Amós 4:2 - Qullan Arunaka DC

² Tatitux qullan kankañapan juramentompiw arsu: “Chinuñanakampi chinuntat apapkätam uka urux jutaskiwa; wawanakamas chawlla katuñampi katuntat apatäpxaniwa.

Aymar Bibliia 1986

² Kollanätap laycuw Tatit Diosajja juramentompi arsuwayi. “Ganchonacamp catuntata apapcätam uca urojj jutasquiwa; wawanacamas ansuelompi catuntataraquïniwa.

Qullan Arunaca

² Kollanätap laycuw Tatit Diosajja juramentompi arsuwayi. “Ganchonacamp catuntata apapcätam uca urojj jutasquiwa; wawanacamas ansuelompi catuntataraquïniwa.

Amós 4:2 Jak'a apnaqawi uñst'ayäwi

Salmos 89:35

35 (36) Qullan kankañax laykuw juramento lurta, janiw juparux k'arintkäti:

Salmos 89:36

36 (37) wawanakapax jupa lantiw marka apnaqapxani, intin utjañapkamaw reyit utt'atäpxani.

Isaías 37:29

Wali q'apisitamsa, jach'a jach'a tukutamsa yattwa, ukat jichhax nasamarux mä gancho uchantäma, kunjämtix vacanakar uchantatäki ukhama, lakamarusti jakimu ucharakï, kunjämatix caballonakar apnaqañatak uchatäki ukhama, jichhasti kawki chiqtix sarktas uka pachpa thakhinjam kuttayanirakïma.”

Jeremías 16:16

Tatitusti sarakiwa: “Nayax walja uñisirinak khithanï, jupanakaw israelitanakar katurapxani. Ukatsti israelitanakar katurapxañapatakix jiwarayirinak waljani khithanirakï, jupanakaw taqi israelitanakarux qullunak tuqita, qarqa p'iyanakat wayuranipxani.

Ezequiel 29:4

Ukampis nayaw uka jawirat apsunïma, lakamat anzuelompi uskuntasaw qatatsunïma. Uka jawiran tuyur chawllanakasti juman k'ilinakamaruw lip'katapxani.

Ezequiel 34:16

Chhaqtat ovejanakar thaqhasxäwa, saranukutanakarus kuttayanxäwa, kayu p'akit sarnaqirinakarusti qullxatt'arakïwa, t'ukhanakarusti yanapt'äwa, lik'i ovejanakarusa, ch'amaninakarus sum uñjasirakï. Kunjämatix awatiñax wakiski ukhamarjamaw nayax awatisirakï.

Ezequiel 38:4

Jichhax jumar kuttayanïmawa, lakamarusti ganchonakampiw uskuntäma, jumarusa, caballonakar kachxatat suma isthapt'at soldadonakamarusa, espadanakampi, kunayman jark'aqasiñanakampi wakicht'ata uka jach'a ejercitorus apsunirakïwa.

Amós 6:8

Taqi ch'amani Tatit Diosaw qhanpach arsu akham sasa: “Jacobun markapan jach'a jach'a tukutap uñistwa, reyi utanakapsa uñistwa; marksti uñisirinakaparuw katxaruyä, kunatix ukan utjki ukanakamppach katxaruyäxa.”

Amós 8:7

Tatitusti, Israel markan jach'a kankañap laykuw juramento luri: “Janipuniw markaxan jan wali luratanakap armkäti” sasa.