Amós 2:1 - Qullan Arunaka DC

¹ Tatitux akham siwa: “Moab markankir jaqinakax walja ñanqhanakpun lurapxi, ukat jupanakarux mutuyarakï; Edom markan reyipan ch'akhanakap qhillar tukuyañkam phichhantapxatapata.

Aymar Bibliia 1986

¹ Aqham siw Tatitojja: “Moab marcanquir jakenacajj walja ñankhanacpuni lurapjje, ucatsti janiw jan mutuyatäpcaspati, Edom marcan reyipan ch'aqhanacap khellar tucuyañcam phichhantapjjatapata.

Qullan Arunaca

¹ Aqham siw Tatitojja: “Moab marcanquir jakenacajj walja ñankhanacpuni lurapjje, ucatsti janiw jan mutuyatäpcaspati, Edom marcan reyipan ch'aqhanacap khellar tucuyañcam phichhantapjjatapata.

Amós 2:1 Jak'a apnaqawi uñst'ayäwi

2 Reyes 3:9

Ukhamaw Israelampina, Judá markampina, Edom markampin reyinakapax sarantapxäna. Ukampis paqallq uruw wasaranjam muytanipxañapäna, ukchañkamasti umapax pist'xänwa ejercitopatakisa, caballonakapatakisa.

Proverbios 15:3

Tatitux taqi chiqankiwa; aski jaqinakampiru, ñanqha jaqinakampiruw uñch'ukiski.

Isaías 11:14

Uka markanakan jakirinakax inti jalanta tuqinkir filisteonakaruw nuwantapxani, qhipäxat nuwantasaw liwinukupxani; inti jalsu tuqinkir markanakarux qamir yänakap aparapxani, Edom markankirinakasa, Moab markankirinakasa, jupanakaruw jaysapxani, Amón markankirinakarusa jupanakaw apnaqapxani.

Isaías 16:6

Moab markankirinakasti jach'a jach'a tukur jaqinakäpxiwa: taqinitsa juk'amp jach'anakäpkaspas ukham amuyasipxi, mayninakarus jisk'achasiñampiw uñkatapxi. ¡Ukampis pantjatäpxiwa!

Isaías 25:10

Tatituw Jerusalén markarux imaskani, Moab markarusti takisiniwa, kunjämtix t'unanakax takisitäki ukhama.

Jeremías 25:21

Edom, Moab, Amón;

Amós 1:11

Tatitux akham siwa: “Edom markankir jaqinakax wali ñanqhanakpun lurawayapxi, ukat jupanakarux mutuyarakï; israelita jilanakaparu jan khuyapt'ayasis espada ayt'at arknaqapxatapata. Jach'a phiñasiñapasa, uñisiñapas jilanakapatakix jan tukuskirïnwa.

Amós 1:13

Tatitux akham siwa: “Amón markankir jaqinakax wali ñanqhanakpun lurawayapxi, ukat jupanakarux mutuyarakï, uraqip jach'aptayasiñatakix Galaad markankir usur warminakan purakanakap kharitatapxäna.

Amós 1:3

Tatitux akham siwa: “Damasco markankirinakax wali ñanqhanakpun lurapxi, ukat jupanakax mutuyatäpxani, Galaad markankirinakarux trigo jawq'añampiw jawq'supxi.

Amós 1:6

Tatitux akham sarakiwa: “Gaza markankir jaqinakax wali ñanqhanak lurawayapxi, ukat jupanakarux mutuyarakï, mä markpachar katuntasaw apasxapxi, Edom markanxa, yaqhanakar luqtapxañapatakiw aljantapxi.

Amós 1:9

Tatitux akham siwa: “Tiro markankir jaqinakax wali ñanqhanakpun lurawayapxi, ukat jupanakarux mutuyarakï; mä markpachar t'aqhisiyat luqtiritak Edom markar aljantapxatapata, kawkïr markanakampitix jilapurjam jakasiñatak arust'äwix utjkäna ukar jan phuqhapxatapata.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Amós 2:6

Tatitux akham siwa: “Israel markankir jaqinakax walja ñanqhanak lurapxi, ukat jupanakarux mutuyä; jan juchan jaqirux qullqiruw aljantapxi, jan kunan wajcha jaqirusti mä paris wiskhuruw aljantapxi.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”