Amós 1:10 - Qullan Arunaka DC

¹⁰ Ukat Tiro markan uyunakapsa ninampi phichkatä, ninasti reyin jach'a utanakapsa q'al nakhantarakini.”

Aymar Bibliia 1986

¹⁰ Ucatwa ninampi phichcatäjja Tiro marcan uyunacapjja, uca ninasti k'al naqhantaraquini palacionacapsa” sasa.

Qullan Arunaca

¹⁰ Ucatwa ninampi phichcatäjja Tiro marcan uyunacapjja, uca ninasti k'al naqhantaraquini palacionacapsa” sasa.

Amós 1:10 Jak'a apnaqawi uñst'ayäwi

Jeremías 47:4

Filisteonakar tukjañ urusti puriniwa, Tiro, Sidón uka markanakan yanapirinakapar tukjañ urusti purinxiwa.” Jïsa, Tatituw filisteo jaqinakarux q'al tukjani, Creta sat wat'at jutirinakaru.

Ezequiel 26:12

Soldadonakapax jan kunan jaytawayapxätam, aljasiñanakamsa lunthatjawayapxätamwa, pirqanakamsa tinkunukuyapxaniwa, uka suma utanakamsa q'al tukjapxarakini; qutaruw qalanaksa, uta lawanaksa, t'unanakamppacha willintapxani.

Ezequiel 26:4

marka pirqanakamsa t'unjapxaniwa, pukaranakamsa pampa tukuyapxani. Laq'sa q'al pichsurakï, mä q'ara qarqaruw tukuyawayä.

Ezequiel 28:18

Walja juchanakpun lurtaxa, alakip luratamampix walpun ñanqhachastaxa, qullan utanakamsa q'añuchjaraktawa. Ukatpï nayax juma taypin mä nina naktaytxa, uka ninan jumar nakhantañapataki. Jichhax taqiniw jumarux uñjapxtam, uraqir liwnuqtata, qhillar tukuta.

Joel 3:4

4 (4) “Tiro, Sidón, Filistea markanaka, ¿kunsa nayampix lurañ munapxta? ¿Phuqsusiñti munapxista? ¿Kunanak mayisxañcha munapxtaxa? ¡Kunatix wakiski uk jank'akiw churapxäma!

Amós 1:4

Ukat Hazael reyin utaparux ninampi phichkatäxa, uka ninasti Ben-hadad yuqapan jach'a utapsa q'al nakhantani.

Amós 1:7

Ukat Gaza markan uyunakap ninampi phichkatä, uka ninasti reyi utanakapsa q'al nakhantarakini.

Zacarías 9:4

Ukampis Tatitux taqpach aparani, qamir yänakapsa qutaruw warantani, marksti q'ala nakhantayarakini.