Amós 2:8 - Qullan Arunaka DC

⁸ Manut jaytat isinakxar winkxatasaw yaqha diosanakar yupaychasax altaran manq'apxi; qullqinak apsusasti, diosanakapan utaparuw vino umirix sarapxi.

Aymar Bibliia 1986

⁸ Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Qullan Arunaca

⁸ Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Amós 2:8 Jak'a apnaqawi uñst'ayäwi

Éxodo 22:25

25 (24) “Jumatix markaxankiri, jumamp jakir jan kunan jaqir qullqi mayt'äta ukaxa, janiw jumax qullqi mayt'irjam tukütati, janirakiw qullqin jalaqtapsa mayïtati.

Isaías 57:7

Ikiñamsa mä alay qulluruw wakichastaxa, uka qullunakaruw wilañchanak luqtasirix makhattaxa.

Ezequiel 18:12

pist'añan jakir jaqirus t'aqhisiyani, mayninakatsa lunthatani, manuniparus kuntix manu lanti katuqkatayna uksa jan kutt'aykani, uka k'ari diosanakar katuyasini, nayax uñiskta uka luräwinaksa lurarakini,

Ezequiel 18:7

janiw khitirus t'aqhisiykiti, jan ukasti manuniparux kuntix manu lanti katuqkatayna uksa kutt'ayxarakiwa; janiw khititsa lunthatkiti, manq'añapatsti khititix jan manq'añanïki ukarus churarakiwa, jan isinirusa ist'ayarakiwa;

Ezequiel 23:41

mä suma ikiñxaruw qunt'asipxäna, manq'añäwjas suma wakicht'atänwa, ukaruw nayar luqtatäkän uka inciensompi, aceitempi uchapxarakïna.

Oseas 4:8

Markaxax jucha luratanakapat luqtañatak apanipki ukanak manq'apxi; ukat jupanakax jaqinakaxan jucha lurapxañap juk'ampi munapxi.

Oseas 7:14

Ikiñanakapansa usuchjataw jachasipki, janchinakapsa mä amtañampiw chhuxrinuqasipxi, ukampis janiw taqi chuyma nayar mayisipkituti; suma achunak katuqañatakikiw ukham lurasipxi, ¡ukampis nayar saykatasipkakituwa!

Amós 3:14

Israel markaru jucha luratanakapat wayt'kä uka uruxa, Betel markan utjir yaqha diosanakar yupaychañ altaranakapsa t'unthapïwa; altaran uchat waxranakapsa, uraqirkamaw willthapirakï.

Amós 4:1

Samariankir qamir warminaka, aka arunak ist'apxam, jumanakax wajchanakaruw jachayapxtaxa, jan kunaniruw t'aqhisiyapxtaxa, chachanakamarusti, machañatak vino mayipxtaxa.

Amós 6:4

Jumanakax marfilat k'achachat suma ikiñanakan winkurapxtaxa, jach'a manq'äwinakansa suma qunuñanakxaru qunurata; ovej qallunakampi, lik'i vaca qallunakampi kharsuyasin manq'asa;

Amós 6:6

jach'a tilinkinakat vino umapxtaxa, suma q'apkir qullanakampiw jawsusipxtaxa, ¡ukampis markan t'unjäwipat janiw akch'sa llakt'asipktati!

1 Corintios 10:21

Janiw Tatitun qirupat umasax supayanakan qirupat umapkasmati; janirakiw Tatitun manq'äwipan manq'kasax supayanakan manq'äwipan manq'apkasmati.

1 Corintios 10:7

Janiy jumanakax yaqha diosanakar yupaychapxamti, kunjämtix jupanakat mä qawqhanix lurapkän ukhama, Qillqatasti siwa: “Jaqix manq'añataki, umañatakiw qunt'asïna, ukatsti thuqhupxarakïnwa” sasa.

1 Corintios 8:10

Ukhamasti jumatix ukanak yatkasina, yaqha diosanakar luqtañ chiqan qunt'asis manq'äta, ukatsti pisi iyawsañan jilatatix uñjätam ukaxa, uka jilatax uka yaqha diosar luqtat manq'a manq'arakispawa.

Jueces 9:27

uka jaqinakasti uva apthapiriw pampar sarapxäna, uka uvat vino lurapxäna, ukatsti mä jach'a phuñchhäwi lurapxäna, diosanakapan utapan manq'asa, umasa, Abimélec chachar ñanqhachasa.