Amós 7:2 - Qullan Arunaka DC

² Kunapachatix t'iju t'ijunakax qhipa ch'uxñanakamppacha manq'antkäna ukkhaw sista: —¡Tatay, pampacht'apxita! ¿Kamisarak taqi akanak mutupxästi? Nanakax mä jisk'a markakïpxstxaya —sasa.

Aymar Bibliia 1986

² Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Qullan Arunaca

² Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Amós 7:2 Jak'a apnaqawi uñst'ayäwi

Salmos 12:1

1 (2) Tatay, qhispiyapxitaya, aski jaqinakax tukusiskiwa, chiqap sarnaqir jaqinakax janiw utkxiti.

Éxodo 10:15

T'iju t'ijunakax sintipunïnwa, uraqirus chhaqtayänwa, pampankir quqanak manq'antäna, chhijchhi qhipat jilt'ir quqanakan achunakap manq'antarakïna. Janiw Egipto uraqpachan kuna ch'uxñanakasa, quqanakasa, pampankir alinakas jilt'känti.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 37:4

Añchakit Tatitu Diosax ist'ki kuna jan wali arunaktix uka asirio oficialax siski Dios tuqitxa, ukham jan wali arunak parlatapat Tatitun jupar mutuyañapax walïspawa. Jichhax khitinakatix qhiparasipki ukanakatakix Tatitu Diosatay jupanakar yanapt'añapatak mayim” sasa.

Isaías 51:19

Aka pä jan walt'añaw jumxarux juti, markamax tukjata, lunthatjataw uñjasi, ukatsti jaqinakamax nuwasïwin manq'atjam jiwarapxi. ¿Khitirak jumat khuyapt'ayasïtamsti? ¿Khitirak chuymachätamsti?

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 42:2

Jeremías profetaru jak'achasisin sapxarakïna: —May jumar mayiñ munapxsma, janikiy janiw sapxistati. Tatitu Diosamaruy nanak juk'a jaqinaka qhiparapkta ukanakatak mayirapipxita, nayrax waljanïpxäyätwa, uñjasktawa, jichhasti juk'anikïxapxtwa.

Ezequiel 11:13

Tatitun sutipxar nayan ukham parlañkamasti, Benaniasan yuqapa Pelatías jaqix jiwataw liwnuqti. Nayasti p'iqix uraqir puriyañkamaw alt'asta, wali jach'at art'asirakta akham sasa: “¡Tatay! ¿Israel markat mä juk'a jilt'irinakarux jiwarayakipunïtati?” sasa.

Ezequiel 9:8

Jupanakan ukham lurañapkamasti, nayax sapakiw uñjasxäyäta. Ukat uraqir p'iqixa puriyañkam alt'asta, t'aqhisiñatsa wali jach'at art'asirakta: “Tatay, ¿jumax Jerusalén markatakix wali phiñasitapunïtati, ukatti Israel uraqin mä juk'a jilt'ir jaqinakarus q'al tukjarakïtaxa?” sasa.

Daniel (hebreo) 9:19

¡Tatay, Tatay! ¡Ist'apxitaya, juchanakax pampachapxitaya! ¡Tatay uñtanipxitaya, nanakar yanapt'ir jutakimaya! Tatituxay, juman jach'a sutim layku, markam layku, sutim art'asinir jaqinakam layku, jank'akiy jutam.’

Joel 2:17

Sacerdotenakasti jachapxpan, Tatitur luqtirinakas altarap nayräxan mayipxarakpan: “Dios Tata, markamarux juchanakapat pampacham; janikiy markamat khitin larusiñapsa munamti, yaqha markanakan markamar apnaqañapsa janirak munamti, Diosar jan uñt'ir jaqinakan jan saskañapataki: ‘¿Kawkinkarak Diosamasti?’ ” sasa.

Amós 4:9

“Junt'u thayanakampiw mutuyapxsma, kunayman usunakampiw t'aqhisiyapxsma; panqar yapunakamsa, uva yapunakamsa pharsuyaraktwa; higo quqanakamsa, aceituna quqanakamsa t'iju t'ijunakaw manq'suwayxi; ¡ukampis jumanakax janiw nayan ukarux kuttanipktati!” Tatitux ukham siwa.

Amós 7:5

Ukat Tatitur mayta: —Tatay, suyt'akim, ¿kamisarak Jacob jisk'a markamasti uka taripäwim mutunisti? —sasa.

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Apocalipsis 9:4

Ukanakasti uraqinkir quranakaru jan ñanqha lurapxañapatakiw ixwa katuqapxäna, janirak kuna ch'uxñanakarusa, kuna quqanakarus ñanqha lurapxañapataki, jan ukasti, khitinakatix Tatitun chimpupampi paranakapan jan chimpt'atäpki uka jaqinakaruk t'aqhisiyañataki.