3 Juan 1:11 - Qullan Arunaka DC

¹¹ Munat jilata, ñanqha lurañanakat jan yatiqasimti, jan ukasti kunanakatix askïki ukar arkam. Khititix ask lurki ukax Diosankiwa, ñanqha luriristi janiw Diosar uñt'kiti.

Aymar Bibliia 1986

¹¹ Munat jilata, uca jan wali luräwinacarojj jan arcamti, jan ucasti asquinacaru arcam. Qhititejj asqui lurqui uquïrejja Diosanquiwa, ucampis qhititejj jan wal lurqui ucajja janiw Diosar uñt'quiti.

Qullan Arunaca

¹¹ Munat jilata, uca jan wali luräwinacarojj jan arcamti, jan ucasti asquinacaru arcam. Qhititejj asqui lurqui uquïrejja Diosanquiwa, ucampis qhititejj jan wal lurqui ucajja janiw Diosar uñt'quiti.

3 Juan 1:11 Jak'a apnaqawi uñst'ayäwi

Salmos 34:14

14 (15) Ñanqha lurañat jithiqtasim, askïki ukakpun luram, sumankañ thaqham, qhipap arkarakim.

Salmos 37:27

Ñanqha lurañat jithiqtasim, kunatix askïki ukarak luram, jakañamatakisti utax utjapunïtamwa.

Éxodo 23:2

“Janiw jaqinakar waljanïtap layku, ñanqha luratanakapar arkätati. “Mä taripäwin arsuñam utjchi ukaxa, janiw mayninakan waljanïtap layku jupanakjam parlätati, chiqapäkis uk arsüta;

Proverbios 12:11

Yapuchir jaqix walja manq'añaniwa; jan amuyt'asir jaqisti inamay luräwinakan sarnaqi.

Juan 10:27

Ovejanakaxasti nayan arux sum uñt'i, nayas uñt'araktwa, ukat jupanakax nayar arkapxitu.

Juan 12:26

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Juan 3:20

Jan wal lurir jaqinakax qhanaruw uñisipxi, janiw uka qhanar jak'achasipkiti, jan wali luratanakapan jan qhanstañapataki.

1 Corintios 11:1

Jumanakax nayat yatiqasis sarnaqapxam, kunjämtix nayax Cristot yatiqasis sarnaqkta ukhama.

1 Corintios 4:16

Ukhamasti, nayat yatiqasis sarnaqapxañamatakiw achikt'apxsma.

Efesios 5:1

Jumanakasti, Diosan munat wawanakapjamax jupat yatiqasipxam.

Filipenses 3:17

Jilatanaka, taqinis nayjam sarnaqapxam, ukatsti khitinakatix nanakjam sarnaqapki ukanakar uñtasarak sarnaqapxam.

1 Tesalonicenses 1:6

Jumanakasti nanakar uñtasa, Cristor uñtasaw arkapxtaxa, ukatsti wali jach'a t'aqhisiñanak taypinsa, kusisiñampiw Qullan Ajayun yatiyäwip katuqapxtaxa.

1 Tesalonicenses 2:14

Jilatanaka, kunapachatix jumanakax marka masinakamampi arknaqatäpkäyät ukkhaxa, uka pachparakiw Judeankir Cristo Jesusar iyawsirinakampix lurasïna, jupanakasti judío marka masinakapampi arknaqatäpxänwa.

2 Timoteo 3:10

Ukampis jumax yatichäwixar arkapuntawa, ukhamarak sarnaqataxaru, amtäwixaru, iyawsäwixaru, llamp'u chuymanïtaxaru, munasiñaxaru, ch'amampi sayt'asiñaxaru,

Hebreos 6:12

Janiw jayra tukupxañam munapkti, jan ukasti, khitinakatix iyawsañ tuqi Diosan arsut churäwipa katuqapki taqi jupanakat yatiqasipxam.

1 Pedro 3:11

kunatix askïki ukanak lurapxpan, jan wali lurañanak apanukupxpan taqinimpis suman sarnaqasipxpan.

1 Pedro 3:13

Jumanakatix aski lurañanakan sarnaqasipksta ukkhaxa, ¿khitirak jan walinak lurapxiristamsti?

1 Juan 2:29

Jumanakatix Tatit Jesucriston chiqapar uñjirïtap yatipxstaxa, jumanakax yatipxañamarakiwa, kunatix askïki uk lurapki ukanakax Diosan wawanakapawa.

1 Juan 3:10

Ukhamat yatisi khitinakas Diosan wawanakapaxa, khitinakarakis supayan wawanakapaxa. Kawkïritix jan aski lurki, janiraki jilaparus munaski ukaxa, janiw Diosankkiti.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.