Amós 1:8 - Qullan Arunaka DC

⁸ Asdod markan utjasirinakarux tukjäwa, Ascalón marka apnaqirirus q'al tukjrakï. ¡Taqi ch'amaxampiw Ecrón markatakix sartä, jan mayanipuniw filisteonakax jiwarapxani! Ukham siw Tatituxa.”

Aymar Bibliia 1986

⁸ Asdod marcan uyuparusa tucjaraquïwa, uqhamaraqui qhititï Ascalón marca apnakqui ucarusa. ¡Take ch'amajjampiw Ecrón marcataquiw sartäjja, jan marcanipuniw filisteonacajj jiwarapjjanejja!” siw Tatitojja.

Qullan Arunaca

⁸ Asdod marcan uyuparusa tucjaraquïwa, uqhamaraqui qhititï Ascalón marca apnakqui ucarusa. ¡Take ch'amajjampiw Ecrón marcataquiw sartäjja, jan marcanipuniw filisteonacajj jiwarapjjanejja!” siw Tatitojja.

Amós 1:8 Jak'a apnaqawi uñst'ayäwi

2 Crónicas 26:6

Ozías reyix filisteonakampi nuwasiñ qalltäna, ukatsti Gat, Jabnia, Asdod uka markanakan uyu pirqanakap tinkurayäna, ukatsti Asdod uraqin filisiteonak taypinxa, markanak lurayäna.

Salmos 81:14

14 (15) mä ch'ipxtanak timanakaparux aynacht'ayiriskäyäta, uñisirinakaparus mutuyiriskäyäta.”

Isaías 1:25

Wasitat jumatakix amparax aytä, q'añu luratanakamsti ninampiw nakhantayä, q'añuchasitamat q'uma tukuyäma.

Isaías 20:1

Mä kutixa, Asiriankir Sargón reyix mä jach'a jilïriruw Asdod markar sarañapatak khithäna, ukatsti uka markar nuwantasaw atipjäna.

Jeremías 47:1

Egipton faraón reyipax Gaza sat markar janïra nuwantkipan Tatitux filisteo jaqinakatak Jeremías profetarux aka arunak parläna:

Ezequiel 25:16

Ukatpï naya, Tatitux sistxa: Jichhax filisteonakaruw mutuyä; quereteo jaqinakarusti q'al tukjä, jach'a quta iraman utjasipki ukanakarus q'al tukjarakï.

Joel 3:4

4 (4) “Tiro, Sidón, Filistea markanaka, ¿kunsa nayampix lurañ munapxta? ¿Phuqsusiñti munapxista? ¿Kunanak mayisxañcha munapxtaxa? ¡Kunatix wakiski uk jank'akiw churapxäma!

Amós 1:7

Ukat Gaza markan uyunakap ninampi phichkatä, uka ninasti reyi utanakapsa q'al nakhantarakini.

Amós 3:9

Asdod markankir reyi utanakapan yatiyapxam, Egipto markankir reyi utanakapan yatiyapxarakim: “Samaria uraqin qullunakapar jutapxam; uka markan utjir jan walt'añanakampi, t'aqhisiyañanakampi uñjapxam.”

Abdías 1:18

Jacobun wawanakapax ninäniwa, Josean wawanakapasti lawrkir ninäniwa; Esaun wawanakapasti t'unar uñtatäniwa, uka ninaw jupanakar q'al nakhantani. ¡Esaun wawanakapax janiw maynis qhispkaniti! Naya, Tatituw uk arsta.”

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Zacarías 9:5

“Uk uñjasasti, Ascalón markax walpun mulljasini. Gaza markasti ukhamarakiw t'aqhisini, Ecrón markan suyt'äwipax jan kunatakïniwa. ¡Gaza markax jan reyiniw qhiparani, Ascalón markasti jan jaqinakanirakiw uñjasini!

Zacarías 9:6

Asdod markansti kunayman jaqinakaw jakani, ukhamat filisteonakan jach'a jach'a tukutapxa jisk'achjä.

1 Samuel 6:17

Kawkïr qurit lurat phisqa ch'uphunaktix filisteonakax pantjasitapat Tatitur luqtapkäna ukanakaxa, Asdod, Gaza, Ascalón, Gat, Ecrón uka markanakatänwa,