiwkxaniti, janiw jiwax jupxarux ch'amanïkxiti.

2 Corintios 13:4

Chiqpachansa pisi ch'aman jaqjamaw ch'akkatat uñjasïna, ukampis Diosan ch'amap laykuw jakaski. Uka kipkarakiw nanakax jupankasax pisi ch'ama kankañanïpxta, ukampis jupampi mayakïxasax Diosan ch'amap laykuw jakapxta, ukhamat jumanakar yanapt'añataki.

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

Colosenses 3:3

Jumanakasti akapachatakix jiwxapxtawa, jichhasti, Diosax Cristo tuqiw chiqpach jakañ churxapxtam.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

Hebreos 7:16

janiw jaqin uchat kamachxar sacerdotëñar purkiti, jan ukasti jan tukuskir jakañ ch'amat juti.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Apocalipsis 10:6

ukatsti mä juramento lurarakïna, khititix wiñayatak jakki, khitirakitix alaxpachsa, akapachsa, qutsa, ukan utjir taqi kunsa lurki ukan sutiparu. Sarakïnwa: “Janiw jichhax juk'ampi suyaskxaniti,

Apocalipsis 15:7

Ukatsti uka pusi jakaskirinakat mayniw, sapa mayni angelaru qurit lurat mä qiru churäna, ukanakasti wiñayan wiñayapatak jakki uka Diosan jach'a axsarkañ q'apisiñapampi phuqhantata.

Apocalipsis 2:8

“Esmirna iglesiankir angelarux qillqarakim: ‘Khititix nayrïrïki, qhipïrïki, jiwasin jaktirïki ukax akham siwa:

Apocalipsis 20:13

Lamar qutax ukan jiwirinak katuyxäna, manqhapachas jiwatanak katuyxarakïna; taqpach jiwatanakasti luräwinakaparjam taripataw uñjasipxäna.

Apocalipsis 20:14

Ukatsti, Jiwañasa manqhapachasa, nina qutar jaquntatäxänwa. Uka nina qutasti payïr jiwawa,

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa:

Apocalipsis 4:9

Uka pusi jakaskirinakasti, sapa kuti khititix qhapaq qunuñan qunt'atäki, wiñayan wiñayapatak jakaski ukar jach'añchapki, yuspagarapkaraki ukkhaxa, uka pä tunka pusin jilïrinakax jupa nayraqatan killt'asisin jupar yupaychapxäna, ukatsti qhapaq qunuñan nayraqatapar pillunakap liwnuqasin sapxarakïna:

Apocalipsis 5:14

Uka pusi jakaskirinakasti ukxaruw sapxäna: “Ukhamäpan” sasa. Uka pä tunka pusin jilïrinakasti killt'asisin yupaychapxarakïna.

Apocalipsis 6:8

Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.

Apocalipsis 9:1

Ukxarux phisqïr angelaw trompetap phust'äna, ukatsti mä warawar uñjta, alaxpachat uraqiruw jalaqtanitayna; uka warawarasti uraqi manqha pachan jist'arañanakap katuqäna.

1 Samuel 2:6

Tatituw jakañ churistu juparakiw jiwañ apayanistu.