Amós 4:4 - Qullan Arunaka DC

⁴ “Betel markampiru, Guilgal markampir sarapxam, ¡ukansti juk'amp juchanak lurapxam! Qhantatitpach luqtäwinakam apapxam, sapa kimsa ururak tunkat maya churañäki uksa churapxam.

Aymar Bibliia 1986

⁴ “Sarapjjam Betel marcampiru, Gilgal marcampiru, ¡ucansti juc'ampi juchanac lurapjjam! Alwanacasti sacrificionacamjja apapjjaraquim, sapa quimsa ururaqui diezmonacamsa churapjjam.

Qullan Arunaca

⁴ “Sarapjjam Betel marcampiru, Gilgal marcampiru, ¡ucansti juc'ampi juchanac lurapjjam! Alwanacasti sacrificionacamjja apapjjaraquim, sapa quimsa ururaqui diezmonacamsa churapjjam.

Amós 4:4 Jak'a apnaqawi uñst'ayäwi

Eclesiastés 11:9

Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Ezequiel 20:39

“ ‘Israelitanaka, Tatitux akham siwa: Janitix jaysañ munapkchistaxa, ¡ukhamax axtaskañ diosanakamar yupaychasipkakim! Ukampis mä uruw purini, jumanakax nayaruw jaysapxitäta, janirakiw nayan qullan sutixsa uka diosanakamar luqtanak churasa, yupaychasasa takichaskxapxätati.

Oseas 12:11

11 (12) Galaad chiqan yaqha diosanakaw utji, k'ari diosanakkamakiwa. Guilgal chiqansti urqu vacanakrak wilañcha luqtapxi; altaranakapasti q'ala tukjatawa, qala qutunakjam yapunak taypin willtatarakiwa.”

Oseas 4:15

“Israel marka, jumax wachuqa jucha lurañan sarnaqtaxa, Judá markakisay uka juchxa jan lurkpati. ¡Jan jumanakax Guilgal chiqarux sarapxamti, janirak Bet-avén qullurus makhatapxamti, Tatit laykus janipun juramento lurapxamti!

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Amós 3:14

Israel markaru jucha luratanakapat wayt'kä uka uruxa, Betel markan utjir yaqha diosanakar yupaychañ altaranakapsa t'unthapïwa; altaran uchat waxranakapsa, uraqirkamaw willthapirakï.

Amós 5:5

Betel markar jan thaqhapxamti, Guilgal markarus jan sarapxamti, janirak Beerseba marka chiqsa sarakipapxamti, Guilgal markasti katuntat apatäniwa, Betel markasti q'ala t'unjatarakïniwa”.

Mateo 23:32

¡Jichhax kuntix nayra awkinakamax lurañ qalltawaykatayna uk lurañ tukuyapxam!

Mateo 26:45

Ukatsti Jesusax yatiqirinakapan ukaruw kuttanxäna, jupanakarusti sarakïnwa: —¿Jichhakam ikisipkaktati? Pachax purinxiwa, Jaqin Yuqapan juchararanakan amparapar katuyatäñapataki.

Marcos 14:41

Kimsïr kuti kuttanisinsti sarakïnwa: —¿Ikisipkaktati? ¡Sartapxam! Jaqin Yuqapar katuntir qhuru jaqinakax niyaw akankxapxi, nayar katuntiriw jutapxi.

Marcos 5:5

Uruy arumaw qullunakana, amay imañ chiqanakan arnaqasis sarnaqirïna, jupa pacharakiw qalampis liq'jasirïna.

Deuteronomio 26:12

“Sapa kimsa maraw taqpach achunakamat sapa tunkat maya apaqäta, ukatsti uka achunakat levitanakaruw churäta, jumanak taypin jakir yaqha markat jutir jaqinakaru, wajchanakaru, ijmanakarus churarakïta. Ukhamat markanakaman jan khitis manq'atjam t'aqhiskaniti.