Amós 2:3 - Qullan Arunaka DC

³ ¡Nayaw reyiparux markap taypit alisnukü; reyimp chiksti taqi jilïr jaqinakaparuw jiwarayarakï!” Ukham siw Tatituxa.

Aymar Bibliia 1986

³ Marcan reyip apakasajj jiwayayaraquïwa, takpach jilïr jakenacapamppacha” siw Tatitojja.

Qullan Arunaca

³ Marcan reyip apakasajj jiwayayaraquïwa, takpach jilïr jakenacapamppacha” siw Tatitojja.

Amós 2:3 Jak'a apnaqawi uñst'ayäwi

Job 12:21

Munañan jaqinakarus jisk'achjiwa, ch'amaninakarus jan ch'aman lurjaraki.

Salmos 141:6

Ñanqha luririnakan jilïrinakapax qarqanakat nukt'atäpxaniwa, arunakaxan askïtap uñjapxani.

Salmos 2:10

Aka uraqinkir reyinaka, amuyt'asipxam, ¡aka yatichäwinak sum yatiqapxam!

Isaías 40:23

Jupasti munañani jaqinakarux janis kunäkaspa ukham tukuyi, aka uraqin jach'a jilïrinakarus chhaqtayarakiwa.

Jeremías 48:25

Tatitux siwa: “Moab markan ch'amapax t'unjatawa, munañanïñapas t'unjatarakiwa” sasa.

Jeremías 48:7

“Moab marka, jumasti ch'amamaru, qamir yänakamaruw alkatasïyätaxa, ukampis jumax katuntataw uñjasirakïta. Quemós sat diosamasa jayar apatäniwa, sacerdotenakapampi, jilïr jaqinakapampi kuna.

Amós 5:12

Nayax ñanqha luratanakam yattwa, walja juchanakamsa uñt'araktwa: aski jaqirux qullqi chilltayasisaw t'aqhisiyapxtaxa, taripañ utanakansti wajchanakan aynacht'añap thaqhapxtaxa.

Amós 5:7

¡Ay kunakïkan jumanakatakixa, chiqa kankañsa k'allk'uruw tukuyapxtaxa, aski kankañarusa takichasipxaraktawa!

Amós 6:12

¿Caballonakax qarqanak patanjam jalapxaspati? ¿Quta taypin qhulliñax wakisispati? ¡Jumanakax chiqa kankañxa jiwayir qullaruw tukuyapxtaxa, aski luräwin achupsti k'allk'uruw tukuyapxaraktaxa!

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.