Amós 7:8 - Qullan Arunaka DC

⁸ Ukatsti jiskt'ituwa: —¿Amós, kuns uñjta? —sasa. Nayasti jupar sistwa: —Uta luririn plomadap uñjta —sasa. Ukatsti sarakituwa: —Uñtam, nayax uta luririn plomadapampiw Israel markaxan sarnaqäwip uñjä. Janipuniw mayampsa juchanakap pampachkäti.

Aymar Bibliia 1986

⁸ Ucatsti jisct'ituwa: ¿Amós, cuns uñjtajja? —sasa. —Mä albañil plomada —saractwa. Ucatsti saraquituwa: —Aca albañil plomadampiwa uñjäjja cunjäm chekäquitejj Israel marcajjajj sarnakäwipana ucjja. Janipuniw perdoncjjeristti mayampsa.

Qullan Arunaca

⁸ Ucatsti jisct'ituwa: ¿Amós, cuns uñjtajja? —sasa. —Mä albañil plomada —saractwa. Ucatsti saraquituwa: —Aca albañil plomadampiwa uñjäjja cunjäm chekäquitejj Israel marcajjajj sarnakäwipana ucjja. Janipuniw perdoncjjeristti mayampsa.

Amós 7:8 Jak'a apnaqawi uñst'ayäwi

2 Reyes 21:13

Jerusalén markarux mutuyäwa, kamisatix Samaria markarusa, Ahab reyin saraqirinakaparus mutuykta ukhama. Uka markax ch'usaw tukuni, kamisatix mä chuwax aytirasin k'umpt'añäki ukhama.

Isaías 28:17

Uka utachäwinsti plomada lantix chiqapar uñjañäniwa, nivel lantisti kunatix chiqapäki ukarakïniwa” sasa. Jumanakax Egipto markaruw arxatayasiñatak katuyasipxtaxa, ukampis wali ch'aman Asiria ejercitow uka arxatirirux q'al tukjawayani.

Isaías 34:11

Tatitusti uka markxa ch'usa wasararuw tukuyani. Ukan jukunakasa, allqamarinakasa, ch'usiqanakasa tapanakap tapachasipxani.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Lamentaciones 2:8

Tatitusti ukkha suma Jerusalén markan jark'aqasiñ pirqanakap t'unjañ amti. Jupaw t'unjañatak wakichäna, jan samart'asaw uka wakichäwip phuqharaki. Uka jach'a pirqanaksa, jupax llakimpiw phuqhanti, uka pirqanakasti pampaw tukuraki.

Oseas 1:6

Gómer warmisti wasitat usur jaqiptarakiki, ukatsti mä imill wawa wawachasïna. Tatitux Oseas profetarux sänwa: “Jichhax uka imill wawarux Lo-ruhama sas suticham, ukasti ‘jan khuyapt'ayata’ sañ muni, nayasti Israel markarux janiw juk'ampi khuyapt'aykxäti, janirakiw juchanakapsa pampachkxäti.

Amós 7:7

Tatitux ak uñacht'ayarakitu: Jupasti mä uyu pirqa jak'ankaskänwa, uta luririn plomadap apt'ata.

Amós 8:2

jupasti jiskt'arakituwa: —¿Amós, kuns uñjtaxa? —sasa. Nayasti jupar sistwa: —Mä walayan puqurat achunak uñjta —sasa. Tatitusti sarakituwa: —Israel markax uka achunakjam puquratäxiwa; janipuniw mayampsa juchanakap pampachkxäti.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Zacarías 4:2

“¿Kuns uñjta?” sasa. Nayasti juparux saraktwa: “Qurit lurat mä candelero uñjta, uka patxansti aceite uchañampi apxatata. Alay chiqansti paqallqu lamparanakaw utjaraki, ukanakarusti aceitex paqallqu tubonak chiqaw puri.

Zacarías 5:2

Angelasti jiskt'ituwa: “¿Kuns uñjta?” sasa. Nayasti saraktwa: “Alayan tuyuskir mä qillqat llawu uñjta, ukax sayt'urux llätunka metroniwa, iramarusti pusi metro chikatanirakiwa” sasa.