Amós 7:9 - Qullan Arunaka DC

⁹ Isaacan utjir yaqha diosanakapar yupaychañ altaranakapas tukjatäniwa, Israel markan yupaychañ utanakapas laqayar tukuyatarakïniwa. ¡Nayasti Jeroboaman utapar tukjañatakiw sartä!

Aymar Bibliia 1986

⁹ Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Qullan Arunaca

⁹ Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Amós 7:9 Jak'a apnaqawi uñst'ayäwi

Génesis 46:1

Josean Israel sat awkipax Canaán markat taqi kunatix jupan utjkäna ukanak apt'ataw sarxäna. Beerseba chiqar purisinsti Isaac awkipan Diosaparuw mä wilañcha luqtäna.

2 Reyes 14:24

Ukampis jupan luratanakapax Tatitun nayraqatapan jan walinakänwa, jupasti kuna juchanakampitix Nabat chachan Jeroboam yuqapax Israel markar juch luraykäna uka jucha lurañanakat janiw saraqtkänti.

Isaías 63:18

Markamax mä juk'a urunakatakikiw uka qullan utamankänxa, ukampis jichhax uñisirinakaxaw uka qullan utam takisipxi.

Jeremías 51:51

Jumanakasti sapxaraktawa: “Jan wali arunakampi jisk'achapkitu, ukanak ist'asax p'inqasipxtwa. P'inqasiñaw ajanunakaxsa imantaraki, jaya markankir jaqinakaw mantapxi, Tatitun utapan qullan chiqanakkama, uka layku.”

Ezequiel 6:3

parlam, akham sasa: ‘Israel qullunaka, Tatitun arunakap ist'apxam. Tatitux jach'a qullunakaru, jisk'a qullunakaru, jawiranakaru, qhirwanakarux akham siwa: Jumanakxarux nuwasiñanak apayanipxäma, qullu patanakan diosanakamar yupaychañ chiqanak q'al t'unjä.

Oseas 10:8

Yaqha diosanakar yupaychañ utanakapas t'unjatawa, Israel markasti uka chiqanakan jucha luränxa. Altaranakapansti ch'aphinakakiw jilantxani, jaqinakasti qullunakarux: “¡Imantapxita!” sapxaniwa, jisk'a qullunakarusti: “¡Nanakxar allxattapxita!” sapxarakiniwa.

Amós 3:14

Israel markaru jucha luratanakapat wayt'kä uka uruxa, Betel markan utjir yaqha diosanakar yupaychañ altaranakapsa t'unthapïwa; altaran uchat waxranakapsa, uraqirkamaw willthapirakï.

Amós 5:5

Betel markar jan thaqhapxamti, Guilgal markarus jan sarapxamti, janirak Beerseba marka chiqsa sarakipapxamti, Guilgal markasti katuntat apatäniwa, Betel markasti q'ala t'unjatarakïniwa”.

Amós 7:11

Amós chachax akham sasaw sarnaqaraki: ‘Jeroboam reyix ch'axwäwin jiwayatäniwa, israelitanakasti jaya markar apanukutäniwa’ ” sasa.

Amós 7:13

ukampis Betel markan jan juk'amp parlkxamti, akax reyin qullan utapawa, markpachan waqaychañ jach'a utaparakiwa —sasa.

Amós 8:14

Samaria markankir k'ari diosanakan sutipxar juramento luririnaka; khitinakatix sapki: ‘Dan markan diosap layku’, ‘Beerseba markan diosanakap layku’ sasa, ukanakax jan mayampi sartañatakiw jiwarapxani.”

Amós 9:1

Tatiturux altar jak'ankaskir uñjta, jupasti situwa: “Uta pirqar k'uphantam piläranakap unxtayañkama; ¡ukhamat jaqinakxar allxattasin jiwaraypan! Qhiparapkani ukanakarusti espadampiw jiwarayä: inakiw jaltañsa munasipkani, janipuniw maynis qhispkaniti;

Miqueas 1:5

Taqi akanakasti Jacobun markapan Tatitur saykatatap laykuw lurasini, Israel markan jucha luratap laykuraki. ¿Kawkinkarak Jacobun jucha luratapasti? ¡Samaria markankiwa! ¿Kawkinkarak Judá markan yaqha diosanakar yupaychañatak luratäki ukanakasti? ¡Pachpa Jerusalén markankiwa!