Amós 1:2 - Qullan Arunaka DC

² Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Aymar Bibliia 1986

² Saraquïnwa: “Cunapachatï Tatitojj Jerusalén marcana, Sión kolluta wali jach'a arumpi art'i ucapachajj uywa mank'aña pastonacas pharsuwa, Carmelo sat kollusti k'alaw wañsuraqui.”

Qullan Arunaca

² Saraquïnwa: “Cunapachatï Tatitojj Jerusalén marcana, Sión kolluta wali jach'a arumpi art'i ucapachajj uywa mank'aña pastonacas pharsuwa, Carmelo sat kollusti k'alaw wañsuraqui.”

Amós 1:2 Jak'a apnaqawi uñst'ayäwi

Salmos 29:4

Tatitun arupax wali ch'amaniw ist'asi; Tatitun arupax axsarkayaw ist'asi.

Salmos 46:6

6 (7) Markanakax uxuwa, reyinakasti khathatiwa, uraqix khathatiwa, ch'aman arup ist'asiyki ukapachaxa.

Proverbios 20:2

Reyin q'apisitapax wararir leonar uñtatawa; jupar q'apisiyirix, jakañap jan walt'añaruw puriyaski.

Isaías 33:9

Taqiniw aka markan wali llakt'at jikxatasipxi, Líbano qullunkir ch'uminakas q'alaw wañsuwayxi, Sarón qhirwasti ch'usa wasarar tukutawa, Basán chiqasa, Carmelo qullusa q'ara qullukïxiwa.

Isaías 35:2

Taqiniw Tatitun jach'a kankañap uñjasax kusisipxani, Tatitux uka ch'usa wasar uraqirux Líbano qullur uñtat jiwak tukuyani, wali sum achuri Carmelo qullur uñtata, jan ukax Sarón siski ukkha suma qhirwar uñtata.

Isaías 42:13

Tatitusti mä atipirjamaw mistunini, taqi ch'amampiw nuwasir jaqjam nuwasini; nuwantañatakiw art'ani, uñisirinakaparusti atipjaniwa.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 14:2

“Judá markax llakisiñat jachi, markanakapasti llakt'atkamakiwa, jaqinakapas uraqir liwirtatkamakiwa; Jerusalenansti taqiniw wal jachapxi.

Jeremías 25:30

“Jumasti Jeremías, taqi akanak nayan sutixar yatiyaskakim, jupanakarusti sarakim: ‘Tatitux jach'a arupampiw arsu, alaxpachatpacha, kawkhantix jakki uka qullan chiqatpacha. Tamapatakix kunjämatix uva ch'irwirinakax arnaqasipxi ukhamaw arnaqasi, taqi jaqinakatakiw arnaqasi.

Jeremías 28:8

Kawkïr profetanakatix nayra pachan utjkäna, janïra jumas, nayas yurkäyätan ukapacha; ukanakasti nuwasiñanaka, t'aqhisiñanaka, kunayman usunakan utjañap yatiyapxäna, walja jach'a ch'amani markanakataki.

Jeremías 50:19

Israel markarusti uraqiparuw kuttayanxä. Carmelo uraqina, Basán uraqina, Efraín qullunakana, Galaad uraqinsa naya pachpaw ovejanakarjam suma chhuxllanak churarakï.

Oseas 11:10

Jupanakasti Tatituruw arkapxani, jupasti mä leonjamaw wararini. Wararitapatsti, jupankirinakax khathatt'asisaw inti jalanta tuqit jutxapxani.

Oseas 13:8

Qallunakap chhaqhayasir jukumarir uñtataw jupanakarux jikxatä, ukatsti chuymapsa jisk'a jisk'a tukjä. Mä leonar uñtataw jupanakarux pachpan manq'antä; ch'uminkir laq'ur uñtataw jupanakarux tukjarakï.

Joel 1:19

¡Dios Tatay, jumaruw art'asinsma, wasarankir quqanaksa, pampankir chhuxllanaksa ninaw q'al nakhantawayxi!

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Amós 9:3

Carmelo qullu patarus imantasisipkpan, ukakamas thaqhirix saraskakïwa; quta manqharus nayat imantasisipkpan, quta manqhankir laq'ur khithasaw nayax tukjayä;

Nahúm 1:4

Jach'a qutarusti tuqintasin wañt'ayi; taqi jawiranaksa wañt'ayarakiwa. Basán tuqinkir pampa uraqinakapasa, Carmelo qullun ch'uxñanakapas wañsuwayxiwa, Libanonkir panqaranakas pharsuwayxarakiwa.

1 Samuel 25:2

Maón tuqinsti mä qamiri jaqiw utjäna, kimsa waranqa ovejani, waranqa cabritoni, Carmel markan alakip lurir jaqïnwa, ukansti ovejanakapat t'arwa yawirïna.