Amós 4:1 - Qullan Arunaka DC

¹ Samariankir qamir warminaka, aka arunak ist'apxam, jumanakax wajchanakaruw jachayapxtaxa, jan kunaniruw t'aqhisiyapxtaxa, chachanakamarusti, machañatak vino mayipxtaxa.

Aymar Bibliia 1986

¹ Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Qullan Arunaca

¹ Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 4:1 Jak'a apnaqawi uñst'ayäwi

1 Reyes 16:24

Omrí reyisti Sémer sat chachat Samaria qullu alasïna suxta tunka suxtani kilo qullqimpi, uka qullun mä marka sayt'ayäna, nuwasiñataki suma uyuchrantat lurata, uka markarusti Samaria sutimpiw uchäna, Sémer chachan qullupätap layku.

Job 20:19

Jan kunani jaqinakan ch'amapamp qamiriptasin, jupanakar apanukuwayxatap layku, jupan jan utachat utanak katuntasitap layku.

Job 24:4

Jan kunan jaqinakarux thakhitsa maysaruw saranukuyapxi, jan yäqat jaqinakasti imantasxapxarakiwa.

Salmos 12:5

5 (6) Tatitux jupanakarux siwa: “T'aqhin jakir jaqinakampi, jan yäqat jaqinakampix mutuyata, t'aqhisiyataw uñjasipxi. Jupanakar yanapt'añatakiw sartasï, yanapt'ayasiñ munataparjamaw yanapt'ä” sasa.

Salmos 140:12

12 (13) Llakit jaqir Tatitun chiqapar uñjatap yatta, t'aqhisiyat jaqir arxatatap yatirakta.

Salmos 22:12

12 (13) Uñisirinakaxax urqu vacanakjamaw muyuntitu, Basán uraqin waxrasir urqu vacanakjamaw jalxatitu;

Proverbios 22:7

Qamir jaqix pist'añan jakasir jaqinak taypinxa, reyiwa; qullqi mayt'iristi, manusir jaqinak taypinxa reyirakiwa.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Eclesiastés 5:8

8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Isaías 28:1

¡Ay Samaria marka, Israel markan jach'a jach'a tukuñapa, machantat marka; ankuntat panqaranakampiw k'achachasta, uka suma qhirwan utjasiri marka, jaqinakapas vino umañamp atipjatanaka!

Isaías 5:8

¡Ay, kunakïkan jumanakatakixa, utanaksa ukkhar akkharuw alapxtaxa, uraqinaksa ukkhar akkharuw katuntapxtaxa, janiw khitirus jalt'asiyapktati, uka uraqinakxarux jumanakakïpkasmas ukham utjantasipxtaxa!

Isaías 56:12

Ukatsti sapxarakiwa: “¡Jutapxam! Jichhax wal machapxañäni. Qharürus uka kipkarak lurapxañäni, ukat sipansa juk'ampi machjasipxañäni” sasa.

Isaías 58:6

chiqpachansa janiw ukax ukhamäkiti. Kawkïri ayunotix kusisiykitu ukax akawa: ina ch'usat katuntatanakar antutxañawa, t'aqhisiyatanakar antutxañawa, jan suman uñjañanak apanukxañawa;

Jeremías 50:11

“Babiloniankirinaka, markaxar lunthatirinaka, ¡jichhax kusisipxam, k'uchirt'asipxam! ¡Vaca qallur uñtat chuxlla taypin sink'usipxam! ¡Caballonakjam wararipxam!

Jeremías 50:27

Mutuyäwi katuqañ urupax purinxiwa! ¡Taqpach soldadonakapar jiwarayapxam! ¡Taqpach jaqinakapar tukusiyapxam!

Jeremías 51:34

Jerusalén markasti sarakiwa: “Babiloniankir Nabucodonosor reyix jisk'a jisk'a tukjasaw manq'antitu; ch'usa chuwar uñtat jaytarakitu. Jach'a qutankir jach'a laq'ur uñtataw manq'antitu; nayan suma manq'anakaxampiw sist'asi, ukat jilt'irsti liwtxarakiwa. ¡Babiloniax nayar jan wal luratapat jichhax yatpan! ¡Caldeo jaqinakasti, nayan jaqinakax jiwarayatapat kunatix katuqañapäki uk katuqpan!”

Jeremías 6:6

Taqi ch'aman Tatitux akham siwa: “¡Quqanak tinkurayapxam, ukatsti uka lawanak arkt'apxam, ukanak patxat Jerusalenar nuwantañataki! Aka markax juchañchatäñatak katuyatawa, jupanakax t'aqhisiyir jaqinakäpxiwa.

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Ezequiel 18:12

pist'añan jakir jaqirus t'aqhisiyani, mayninakatsa lunthatani, manuniparus kuntix manu lanti katuqkatayna uksa jan kutt'aykani, uka k'ari diosanakar katuyasini, nayax uñiskta uka luräwinaksa lurarakini,

Ezequiel 22:12

Yaqhip jaqinakamasti jaqi masipar jiwayañatakiw qullqi katuqasipxi. Qullqsa wali jila jalaqtampiw mayt'apxi, jaqi masiparuw t'aqhisiyapxi, inakiw irnaqayapxi, nayatsti armasipxituwa. Naya, Tatituw uk arsta.

Ezequiel 22:27

Aka markan jilïrinakapasti, katutaparu jisk'a jisk'a wikhanuqiri qamaqinakar uñtatäpxiwa, jaqinak jiwarayañatakisti jank'akïpxiwa, ukhamat qamiriptapxañapataki.

Ezequiel 22:29

Qamir jaqinakax nuwasiñaru, lunthatasiñaru katuyatawa; t'aqhin jakirinakarusa, pist'añan sarnaqirinakarus inakiw irnaqayapxi, yaqha markat jutir jaqinakarus taqi kunansa jan wal uñjapxi.

Ezequiel 22:7

Jaqinakamasti janiw awkiparusa, taykaparusa suman uñjapkiti, yaqha markat jutiri jaqinakarus ñanqhachapxiwa, wajchanakarusa, ijma warminakarus inakiw irnaqayapxi.

Ezequiel 34:16

Chhaqtat ovejanakar thaqhasxäwa, saranukutanakarus kuttayanxäwa, kayu p'akit sarnaqirinakarusti qullxatt'arakïwa, t'ukhanakarusti yanapt'äwa, lik'i ovejanakarusa, ch'amaninakarus sum uñjasirakï. Kunjämatix awatiñax wakiski ukhamarjamaw nayax awatisirakï.

Ezequiel 39:18

Soldadonakan aychanakap manq'apxani, marka apnaqirinakan wilap umapxani, oveja aychäkaspas ukhama, jan ukax Basán sata uksa tuqinkir lik'i cabritonakana, urqu vacanakan aychapäkaspas ukhama.

Joel 3:3

3 (3) Suertet jaqtasin nayan markax jaljasipxäna, imill wawanaksa, yuqall wawanaksa aljantapxänwa, uka qullqsti machañanakampi, jan wali warminakampi sarnaqañanakan tukjapxäna.

Amós 3:1

Israelitanaka, Tatitun arunakap ist'apxam, Egipto uraqit irpsunki uka markar arsut arunaka:

Amós 3:3

Mä amtakïsipki ukkhaw jaqix panini suma sarnaqapxixa;

Amós 5:11

Janiw qalat lurasipkta uka suma utanakan jakapkätati, janirakiw uka suma uva yapunak yapuchasipkta ukatsa vino umapkätati, wajchanakar jisk'achapxatamata, trigotsa impuestonak apsupxatamata.

Amós 6:1

“¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Amós 6:6

jach'a tilinkinakat vino umapxtaxa, suma q'apkir qullanakampiw jawsusipxtaxa, ¡ukampis markan t'unjäwipat janiw akch'sa llakt'asipktati!

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Números 21:33

Uka qhipatsti Basán uraqiruw sarxapxäna, ukampis Basán markan Og reyipax taqpach ejercitopampiw Edrei chiqar saräna jupanakamp nuwasiri.

Deuteronomio 24:14

“Jumanakatix pist'añan jikxatasir jaqiru irnaqayasipxäta ukkhaxa, jan jumanakax juk'ampi ch'am tukuyapxamti, janirak irnaqatapat qullqi churañäki uksa katxäsipxamti, jumanakan israelita masimäpansa, jan ukax jaya markat jutir jaqïpansa.

Deuteronomio 28:33

Jan uñt'at jaqinakaw yapunakamat manq'asini, jumasti t'aqhisiyata jan wali uñjatapuniw sapürus sarnaqäta.