Amós 1:7 - Qullan Arunaka DC

⁷ Ukat Gaza markan uyunakap ninampi phichkatä, uka ninasti reyi utanakapsa q'al nakhantarakini.

Aymar Bibliia 1986

⁷ Ucatwa ninampi phichcatäjja Gaza marcan uyunacapjja, uca ninasti palacionacapsa k'al naqhantaraquini.

Qullan Arunaca

⁷ Ucatwa ninampi phichcatäjja Gaza marcan uyunacapjja, uca ninasti palacionacapsa k'al naqhantaraquini.

Amós 1:7 Jak'a apnaqawi uñst'ayäwi

2 Reyes 18:8

Ukhamarus filisteo jaqinakarux Gaza markakama, qurpanakapkam atipjarakïna, uñch'ukiñataki pukaranakax luratäki ukkhata, suma uyuchrantat markanakkama.

2 Crónicas 26:6

Ozías reyix filisteonakampi nuwasiñ qalltäna, ukatsti Gat, Jabnia, Asdod uka markanakan uyu pirqanakap tinkurayäna, ukatsti Asdod uraqin filisiteonak taypinxa, markanak lurayäna.

Jeremías 47:1

Egipton faraón reyipax Gaza sat markar janïra nuwantkipan Tatitux filisteo jaqinakatak Jeremías profetarux aka arunak parläna:

Jeremías 47:5

Gaza markankirinakax ñik'utap q'al mururasipxi, Ascalón markankirinakasti amutuw qhiparapxi. Nayra pacha jach'a tansa jaqinakat jilt'iri, usuyasitam uñacht'ayañatakix ¿kunapachkamas janchim kharinuqasïta?

Ezequiel 30:8

Egipto markar nayax ninampi phichkatkä, taqi yanapirinakaparus tukjkarakï, ukapachaw nayan Tatitütax yatipxani.

Ezequiel 39:6

Magog markxarusti nina apayanï, khitinakatix jach'a quta tuqinakan k'uchik jakasisipki ukanakxarus apayanirakïwa. Ukapachaw jupanakax nayan Tatitütax yatipxani.

Amós 1:4

Ukat Hazael reyin utaparux ninampi phichkatäxa, uka ninasti Ben-hadad yuqapan jach'a utapsa q'al nakhantani.

Amós 1:6

Tatitux akham sarakiwa: “Gaza markankir jaqinakax wali ñanqhanak lurawayapxi, ukat jupanakarux mutuyarakï, mä markpachar katuntasaw apasxapxi, Edom markanxa, yaqhanakar luqtapxañapatakiw aljantapxi.

Amós 1:8

Asdod markan utjasirinakarux tukjäwa, Ascalón marka apnaqirirus q'al tukjrakï. ¡Taqi ch'amaxampiw Ecrón markatakix sartä, jan mayanipuniw filisteonakax jiwarapxani! Ukham siw Tatituxa.”

Sofonías 2:4

Gaza markasti ch'usa wasarar tukuyatäniwa, Ascalón markasti q'ala t'unjatarakïniwa; Asdod markan jakirinakasti urpachaw jaqunukut uñjasipxani, Ecrón markankirinakasti saphitpach jik'inukutarakïniwa.

Romanos 12:19

Munat jilatanaka, jumanak purax jan ukhamat ukham lurjasipxamti, jan ukasti Diosar jaytapxam, jupaw mutuyaskani. Qillqatax siwa: “Nayaruw chiqapar uñjañax wakt'itu; nayaw mutuyaskä, siw Tatituxa” sasa.

Deuteronomio 32:35

phuqsusiñ urux purinkani ukkhataki, aynacht'añapax purinkani ukkhataki. ¡Niyaw jak'ankxi jupanakar t'unjañ uruxa, niyaw jak'ankxi mutuyäwipaxa!’ sasa.